ಮಂಗಳೂರು-ಬೆಂಗಳೂರು ನಡುವೆ ಸಂಚರಿಸುವ ರೈಲಿನಲ್ಲಿ ವಿಸ್ಟಾಡೋಮ್ ಕೋಚ್

ಬೆಂಗಳೂರು: ಮಂಗಳೂರು-ಬೆಂಗಳೂರು ನಡುವೆ ರೈಲಿನ ಮೂಲಕ ಪ್ರಯಾಣಿಸುವ ಜನರಿಗೆ ಪ್ರಾಕೃತಿಕ ಸೌಂದರ್ಯವನ್ನು ಸವಿಯಲು ಅನುಕೂಲವಾಗುವಂತೆ ರೈಲಿಗೆ ಗಾಜಿನ ಛಾವಣಿಗಳನ್ನು ಅಳವಡಿಸಲಾಗುತ್ತಿದೆ.

ಮಂಗಳೂರು – ಬೆಂಗಳೂರು ನಡುವೆ ಸಂಚರಿಸುವ ರೈಲಿಗೆ ಶೀಘ್ರದಲ್ಲೇ ವಿಸ್ಟಾಡೋಮ್‌ (ಗಾಜಿನ ಛಾವಣಿ) ಅಳವಡಿಸುವ ಸಂಬಂಧ ಯೋಜನೆ ರೂಪಿಸಲಾಗಿದೆ. ಕೊರೋನಾ ಕಾರಣದಿಂದ ಸ್ಥಗಿತಗೊಂಡಿದ್ದ ರೈಲು ಸೇವೆಗಳು ನಿಧಾನವಾಗಿ ಪುನರಾರಂಭವಾಗುತ್ತಿವೆ. ಮುಂದಿನ ಎಪ್ರಿಲ್‌ ವೇಳೆಗೆ ಪೂರ್ಣ ಪ್ರಮಾಣದಲ್ಲಿ ರೈಲು ಸೇವೆಗಳು ಆರಂಭವಾಗುವ ಎಲ್ಲಾ ಸಾಧ್ಯತೆಗಳೂ ಇವೆ. ಈ ಹಿನ್ನೆಲೆಯಲ್ಲಿ ಪ್ರಯಾಣಿಕರಿಗೆ ಪ್ರಕೃತಿ ಸೌಂದರ್ಯ ಸವಿಯಲು ಪೂರಕವಾಗುವಂತೆ ವಿಸ್ಟಾಡೋಮ್‌ ಅಳವಡಿಸಲಾಗುತ್ತದೆ. ಈ ಯೋಜನೆ ಸಮರ್ಪಕವಾಗಿ ಜಾರಿಯಾದಲ್ಲಿ ರೈಲು ಪ್ರಯಾಣಿಕರಿಗೆ ಸಕಲೇಶಪುರ -ಸುಬ್ರಹ್ಮಣ್ಯ ನಡುವಿನ ನೈಸರ್ಗಿಕ ಸಂಪತ್ತು ಸವಿಯಲು ಸಾಧ್ಯವಾಗಲಿದೆ.

ರೈಲ್ವೆ ಇಲಾಖೆಯಿಂದ ನೈಋತ್ಯ ರೈಲ್ವೆಗೆ ಈಗಾಗಲೇ ಗಾಜಿನ ಛಾವಣಿಗಳನ್ನು ಹಸ್ತಾಂತರ ಮಾಡಲಾಗಿದೆ. ಇದನ್ನು ಬೆಂಗಳೂರು – ಮಂಗಳೂರು ನಡುವೆ ಸಂಚರಿಸುವ ರೈಲುಗಳಿಗೆ ಅಳವಡಿಸಲಾಗುತ್ತದೆ. ಈಗಾಗಲೇ ಇರುವ ಎಂಜಿನ್‌ಗೆ ಈ ವಿಸ್ಟಾಡೋಮ್‌ಗಳನ್ನು ಅಳವಡಿಸಲಾಗುವುದು. ಒಂದು ಭೋಗಿಯಲ್ಲಿ 360 ಡಿಗ್ರಿ ತಿರುಗುವ ಸಾಮರ್ಥ್ಯದ 40 ಆಸನಗಳಿರಲಿದ್ದು, ಎಸಿ, ಜಿಪಿಎಸ್‌ ಆಧರಿತ ಮಾಹಿತಿ ವ್ಯವಸ್ಥೆ, ಮೈಕ್ರೋ ಒವೆನ್‌, ಸಣ್ಣ ರೆಫ್ರಿಜರೇಟರ್‌ ವ್ಯವಸ್ಥೆಯೂ ಇರಲಿದೆ.

🚂 Rail passengers travelling between #Bengaluru — #Mangaluru can soon get a panoramic view of the ghats section

🚂 Vistadome AC coach has been allocated to @SWRRLY

🚂 Vistadome coaches will have 40 reclining chairs that can rotate 360°

🚂 LED lights and GPS-based info system pic.twitter.com/5YMUDoCmqS

— P C Mohan (@PCMohanMP) February 11, 2021