ನವದೆಹಲಿ: ಹೊಸ ಟೆಲಿಕಾಂ ಬ್ರ್ಯಾಂಡ್ KULT ಭಾರತೀಯ ಮಾರುಕಟ್ಟೆಗೆ ಪ್ರವೇಶಿಸಿದೆ. ತನ್ನ ಪ್ರಮುಖ ಸ್ಮಾರ್ಟ್‌ಫೋನ್ 10 ಅನ್ನು ಅದು ಭಾರತಕ್ಕೆ ಪರಿಚಯಿಸಿದ್ದು, ಇದು ಅತ್ಯಂತ ಸರಳ ಬಳಕೆ ಮತ್ತು ಗ್ರಾಹಕರ ಕೈಗೆಟಕುವ ಬೆಲೆಗೆ ದೊರಕಲಿದೆ. ಭಾರತ, ಚೀನಾ ಹಾಗೂ ತೈವಾನ್‌ಗಳಲ್ಲಿ ವಿನ್ಯಾಸಗೊಳಿಸಲಾಗಿರುವ ಹೊಸ ಪರಿಕಲ್ಪನೆಯ ಈ ಫೋನ್ ಆನ್‌ಲೈನ್ ವಿತರಕ ಸ್ನ್ಯಾಪ್‌ಡೀಲ್‌ನಲ್ಲಿ ರೂ.7,999ಗೆ ದೊರೆಯಲಿದೆ.
KULT ಸ್ಮಾರ್ಟ್‌ಫೋನ್ 10, ಬಹು ಸಂಪರ್ಕ ಮತ್ತು ಸರಳ ವಿನ್ಯಾಸ ತಂತ್ರಜ್ಞಾನ ಬೇಡಿಕೆ ಹೊಂದಿರುವ, ಉತ್ತಮ ಡಿಜಿಟಲ್ ಅನುಭವ ಬಯಸುವ ಗ್ರಾಹಕರಿಗಾಗಿಯೇ ಈ ಸ್ಮಾರ್ಟ್‌ಫೋನ್ ವಿನ್ಯಾಸಗೊಳಿಸಲಾಗಿದೆ ಎಂದು KULT ಸಂಸ್ಥಾಪಕ ನಿತೇಶ್ ಗುಪ್ತಾ ಹೇಳಿದ್ದಾರೆ.
ಇದು LTE ಸಾಧನದೊಂದಿಗೆ 64 ಬಿಟ್ ಕ್ವಾಡ್ ಕೋರ್ ಪ್ರಾಸೆಸರ್, 3 ಜಿಬಿ ರ್‍ಯಾಮ್, 16 ಜಿಬಿ ಇನ್‌ಬಿಲ್ಟ್ ಮೆಮರಿ, 128 ಜಿಬಿ ವಿಸ್ತೃತ (expandable) ಮೆಮೊರಿ ಹೊಂದಿದೆ. ಇದು ಡ್ಯುಯಲ್ ಸಿಮ್ (ಮೈಕ್ರೋ+ನ್ಯಾನೊ), ಮೈಕ್ರೋ ಎಸ್‌ಡಿ ಕಾರ್ಡ್, ಆಂಡ್ರಾಯ್ಡ್ 5.1 ಲಾಲಿಪಾಪ್ (6.0 ಗೆ ಪರಿವರ್ತಿಸಬಹುದಾದ) ಆಪರೇಟಿಂಗ್ ಸಿಸ್ಟಮ್ ವೈಶಿಷ್ಟ್ಯಗಳನ್ನು ಹೊಂದಿದೆ. ಅಲ್ಲದೇ 13 ಮೆಗಾ ಪಿಕ್ಸೆಲ್‌ನ ಫೇಸ್ ಡಿಟೆಕ್ಷನ್ ಅಟೋ ಫೋಕಸ್ ಪ್ರಮುಖ ಕ್ಯಾಮೆರಾ, 5 ಮೆಗಾ ಪಿಕ್ಸೆಲ್ ಫ್ರಂಟ್ ಕ್ಯಾಮೆರಾ ಹೊಂದಿದೆ.
5 ಇಂಚ್‌ನ ಹೈ ಡೆಫಿನಿಷನ್ ಐಪಿಎಸ್ ಡಿಸ್ಪ್ಲೇ, 1280×720 ಪಿಕ್ಸೆಲ್ ರೆಸೋಲ್ಯೂಷನ್‌ನೊಂದಿಗೆ 2,350 ಎಂಎಎಚ್ ಬ್ಯಾಟರಿ ಅಳವಡಿಸಲಾಗಿದೆ.
ಗ್ರಾಹಕರು ಆನ್‌ಲೈನ್ ಮೂಲಕ ಸ್ನ್ಯಾಪ್‌ಡೀಲ್‌ನ ಮೊಬಿಲಿಟಿ ವರ್ಲ್ಡ್ ಸ್ಟೋರ್ಸ್‌ನಲ್ಲಿ ಇದನ್ನು ಪಡೆಯಬಹುದು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
