ನವದೆಹಲಿ: ‘ಪ್ರಾಜೆಕ್ಟ್ ಚೀತಾ’ (Project Cheetah) ಅಡಿಯಲ್ಲಿ, ಭಾರತದಲ್ಲಿ ಜನಿಸಿದ ಹೆಣ್ಣು ಚೀತಾವೊಂದು ಇಂದು ಕುನೋ ರಾಷ್ಟ್ರೀಯ ಉದ್ಯಾನವನದಲ್ಲಿ ಐದು ಆರೋಗ್ಯವಂತ ಮರಿಗಳಿಗೆ ಜನ್ಮ ನೀಡಿದೆ. ಇದರೊಂದಿಗೆ, ಭಾರತದಲ್ಲಿನ ಒಟ್ಟು ಚೀತಾಗಳ ಸಂಖ್ಯೆ 60ಕ್ಕೆ ಏರಿಕೆಯಾಗಿದೆ; ಇದರಲ್ಲಿ ಭಾರತದಲ್ಲಿ ಜನಿಸಿದ 41 ಚೀತಾಗಳು ಸೇರಿವೆ. ಭಾರತದ ಚೀತಾ ಸಂತತಿಯ ಮುಂದಿನ ಪೀಳಿಗೆಯ ಉದಯದಲ್ಲಿ ಈ ಬೆಳವಣಿಗೆಯು ಒಂದು ಪ್ರಮುಖ ಮೈಲಿಗಲ್ಲಾಗಿದೆ ಎಂದು ಕೇಂದ್ರ ಪರಿಸರ, ಅರಣ್ಯ ಮತ್ತು ಹವಾಮಾನ ಬದಲಾವಣೆ ಸಚಿವ ಭೂಪೇಂದರ್ ಯಾದವ್ ಹೇಳಿದ್ದಾರೆ.
ಈ ಐದು ಮರಿಗಳ ತಂದೆ ಬೋಟ್ಸ್ವಾನಾದ ಗಂಡು ಚೀತಾವಾಗಿರುವುದರಿಂದ, ಅವುಗಳ ಜನನವು ಭಾರತದಲ್ಲಿ ಬೋಟ್ಸ್ವಾನಾ ಮೂಲದ ವಂಶಾವಳಿಯ ಆರಂಭವನ್ನೂ ಸೂಚಿಸುತ್ತದೆ ಎಂದು ಯಾದವ್ ತಿಳಿಸಿದರು. ಇದು ಭಾರತದ ಬೆಳೆಯುತ್ತಿರುವ ಚೀತಾಗಳ ಸಂಖ್ಯೆಗೆ ಹೊಸ ಆನುವಂಶಿಕ ವಂಶಾವಳಿಯನ್ನು ಸೇರಿಸುತ್ತದೆ ಎಂದು ಅವರು ಹೇಳಿದರು. ಮುಖಿ ಮತ್ತು ಕೆಜಿಪಿ12 (KGP12) ನಂತರ, ಮರಿಗಳಿಗೆ ಜನ್ಮ ನೀಡಿದ ಭಾರತದಲ್ಲಿ ಜನಿಸಿದ ಮೂರನೇ ಹೆಣ್ಣು ಚೀತಾ ‘ಕೆಜೆಪಿ21’ (KJP21) ಎಂದು ಸಚಿವರು ಮಾಹಿತಿ ನೀಡಿದರು.
ಭಾರತದ ನೆಲದಲ್ಲಿ ಜನಿಸಿದ ಚೀತಾಗಳ ಮತ್ತೊಂದು ಪೀಳಿಗೆಯನ್ನು ಈ ಬೆಳವಣಿಗೆ ಪ್ರತಿನಿಧಿಸುತ್ತದೆ ಮತ್ತು ಭಾರತದಲ್ಲಿ ಚೀತಾಗಳ ಮರುಪರಿಚಯದ ಕಥೆಗೆ ಹೊಸ ಅಧ್ಯಾಯವನ್ನು ಸೇರಿಸುತ್ತದೆ ಎಂದು ಸಚಿವರು ಬಣ್ಣಿಸಿದರು. ಹಾಗೆಯೇ, ‘ಪ್ರಾಜೆಕ್ಟ್ ಚೀತಾʼದೊಂದಿಗೆ ಸಂಬಂಧ ಹೊಂದಿರುವ ಪಶುವೈದ್ಯರು, ಕ್ಷೇತ್ರ ಸಿಬ್ಬಂದಿ, ವ್ಯವಸ್ಥಾಪಕರು ಮತ್ತು ಇತರ ಎಲ್ಲರ ಸಮರ್ಪಣಾ ಭಾವ, ಬದ್ಧತೆ ಹಾಗೂ ಅವಿರತ ಶ್ರಮವನ್ನು ಅವರು ಶ್ಲಾಘಿಸಿದರು.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
