ಅರುಪ್ ಮುಖರ್ಜಿ, ಕೋಲ್ಕತ್ತಾದ ನ್ಯೂ ಅಲಿಪೋರ್ ಪೊಲೀಸ್ ಸ್ಟೇಷನ್ನಿನಲ್ಲಿ ಕಾನ್ಸ್‌ಸ್ಟೇಬಲ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ವೃತ್ತಿಯಲ್ಲಿ ಇವರು ಪೊಲೀಸ್ ಆಗಿದ್ದರೂ ಸಮಾಜಸೇವೆಯತ್ತ ಅದರಲ್ಲೂ ಮುಖ್ಯವಾಗಿ ಮಕ್ಕಳ ಶಿಕ್ಷಣದತ್ತ ಸದಾ ಇವರ ಮನಸ್ಸು ತುಡಿಯುತ್ತಿರುತ್ತದೆ.
ಇವರ ಪ್ರತಿ ತಿಂಗಳ ಸಂಪೂರ್ಣ ಸಂಬಳ ಪಂಚ ನಬದಿಶ ಮಾಡೆಲ್ ಶಾಲೆಯ ಅಭಿವೃದ್ಧಿ ಮತ್ತು ನಿರ್ವಹಣೆಗಾಗಿ ವ್ಯಯವಾಗುತ್ತಿದೆ. ಇಲ್ಲಿ ಕಲಿಯುತ್ತಿರುವ ೪೦ ಮಕ್ಕಳ ಶೈಕ್ಷಣಿಕ ಭವಿಷ್ಯವನ್ನು ಗಟ್ಟಿಗೊಳಿಸುತ್ತಿರುವ ವಿದ್ಯಾದಾತ ಅರುಪ್.
ಪುರುಲಿಯಾ ಜಿಲ್ಲೆಯ ಕುಗ್ರಾಮದಲ್ಲಿ ನಬದಿಶ ಶಾಲೆಯನ್ನು ಕಟ್ಟಲಾಗಿದೆ. ಸಬರ್ ಎಂಬ ಬುಡಕಟ್ಟು ಜನಾಂಗದ ಮಕ್ಕಳಿಗೆ ಕಲಿಯಲು ಇರುವ ಏಕೈಕ ಆಸರೆ ಈ ಶಾಲೆ. ನೆಲೆಸಲು ಸರಿಯಾದ ಮೆನಯೂ ಇಲ್ಲದ ಈ ಮಕ್ಕಳು ವಾಸಿಸುವುದೂ ಇದೇ ಶಾಲೆಯಲ್ಲಿ.
ಸಬರ್ ಜನಾಂಗವನ್ನು ಮೇಲೆತ್ತಲು ಶಪಥ ಮಾಡಿರುವ ಅರುಪ್, ಅವರ ಮಕ್ಕಳ ಶಿಕ್ಷಣಕ್ಕಾಗಿ ತಮ್ಮ ಇಡೀ ಸಂಬಳವನ್ನು ವ್ಯಯಿಸುತ್ತಿದ್ದಾರೆ. ತಾವು ಪೊಲೀಸ್ ಹೆಡ್‌ಕ್ವಾಟರ್‌ನಲ್ಲಿ ಬದುಕಿ, ಅಲ್ಲಿ ಏನು ನೀಡಲಾಗುತ್ತದೋ ಅದನ್ನು ತಿನ್ನುತ್ತಾರೆ.
5 ರೂಂಗಳಿರುವ ಈ ಶಾಲೆಯಲ್ಲಿ ಟಾಯ್ಲೆಟ್ ವ್ಯವಸ್ಥೆ ಇಲ್ಲ, ಅದಕ್ಕಾಗಿ ಈಗ ಅರುಪ್ ಅನುದಾನವನ್ನು ಸಂಗ್ರಹಿಸುವ ಕಾರ್ಯದಲ್ಲಿ ಮಗ್ನರಾಗಿದ್ದಾರೆ. ಯಾವುದಾದರೂ ಮೂಲೆಯಿಂದ ಹಣವನ್ನು ಹೊಂದಿಸಿ ಮಕ್ಕಳಿಗೆ ಶೌಚಾಲಯ ಕಟ್ಟಿಕೊಡಬೇಕೆಂಬ ಹೆಬ್ಬಯಕೆ ಅವರದ್ದು. ಅಷ್ಟೇ ಅಲ್ಲದೇ ಮಕ್ಕಳಿಗೆ ಬಟ್ಟೆ, ಆಹಾರವನ್ನು ನೀಡುವಂತೆ ಅವರು ಜನರಲ್ಲಿ ಮನವಿ ಮಾಡಿಕೊಳ್ಳುತ್ತಿದ್ದಾರೆ. ಅವರ ಈ ಕಾರ್ಯಕ್ಕೆ ಸಹೋದ್ಯೋಗಿಗಳು, ಮಿತ್ರರು ಸಾಥ್ ನೀಡುತ್ತಿದ್ದಾರೆ.
ಶಿಸ್ತಿನ ಪೊಲೀಸ್ ಆಗಿರುವ ಅರುಪ್ ಸಮಯ ಸಿಕ್ಕಾಗೆಲ್ಲಾ ಈ ಶಾಲೆಗೆ ಬಂದು ಅದರ ಅಭಿವೃದ್ಧಿಯತ್ತ ಗಮನ ಹರಿಸುತ್ತಾರೆ. ಇಲ್ಲಿನ ಮಕ್ಕಳೇ ನನ್ನ ಕುಟುಂಬ ಎಂದು ಹೇಳುವ ಅರುಪ್ ಈ ದೇಶದ ನಿಜವಾದ ಸೇವಕ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
