ಲಕ್ನೋ: ಭಾರತೀಯ ಅಸಂಖ್ಯಾತ ಜನರ ಮನೋಭಿಲಾಶೆಯಾಗಿದ್ದ ಅಯೋಧ್ಯೆಯಲ್ಲಿನ ರಾಮ ಮಂದಿರ ನಿರ್ಮಾಣಕ್ಕೆ ಆಗಸ್ಟ್ 5 ರಂದು ಪ್ರಧಾನಿ ಮೋದಿ ಅವರು ಭೂಮಿ ಪೂಜೆ ನಡೆಸಿ ಚಾಲನೆ ನೀಡಿದ್ದಾರೆ. ಪ್ರಬಲ ಭೂಕಂಪಕ್ಕೂ ಜಗ್ಗದ ಬೃಹತ್ ಮಂದಿರ ನಿರ್ಮಾಣ ಕೈಂಕರ್ಯಗಳೂ ಆರಂಭವಾಗಿದ್ದು ಮಂದಿರ ಇನ್ನೇನು ಕೆಲವೇ ಸಮಯದಲ್ಲಿ ಸಂಪೂರ್ಣಗೊಳ್ಳಲಿದೆ.
ಈ ರಾಮ ಮಂದಿರಕ್ಕೆ 2,100 ಕೆ.ಜಿ. ತೂಕದ ಭಾರೀ ಗಾತ್ರದ ಗಂಟೆಯೊಂದನ್ನು ಉತ್ತರ ಪ್ರದೇಶದ ಜಲೇರಸ್‌ನಲ್ಲಿ ಸಿದ್ಧಗೊಳಿಸಲಾಗುತ್ತಿದ್ದು, ಹಿಂದೂ ಹಾಗೂ ಮುಸ್ಲಿಂ ಸಮುದಾಯದವರು ಒಂದಾಗಿ ಈ ಬೃಹತ್ ಗಂಟೆಯನ್ನು ಸಿದ್ಧಗೊಳಿಸುವ ಪ್ರಕ್ರಿಯೆಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಈ ಗಂಟೆಯನ್ನು ಚಿನ್ನ, ಬೆಳ್ಳಿ, ತಾಮ್ರ, ಸತು, ಸೀಸ, ಕಬ್ಬಿಣ, ಪಾದರಸ, ತವರ ಎಂಬ ಅಷ್ಟ ಧಾತುಗಳನ್ನು ಬಳಕೆ ಮಾಡಿಕೊಂಡು ತಯಾರಿಸಲಾಗುತ್ತಿದೆ. ಈ ಗಂಟೆ ದೇಶದ ಅತ್ಯಂತ ದೊಡ್ಡ ಗಂಟೆ ಎಂಬ ಖ್ಯಾತಿಗೂ ಭಾಜನವಾಗಲಿದೆ.
ರಾಮ ಮಂದಿರಕ್ಕೆಂದೇ ವಿಶೇಷವಾಗಿ ಈ ಗಂಟೆಯನ್ನು ಸಿದ್ಧಪಡಿಸುತ್ತಿದ್ದೇವೆ. ಈ ವಿಚಾರವೇ ಈ ಗಂಟೆ ತಯಾರಿಕೆಯ ಸಂದರ್ಭದಲ್ಲಿ ನಮಗೆ ಹೆಚ್ಚಿನ ಉತ್ಸಾಹ, ಹುಮ್ಮಸ್ಸು ನೀಡುತ್ತಿದೆ. ಈ ತಯಾರಿ ಕೆಲಸದಲ್ಲಿ ಯಾವುದೇ ಲೋಪದೋಷಗಳು ಕಂಡು ಬರದಂತೆ ಎಚ್ಚರಿಕೆಯಿಂದ ಕೆಲಸ ನಿರ್ವಹಿಸಲಾಗುತ್ತಿದೆ ಎಂದು ಈ ಗಂಟೆ ತಯಾರಿಸುತ್ತಿರುವ ತಂಡದ ನೇತೃತ್ವ ವಹಿಸಿರುವ ದೌ ದಯಾಳ್ ತಿಳಿಸಿದ್ದಾರೆ.
ಈ ಗಂಟೆ ತಯಾರಿಸಲು ಸುಮಾರು 21 ಲಕ್ಷ ರೂ. ಗಳಷ್ಟು ವೆಚ್ಚವಾಗಲಿದೆ. ಈ ಗಂಟೆಯನ್ನು ಹೊಸದಾಗಿ ನಿರ್ಮಾಣವಾಗುವ ರಾಮನ ಆಲಯಕ್ಕೆ ಕೊಡುಗೆ ನೀಡಲು ಬಯಸುವುದಾಗಿ ಗಂಟೆ ನಿರ್ಮಾಣ ಕಾರ್ಯದಲ್ಲಿ ತೊಡಗಿರುವ ವರ್ಕ್ ಶಾಪ್‌ನ ಆದಿತ್ಯ ಮಿತ್ತಲ್ ಮಾಹಿತಿ ನೀಡಿದ್ದಾರೆ. ಇದಕ್ಕೂ ಮುನ್ನ ದೌ ದಯಾಳ್ ಅವರು 101 ಕೆಜಿ ತೂಕದ ಗಂಟೆಯೊಂದನ್ನು ತಯಾರಿಸಿದ್ದು, ಈ ಗಂಟೆ ಕೇದಾರನಾಥದ ದೇವಾಲಯವೊಂದರಲ್ಲಿರುವುದಾಗಿಯೂ ಅವರು ಮಾಹಿತಿ ನೀಡಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
