ಆಂಧ್ರಪ್ರದೇಶ: ಕೊರೋನಾದಿಂದ ಭಾರತದ ಆರ್ಥಿಕ ಸ್ಥಿತಿಯೂ ಕುಂಠಿತವಾಗಿದೆ. ಇಡೀ ಜಗತ್ತಿನ ಸ್ಥಿತಿಯೂ ಇದೇ ಆಗಿದ್ದು ಎಲ್ಲಾ ರಾಷ್ಟ್ರಗಳೂ ಕೈ ಚೆಲ್ಲಿ ಕುಳಿತಿವೆ.
ಭಾರತದಲ್ಲಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತರಲು ಕೇಂದ್ರ ಸರ್ಕಾರ ಪಿಎಂ ಕೇರ್ಸ್ ಅನ್ನು ಆರಂಭಿಸಿದೆ. ಇನ್ನು ಪ್ರತಿ ರಾಜ್ಯಗಳೂ ಮುಖ್ಯಮಂತ್ರಿ ಪರಿಹಾರ ನಿಧಿಗೆ ಧನ ಸಹಾಯ ನೀಡುವಂತೆ ಜನರಲ್ಲಿ ಮನವೀಯನ್ನು ಮಾಡಿಕೊಂಡಿವೆ. ಆಂಧ್ರಪ್ರದೇಶದಲ್ಲಿಯೂ ಮುಖ್ಯಮಂತ್ರಿ ಜಗನ್ಮೋಹನ ರೆಡ್ಡಿ ಅವರು ಜನರಲ್ಲಿ ದೇಣಿಗೆ ನೀಡುವಂತೆ ವಿನಂತಿಸಿಕೊಂಡಿದ್ದು, ಮುಖ್ಯಮಂತ್ರಿಗಳಿಗೆ ಅಲ್ಲಿನ 4 ವರ್ಷದ ಹುಡುಗನೊಬ್ಬ ತಾನು ಸೈಕಲ್ ಕೊಳ್ಳಬೇಕೆಂದು ಕೂಡಿಟ್ಟ 971 ರೂ. ಗಳನ್ನು ನೀಡುವ ಮೂಲಕ ಈಗ ಪ್ರಸಿದ್ಧಿ ಪಡೆದಿದ್ದಾನೆ.
ವಿಜಯವಾಡದ ಹೇಮಂತ್ ಎಂಬ ಹುಡುಗ ತಾನು ಕೂಡಿಟ್ಟ ಹಣವನ್ನು ಸಿಎಂ ರಿಲೀಫ್ ಫಂಡ್ಗೆ ನೀಡುವ ಮೂಲಕ ಮನೆಮಾತಾಗಿದ್ದಾನೆ. ಈ ಹಣವನ್ನು ಸ್ಟೇಟ್ ಕಮ್ಯುನಿಕೇಶನ್ ಆಂಡ್ ಇನ್ಫಾರ್ಮೇಶನ್ ಮಿನಿಸ್ಟರ್ ವೆಂಕಟರಾಮಯ್ಯ ಅವರಿಗೆ ಹಸ್ತಾಂತರಿಸಲು ಹೋದಾಗ, ಅವರು ಆ ಹುಡುಗನನ್ನು ಮುಖ್ಯಮಂತ್ರಿ ಅವರ ಬಳಿಯೇ ಕರೆದುಕೊಂಡು ಹೋಗಿ ದೇಣಿಗೆಯನ್ನು ಮುಖ್ಯಮಂತ್ರಿಗಳಿಗೆ ಹಸ್ತಾಂತರ ಮಾಡಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.