AB-PMJAY ಅಡಿಯಲ್ಲಿ ಚಿಕಿತ್ಸೆ ನೀಡಲು ಖಾಸಗಿ ಆಸ್ಪತ್ರೆಗಳ ಪಟ್ಟಿ ಮಾಡಲು ಪ್ರಾರಂಭಿಸಿದ NHA

ನವದೆಹಲಿ: ಕ್ಯಾನ್ಸರ್ ಮತ್ತು ಹೃದಯ ಕಾಯಿಲೆಗಳಂತಹ ಗಂಭೀರ ಕಾಯಿಲೆಗಳಿಗೆ ಚಿಕಿತ್ಸೆ ನೀಡಲು ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರ (ಎನ್‌ಎಚ್‌ಎ) ಆಯುಷ್ಮಾನ್ ಭಾರತ್ ಪ್ರಧಮಂತ್ರಿ ಜನ ಆರೋಗ್ಯ ಯೋಜನೆ (ಎಬಿ-ಪಿಎಂಜೆಎವೈ) ಅಡಿಯಲ್ಲಿ ಖಾಸಗಿ ಆಸ್ಪತ್ರೆಗಳ ಪಟ್ಟಿಯನ್ನು ಮಾಡಲು ಪ್ರಾರಂಭಿಸಿದೆ.

“ಹಾಸ್ಪಿಟಲ್ ಎಂಪನೆಲ್ಮೆಂಟ್ ಮಾಡ್ಯೂಲ್ (ಎಚ್‌ಇಎಂ) ಲೈಟ್ ಎಂಬ ಈ ಹೊಸ ಕಾರ್ಯವಿಧಾನವನ್ನು ಪ್ರಾರಂಭಿಸುವುದರೊಂದಿಗೆ, ಗಂಭೀರ ಕಾಯಿಲೆಗಳಾದ ಕ್ಯಾನ್ಸರ್, ಹೃದಯ ಸಮಸ್ಯೆಗಳು ಮತ್ತು ನಿರಂತರ ಚಿಕಿತ್ಸೆಯ ಅಗತ್ಯವಿರುವ ಮಧುಮೇಹದಿಂದ ಬಳಲುತ್ತಿರುವ ರೋಗಿಗಳು ಯಾವುದೇ ಸೋಂಕು ತಗಲುವ ಭಯವಿಲ್ಲದೆ ಒಳರೋಗಿಗಳ ಸೇವೆಗಳನ್ನು ಪಡೆಯುವುದನ್ನು ಮುಂದುವರಿಸಲು ಇದರಿಂದ ಸಾಧ್ಯವಾಗುತ್ತದೆ” ಎಂದು ಹೇಳಿಕೆ ತಿಳಿಸಿದೆ.

“AB-PMJAYಯ ಫಲಾನುಭವಿಗಳಿಗೆ ಸೇವೆ ಸಲ್ಲಿಸುವ ನಮ್ಮ ಸಾಮರ್ಥ್ಯವನ್ನು ಹೆಚ್ಚಿಸುವ ಪ್ರಯತ್ನದ ಭಾಗವಾಗಿ, ಯೋಜನೆಯಡಿಯಲ್ಲಿ ಆರೈಕೆಯ ಪೂರೈಕೆಯನ್ನು ಬಲಪಡಿಸಲು ನಾವು ತಾತ್ಕಾಲಿಕ ಆಧಾರದ ಮೇಲೆ ಖಾಸಗಿ ಆಸ್ಪತ್ರೆಗಳ ಎಕ್ಸ್‌ಪ್ರೆಸ್ ಎಂಪಾನಲ್ಮೆಂಟ್ ಅನ್ನು ವಿನ್ಯಾಸಗೊಳಿಸಿದ್ದೇವೆ ಮತ್ತು ಪ್ರಾರಂಭಿಸಿದ್ದೇವೆ ಎಂದು ಆಯುಷ್ಮಾನ್ ಭಾರತ್ ಪಿಎಂಜೆಎವೈ ಮತ್ತು ರಾಷ್ಟ್ರೀಯ ಆರೋಗ್ಯ ಪ್ರಾಧಿಕಾರದ ಸಿಇಓ ಡಾ.ಇಂದು ಭೂಷಣ್ ಹೇಳಿದ್ದಾರೆ.

ತಾತ್ಕಾಲಿಕ ಆಧಾರದ ಮೇಲೆ ಸರಳ, ತ್ವರಿತ ಮತ್ತು ತಡೆರಹಿತ ವ್ಯವಸ್ಥೆಯ ಮೂಲಕ ಈ ಹೊಸ ಪ್ರಸ್ತಾವನೆಗಳು ರಾಜ್ಯಗಳು, ಆಸ್ಪತ್ರೆ ಸಂಘಗಳು ಮತ್ತು ಆರೋಗ್ಯ ಉದ್ಯಮ ಸಂಸ್ಥೆಗಳಿಗೆ ತಲುಪಲು ಪ್ರಾರಂಭಿಸಿವೆ ಎಂದು ಭೂಷಣ್ ಹೇಳಿದ್ದಾರೆ.

ಈ ಯೋಜನೆಯು ದ್ವಿತೀಯ ಮತ್ತು ತೃತೀಯ ಆರೈಕೆಗೆ ಸಂಬಂಧಿಸಿದ ಕಾರ್ಯವಿಧಾನಗಳ 1,500 ಕ್ಕೂ ಹೆಚ್ಚು ಆರೋಗ್ಯ ಪ್ರಯೋಜನ ಪ್ಯಾಕೇಜ್‌ಗಳನ್ನು ಒಳಗೊಂಡಿದೆ ಮತ್ತು ಆಸ್ಪತ್ರೆಗಳನ್ನು ಪೂರ್ವ ನಿಗದಿತ ದರದಲ್ಲಿ ಮರುಪಾವತಿ ಮಾಡಲಾಗುತ್ತದೆ.

AB-PMJAY ಪ್ರಮುಖ ಆರೋಗ್ಯ ಯೋಜನೆಯಾಗಿದ್ದು, ಸುಮಾರು 50 ಕೋಟಿ ಬಡ ಮತ್ತು ದುರ್ಬಲ ವ್ಯಕ್ತಿಗಳಿಗೆ ಪ್ರತಿ ಕುಟುಂಬಕ್ಕೆ ವರ್ಷಕ್ಕೆ 5 ಲಕ್ಷ ರೂ.ಗಳ ಉಚಿತ ಚಿಕಿತ್ಸೆಯನ್ನು ಇದು ನೀಡುತ್ತದೆ.