ಬಂಟ್ವಾಳ : ಛಾಯಕ್ಷೇಮ ನಿಧಿ ಸಂಗ್ರಹ ಕಾರ್ಯಕ್ರಮಕ್ಕೆ ಚಾಲನೆ

ಬಂಟ್ವಾಳ: ಸೌತ್ ಕೆನರಾ ಪೋಟೊಗ್ರಾಪರ್ ಅಸೋಸಿಯೇಷನ್ (ರಿ.) ದ.ಕ.ಉಡುಪಿ ಜಿಲ್ಲೆ ಬಂಟ್ವಾಳ ವಲಯ, ಛಾಯಕ್ಷೇಮ ಚಾರಿಟೇಬಲ್ ಟ್ರಸ್ಟ್ (ರಿ.) ಬಂಟ್ವಾಳ ಇದರ ವತಿಯಿಂದ ನಮ್ಮಿಂದ, ನಮಗಾಗಿ, ನಮಗೋಸ್ಕರ ಎನ್ನುವ ಧ್ಯೇಯದೊಂದಿಗೆ ಬಂಟ್ವಾಳ ವಲಯ ಛಾಯಾಚಿತ್ರ ಗ್ರಾಹಕರಿಗೆ ಛಾಯಕ್ಷೇಮ ನಿಧಿ ಸಂಗ್ರಹ ಕಾರ್ಯಕ್ರಮಕ್ಕೆ ಮಾವಂತೂರು ಮಹಾಗಣಪತಿ ದೇವಸ್ಥಾನದ ಆಡಳಿತ ಮೋಕ್ತೇಸರ ಪದ್ಮ ರಾಜ ಬಲ್ಲಾಳ ಅವರು ಛಾಯಕ್ಷೇಮ ನಿಧಿಗೆ ದೇಣಿಗೆ ನೀಡುವ ಮೂಲಕ ಚಾಲನೆ ನೀಡಿದರು.

ಬಳಿಕ ಮಾತನಾಡಿದ ಅವರು ಬಂಟ್ವಾಳ ವಲಯ ಛಾಯಗ್ರಾಹಕರ ಸಂಘ ಬಲಿಷ್ಟ ಸಂಘಟನೆಯಾಗಿ ರೂಪುಗೊಳ್ಳಲು ಛಾಯಕ್ಷೇಮ ನಿಧಿಯಂತಹ ಅನೇಕ ಯೋಜನೆಗಳನ್ನು ಕಾರ್ಯರೂಪಕ್ಕೆ ತರಬೇಕು ಎಂದರು. ಸಂಘಟನೆಯ ಮೂಲಕ ಸದಸ್ಯರಿಗೆ ಅನುಕೂಲವಾಗುವ ರೀತಿಯಲ್ಲಿ ಕಾರ್ಯಯೋಜನೆಗಳನ್ನು ಹಾಕಿಕೊಳ್ಳಿ, ಸರಕಾರದ ಸವಲತ್ತುಗಳ ಜೊತೆಯಲ್ಲಿ ಸಂಘಟನೆಯ ಮೂಲಕ ಹೆಚ್ಚು ಹೆಚ್ಚು ಸವಲತ್ತುಗಳನ್ನು ಪಡೆಯಲು ಶಕ್ತರಾಗಿ ಎಂದರು. ಛಾಯಕ್ಷೇಮ ನಿಧಿ ಕಾರ್ಯಕ್ರಮ ಉದ್ಘಾಟನೆಯ ಮೊದಲು ಮಾವಂತೂರು ಮಹಾಗಣಪತಿ ದೇವಸ್ಥಾನದಲ್ಲಿ ವಿಶೇಷ ಪೂಜೆ ಮಾಡಲಾಯಿತು.

ಕಳೆದ ಮಹಾಸಭೆಯಲ್ಲಿ ತೀರ್ಮಾನಿಸಿದಂತೆ, ಛಾಯಕ್ಷೇಮ ನಿಧಿಗೆ, ನಿಧಿ ಸಂಗ್ರಹ ಮಾಡುವುದು, ಅಮೂಲಕ ಸದಸ್ಯರಿಗೆ ಅಪತ್ಕಾಲದಲ್ಲಿ ನೆರವಾಗುವದು ಈ ಸಂಘಟನೆಯ ಮೂಲ ಉದ್ದೇಶ ವಾಗಿದೆ. ಈ ಸಂದರ್ಭ ಬಂಟ್ವಾಳ ವಲಯ ಅಧ್ಯಕ್ಷ ಹರೀಶ್ ಮಾಣಿ, ಜಿಲ್ಲಾ ಕಾರ್ಯದರ್ಶಿ ದಯಾನಂದ ಬಂಟ್ವಾಳ,  ಗೌರವಾಧ್ಯಕ್ಷ ಸುಕುಮಾರ್, ಕಾರ್ಯದರ್ಶಿ ರೋಶನ್ ಕಲ್ಲಡ್ಕ, ಖಜಾಂಚಿ ಬಾಲಕೃಷ್ಣ ಬಿಸಿರೋಡು, ಉಪಾಧ್ಯಕ್ಷರುಗಳಾದ ಹರೀಶ್ ಕುಂದರ್, ರವಿ ಕಲ್ಪನೆ, ರಾಜರತ್ನ, ಮಾಜಿ ಅಧ್ಯಕ್ಷರುಗಳಾದ ಹರೀಶ್ ರಾವ್ ಬಂಟ್ವಾಳ, ಸತೀಶ್ ಕುಮಾರ್, ಛಾಯಕ್ಷೇಮ ಚಾರಿಟೇಬಲ್ ಟ್ರಸ್ಟನ ಸಂಚಾಲಕ ಅನಂದ ಎನ್, ಕಾರ್ಯದರ್ಶಿ ಸುಕುಮಾರ್ ಬಂಟ್ವಾಳ, ಕೋಶಾಧಿಕಾರಿ ಕುಮಾರ ಸ್ವಾಮಿ ಕನ್ಯಾನ, ಉಪಾಧ್ಯಕ್ಷರುಗಳಾದ ಕಿಶೋರ್ ಪ್ರೀತಿ ಸ್ಟುಡಿಯೊ, ರವಿಕುಮಾರ್ ಕಲ್ಪನೆ,  ಮತ್ತು ಸದಸ್ಯರುಗಳು ಹಾಜರಿದ್ದರು.