ಯುಎನ್-ಹ್ಯಾಬಿಟೇಟ್ ಅಸೆಂಬ್ಲಿಯ ಎಕ್ಸಿಕ್ಯೂಟಿವ್ ಬೋರ್ಡ್­ಗೆ ಭಾರತ ಆಯ್ಕೆ

ನವದೆಹಲಿ: ಸ್ವಾತಂತ್ರ್ಯ ಪಡೆದ ಬಳಿಕ ಪ್ರಾದೇಶಿಕ ಏಷ್ಯಾ ಶಕ್ತಿಯಾಗಿ ಭಾರತವು ವಿಶ್ವಸಂಸ್ಥೆಗೆ ನೀಡಿದ ಕೊಡುಗೆ ಅತ್ಯಂತ ಮಹತ್ವವಾದುದಾಗಿದೆ. ಕಳೆದ ಒಂದು ದಶಕಗಳಿಂದ ವಿಶ್ವದಾದ್ಯಂತದ ವಿಶ್ವಸಂಸ್ಥೆಯ ಹಲವಾರು ಕಾರ್ಯಕ್ರಮಗಳಲ್ಲಿ ಭಾರತ ಸಕ್ರಿಯವಾಗಿ ಭಾಗಿಯಾಗಿದೆ. ಇದೀಗ ಜಗತ್ತು ಭಾರತದ ಕೊಡುಗೆಗೆ ಗೌರವ ಸಲ್ಲಿಸಿದ್ದು, ಯುಎನ್-ಹ್ಯಾಬಿಟೇಟ್ ಅಸೆಂಬ್ಲಿಯ ಎಕ್ಸಿಕ್ಯೂಟಿವ್ ಬೋರ್ಡ್­ಗೆ ಭಾರತವನ್ನು ಆಯ್ಕೆ ಮಾಡಿದೆ.

ಈ ಆಯ್ಕೆಯನ್ನು ಕೇಂದ್ರ ವಸತಿ ಮತ್ತು ನಗರಾಭಿವೃದ್ಧಿ ವ್ಯವಹಾರಗಳ ಸಚಿವಾಲಯ ಖಚಿತಪಡಿಸಿದೆ. “ಜಾಗತಿಕವಾಗಿ ನಮ್ಮ ದೇಶದ ಪ್ರಭಾವ ಮಹತ್ವಪೂರ್ಣವಾಗಿ ಮುಂದುವರೆಯುತ್ತಲೇ ಇದೆ. ನೈರೋಬಿಯಲ್ಲಿ ನಡೆದ ಅಸೆಂಬ್ಲಿಯ ಪ್ಲೇನರಿ ಸೆಷನ್­ನಲ್ಲಿ ಭಾರತವು ಯುಎನ್ ಹ್ಯಾಬಿಟೇಟ್ ಅಸೆಂಬ್ಲಿಯ ಎಕ್ಸಿಕ್ಯೂಟಿವ್ ಬೋರ್ಡ್­ಗೆ ಆಯ್ಕೆಗೊಂಡಿದ್ದು ಹೆಮ್ಮೆಯ ವಿಷಯವಾಗಿದೆ” ಎಂದು ಟ್ವಿಟರ್­ನಲ್ಲಿ ತಿಳಿಸಿದೆ.

The nation’s global clout continues to grow significantly.
In an extremely proud development, India has been elected today to the Executive Board of the first UN Habitat Assembly at the Plenary Session of the Assembly being held in Nairobi. pic.twitter.com/4x3EPl5Cr5

— MoHUA (@MoHUA_India) May 27, 2019

India was elected as member of the Executive Board of UN-Habitat today during the First Session of the UN-Habitat Assembly in Nairobi. pic.twitter.com/o3vRQIODi9

— India in Kenya (@IndiainKenya) May 27, 2019

ಯುಎನ್ ಹ್ಯಾಬಿಟೇಟ್ ಅಸೆಂಬ್ಲಿಯ ಮೊದಲ ಸೆಷನ್ ಮೇ 27 ರಿಂದ ನೈರೋಬಿಯ ಯುಎನ್ ಹ್ಯಾಬಿಟೇಟ್ ಕೇಂದ್ರ ಕಛೇರಿಯಲ್ಲಿ ಆರಂಭಗೊಂಡಿದ್ದು, ಮೇ 30 ರ ವರೆಗೆ ಮುಂದುವರೆಯಲಿದೆ.

“ನಗರ ಮತ್ತು ಸಮುದಾಯಗಳಲ್ಲಿ ಉತ್ತಮ ಗುಣಮಟ್ಟದ ಜೀವನಕ್ಕಾಗಿ ಆವಿಷ್ಕಾರ” ಎಂಬುದು ಈ ಬಾರಿಯ ಯುಎನ್ ಹ್ಯಾಬಿಟೇಟ್ ಅಸೆಂಬ್ಲಿಯ ವಿಶೇಷ ಥೀಮ್ ಆಗಿದೆ.