ನವದೆಹಲಿ: ಸ್ವೀಡಿಶ್ ಟೆಲಿಕಾಂ ಗೇರ್ ತಯಾರಕ ಎರಿಕ್ಸನ್ ಭಾರತದಲ್ಲಿ 5G ರೇಡಿಯೊಗಳ ತಯಾರಿಕೆಯನ್ನು ಪ್ರಾರಂಭಿಸಲು ಸಿದ್ಧವಾಗಿದೆ ಎಂದು ಕಂಪನಿಯ ಉನ್ನತ ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.
“ಎರಿಕ್ಸನ್ ಭಾರತದಲ್ಲಿ 115 ವರ್ಷಗಳಿಂದಲೂ ಇದೆ ಮತ್ತು ಭಾರತದ ಮಾರುಕಟ್ಟೆಯ ಬಗೆಗಿನ ನಮ್ಮ ಬದ್ಧತೆಯು ವರ್ಷದಿಂದ ವರ್ಷಕ್ಕೆ ಬೆಳೆಯುತ್ತಲೇ ಬಂದಿದೆ” ಎಂದು ಇಂಡಿಯಾ ಮೊಬೈಲ್‌ ಕಾಂಗ್ರೆಸ್ನ ಉದ್ಘಾಟನಾ ದಿನವನ್ನುದ್ದೇಶಿಸಿ ಮಾತನಾಡಿದ ವೇಳೆ ಎರಿಕ್ಸನ್‌ನ ಭಾರತದ ಮುಖ್ಯಸ್ಥ ನುಂಜಿಯೊ ಮಿರ್ಟಿಲ್ಲೊ ಹೇಳಿದ್ದಾರೆ.
“2018 ರಲ್ಲಿ, ನಾವು ಪುಣೆಯ ನಮ್ಮ ಕಾರ್ಖಾನೆಯಿಂದ ರೇಡಿಯೊ ಉತ್ಪನ್ನಗಳ ರಫ್ತು ಘೋಷಿಸಿದ್ದೇವು. 5G ರೇಡಿಯೊಗಳ ತಯಾರಿಕೆಯನ್ನು ಭಾರತದಲ್ಲಿ ಆರಂಭಿಸಲು ನಾವು ಸಿದ್ಧರಿದ್ದೇವೆ ಎಂದು ನಾನೀಗ ನಿಮಗೆ ಭರವಸೆಯನ್ನು ನೀಡುತ್ತೇನೆ. ಇದಕ್ಕಾಗಿ ನಿಯೋಜನೆಗಳನ್ನು ಪ್ರಾರಂಭಿಸಲು ಸಿದ್ಧರಾಗಿದ್ದೇವೆ” ಎಂದು ಅವರು ಹೇಳಿದ್ದಾರೆ.
5G ಅನ್ನು ಪರಿಚಯಿಸಿದಂತೆ ತಂತ್ರಜ್ಞಾನದ ಸಿದ್ಧತೆ, ಸಂಪನ್ಮೂಲಗಳು ಮತ್ತು ಮಾರುಕಟ್ಟೆ ಬೇಡಿಕೆಯ ವೇಗವನ್ನು ಪೂರೈಸುವ ಪೂರೈಕೆ ಸರಪಳಿ ಸಾಮರ್ಥ್ಯವನ್ನು ಎರಿಕ್ಸನ್ ಹೊಂದಿದೆ ಎಂದು ಮಿರ್ಟಿಲ್ಲೊ ಹೇಳಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
