ಸುಬ್ರಹ್ಮಣ್ಯ : ಕಳೆದ ಕೆಲವು ಸಮಯಗಳಿಂದ ಗಿಡಗಂಟಿಗಳಿಂದ, ಪೊದೆಗಳಿಂದ ತುಂಬಿದ್ದ ಗುತ್ತಿಗಾರು ಪಶುಚಿಕಿತ್ಸಾಲಯದ ಆವರಣದಲ್ಲಿ ಗುತ್ತಿಗಾರು ಯುವಕ ಮಂಡಲದ ಸದಸ್ಯರು ಶ್ರಮದಾನದ ಮೂಲಕ ಭಾನುವಾರ ತೆರವುಗೊಳಿಸಿದರು.
ತಾಲೂಕಿನ ಪ್ರಮುಖ ಪಶುಚಿಕಿತ್ಸಾಲಯವಾಗಿದ್ದ ಗುತ್ತಿಗಾರು ಪಶುಆಸ್ಪತ್ರೆಯ ಆವರಣದಲ್ಲಿ ಕಳೆದ ಕೆಲವು ಸಮಯಗಳಿಂದ ಗಿಡ ಗಂಟಿಗಳಿಂದ ಮುಚ್ಚಿತ್ತು. ಇದರ ತೆರವು ಮಾಡುವ ಕೆಲಸ ಆಗಿರಲಿಲ್ಲ. ತಾಲೂಕಿನಲ್ಲಿ ಪಶು ವೈದ್ಯಾಧಿಕಾರಿಗಳ ಕೊರತೆಯೂ ಇರುವುದರಿಂದ ಗುತ್ತಿಗಾರು ಪಶುಚಿಕಿತ್ಸಾಲಯದ ವೈದ್ಯಾಧಿಕಾರಿಗಳಿಗೆ ಕೆಲಸ ಒತ್ತಡವೂ ಇತ್ತು. ಹೀಗಾಗಿ ಗುತ್ತಿಗಾರು ಯುವಕ ಮಂಡಲದ ಸದಸ್ಯರು ಆಸ್ಪತ್ರೆಯ ವಠಾರದಲ್ಲಿರುವ ಗಿಡಗಂಟಿಗಳನ್ನು ಶ್ರಮದಾನದ ಮೂಲಕ ತೆರವುಗೊಳಿಸಿದರು. ಆಸ್ಪತ್ರೆಯ ಆವರಣದ ಭಾಗಶ: ಗಿಡಗಂಟಿಗಳನ್ನು ಈಗಾಗಲೇ ತೆರವು ಮಾಡಲಾಗಿದೆ. ಉಳಿದ ಭಾಗವನ್ನು ಮುಂದಿನ ದಿನ ತೆರವು ಮಾಡಲು ನಿರ್ಧರಿಸಲಾಯಿತು.
ಈ ಸಂದರ್ಭದಲ್ಲಿ ತಾಪಂ ಸದಸ್ಯ ಹಾಗೂ ಯುವಕ ಮಂಡಲದ ಸದಸ್ಯ ಮುಳಿಯ ಕೇಶವ ಭಟ್, ಪಶುಚಿಕಿತ್ಸಾಲಯದ ವೈದ್ಯಾಧಿಕಾರಿ ಡಾ.ವೆಂಕಟಾಚಲಪತಿ ,ಯುವಕ ಮಂಡಲ ಅಧ್ಯಕ್ಷ ಮಹೇಶ್ ಪುಚ್ಚಪ್ಪಾಡಿ, ಕಾರ್ಯದರ್ಶಿ ಲೋಹಿತ್ ಚೈಪೆ, ಕೋಶಾಧಿಕಾರಿ ಲೋಕೇಶ್ವರ ಡಿಆರ್,ಗೌರವ ಸಲಹೆಗಾರ ಜಯರಾಮ ವಳಲಂಬೆ,ಯುವಕ ಮಂಡಲ ಸದಸ್ಯರುಗಳಾದ ರವಿಪ್ರಕಾಶ್ ಬಿವಿ,ಸತೀಶ್ ಕಾಜಿಮಡ್ಕ, ಗಿರೀಶ್ ಚತ್ರಪ್ಪಾಡಿ,ಪೂರ್ಣಚಂದ್ರ ಪೈಕ,ಸತೀಶ್ ಮೂಕಮಲೆ, ರಘುರಾಂ ಬಾಕಿಲ, ದಿನೇಶ್ ಸರಸ್ವತಿಮಹಲ್, ಸ್ಥಳೀಯರಾದ ಭೋಜಪ್ಪ ಮೊದಲಾದವರು ಉಪಸ್ಥಿತರಿದ್ದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
