ಬಡವರ ಮಕ್ಕಳ ಬದುಕಲ್ಲಿ ಪರಿವರ್ತನೆ ತರುತ್ತಿದೆ ’ಕಥಾ’

ಕಥಾ’ ದೆಹಲಿಯ ಗೋವಿಂದಪುರಿಯಲ್ಲಿ ಇರುವ ಒಂದು ಎನ್‌ಜಿಓ. ಕಳೆದ 30 ವರ್ಷಗಳಿಂದ ಇದು ಬಡವರ ಮಕ್ಕಳ ಬದುಕಿನಲ್ಲಿ ಪರಿವರ್ತನೆಗಳನ್ನು ತರುವ ಕಾಯಕವನ್ನು ಮಾಡುತ್ತಿದೆ.

1989ರಲ್ಲಿ ಗೀತಾ ಧರ್ಮರಾಜನ್ ಅವರು ಈ ಎನ್‌ಜಿಓವನ್ನು ಸ್ಥಾಪಿಸಿದರು. ಸ್ಫೂರ್ತಿದಾಯಕ ಕಥೆಗಳ ಮೂಲಕ ಮಕ್ಕಳಲ್ಲಿ ಪುಸ್ತಕ ಪ್ರೀತಿ, ಬರವಣಿಗೆ ಪ್ರೀತಿಯನ್ನು ಮೂಡಿಸುವುದು, ಅವರ ಬದುಕಲ್ಲಿ ಪರಿವರ್ತನೆಗಳನ್ನು ತರುವುದೇ ಕಥಾದ ಮುಖ್ಯ ಗುರಿ.

ಕಥೆಗಳು ಮಕ್ಕಳನ್ನು ಪ್ರಶ್ನೆ ಕೇಳುವಂತೆ ಪ್ರೇರೇಪಿಸುತ್ತವೆ. ಈ ಪ್ರಶ್ನೆಗಳು ಅವರಲ್ಲಿ ಚಿಂತನೆಗಳನ್ನು ಮೂಡಿಸುತ್ತವೆ ಮತ್ತು ಕುತೂಹಲ ಕೆರಳುವಂತೆ ಮಾಡುತ್ತವೆ. ಚಿಂತನೆ ಪರಿವರ್ತನೆ ತರುತ್ತದೆ ಎಂಬುದು ಗೀತಾ ಅವರ ಅಪ್ಪಟ ನಂಬಿಕೆ.

ಸ್ಲಂನಲ್ಲಿನ, ಬೀದಿಯಲ್ಲಿನ ಮಕ್ಕಳನ್ನು ಇಲ್ಲಿಗೆ ಕರೆ ತಂದು ಅವರಿಗೆ ಶಿಕ್ಷಣ ನೀಡಲಾಗುತ್ತದೆ. ಅವರಲ್ಲಿ ಒದುವ ಪ್ರವೃತ್ತಿಯನ್ನು ಬೆಳೆಸಲಾಗುತ್ತದೆ.

ಈ ಸಂಸ್ಥೆ ತಳಮಟ್ಟದಿಂದ 8 ಸಾವಿರ ಸ್ವಯಂಸೇವಕರನ್ನು ಹೊಂದಿದೆ. 8 ಸಾವಿರ ಮಂದಿ ಇಲ್ಲಿಮ ಮಕ್ಕಳಿಗಾಗಿ ಕಥೆ, ಕವಿತೆ, ಲೇಖನಗಳನ್ನು ಬರೆಯುತ್ತಾರೆ. ದೆಹಲಿಯ 380 ಸಮುದಾಯಗಳನ್ನು ಇದು ತಲಯುಪಿದೆ. ಯುನೆಸೆಫ್ ಜೊತೆ ಸೇರಿ ಇದು ಕಾರ್ಯನಿರ್ವಹಿಸುತ್ತಿದೆ.

ಇಲ್ಲಿ ಕಲಿತವರು ಐಎಎಸ್ ಅಧಿಕಾರಿಗಳೂ ಆಗಿದ್ದಾರೆ. ಇನ್ನಿತರ ಉದ್ಯೋಗದಲ್ಲೂ ಇದ್ದಾರೆ. ಅವರೆಲ್ಲ ಸ್ವಯಂಸೇವಕರಾಗಿ ಕಾರ್ಯ ಮಾಡುತ್ತಾರೆ.

ಗೀತಾ ಅವರ ಸಾಧನೆಗೆ ಪದ್ಮಶ್ರೀ ಪ್ರಶಸ್ತಿ ಒಲಿದು ಬಂದಿದೆ.