ಭಾರತದ ಹೆಮ್ಮೆಯ ನೌಕಾ ಸೇನೆ ಪ್ರತಿವರ್ಷ ಡಿಸೆಂಬರ್ 4ರಂದು ನೌಕಾ ದಿನವನ್ನು ಆಚರಿಸುತ್ತದೆ. ಈ ವೇಳೆ ವಿಶಾಖಪಟ್ಟಣದ ಆರ್‌ಕೆ ಬೀಚ್‌ನಲ್ಲಿ ಒಂದು ವಾರಗಳ ಕಾಲ ಯುದ್ಧನೌಕೆ, ಪ್ಲೇನ್, ಟ್ಯಾಂಕ್‌ಗಳ ಪ್ರದರ್ಶನ ಏರ್ಪಡುತ್ತದೆ. ದೇಶದ ಜನರಿಗೆ ನೌಕಾಸೇನೆ, ಅದರ ಬಲ ಮತ್ತು ಸಾಮರ್ಥ್ಯದ ಬಗ್ಗೆ ಮಾಹಿತಿ ನೀಡುವ ಆಕರ್ಷಣೀಯ ಕಾರ್ಯಕ್ರಮ ಇದಾಗಿದೆ.
1971ರ ಇಂಡೋ-ಪಾಕಿಸ್ಥಾನ ಯುದ್ಧದ ಸಂದರ್ಭ ನೌಕಾ ಸೇನೆ ಪಾಕ್ ವಿರುದ್ಧ ‘ಆಪರೇಷನ್ ಟ್ರಿಡೆಂಟ್’ನ್ನು ಆರಂಭಿಸಿತ್ತು. ಇದರ ನೆನಪಿನಲ್ಲಿ ಪ್ರತಿವರ್ಷ ಡಿ.4ರಂದು ನೌಕಾ ದಿನವನ್ನು ಆಚರಣೆ ಮಾಡಲಾಗುತ್ತಿದೆ. ಆಪರೇಷನ್ ಟ್ರಿಡೆಂಟ್ ಆರಂಭಿಸಿದ ಒಂದೇ ರಾತ್ರಿಯಲ್ಲಿ ಪಾಕಿಸ್ಥಾನದ ಕರಾಚಿ ಬಂದರಿನಲ್ಲಿ ಮೂರು ಹಡಗುಗಳನ್ನು ಮುಳುಗಿಸಿದ ಕೀರ್ತಿ ನಮ್ಮ ನೌಕಾಸೇನೆಯದ್ದು.
2010ರ ವರದಿಯಂತೆ ನೌಕಾಸೇನೆಯಲ್ಲಿ ಒಟ್ಟು 58,350 ಮಂದಿ ಸಕ್ರಿಯ ಸಿಬ್ಬಂದಿಗಳಿದ್ದಾರೆ. 7 ಸಾವಿರ ನಾವೆಲ್ ಆವಿಯೇಷನ್ ಮತ್ತು 2 ಸಾವಿರ ಮರೈನ್ ಕಮಾಂಡೋಗಳು, 1 ಸಾವಿರ ಸಾಗರ್ ಪ್ರಹಾರಿ ಬಲ್ ಯೋಧರು ಇದರಲ್ಲಿ ಸೇರಿದ್ದಾರೆ. 183 ಹಡಗು, 213 ಏರ್‌ಕ್ರಾಫ್ಟ್‌ನ ಬಲ ನಮ್ಮ ನೌಕಾಸೇನೆಗಿದೆ.
ಶಾನ್ ಹೊ ವರುಣಾ: (ನೀರಿನ ದೇವತೆಯಾದ ವರುಣಾ ನಮಗೆ ಮಂಗಳಕರನಾಗಿರಲಿ) ಎಂಬ ಧ್ಯೇಯದೊಂದಿಗೆ, ಸಾಗರ ನೀಲಿ ಮತ್ತು ಬಿಳಿ ಬಣ್ಣದ ಸಮವಸ್ತ್ರ ತೊಟ್ಟು, ಜೈ ಭಾರತಿ ಎಂಬ ಘೋಷಣೆಯೊಂದಿಗೆ ನೌಕಾ ಯೋಧರು ಸದಾ ಸಾಗರ ತೀರಗಳಲ್ಲಿ ದೇಶದ ಕಾವಲಾಗಿ ನಿಂತಿದ್ದಾರೆ. ಆ ಹೆಮ್ಮೆಯ ಸೈನಿಕರಿಗೆ ನೌಕಾ ದಿನದ ಶುಭಕಾಮನೆಗಳನ್ನು ಅರ್ಪಿಸೋಣ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
