ಕ್ರಿಕೆಟ್‌ನ ಅಪ್ಪಟ ಅಭಿಮಾನಿಯೊಬ್ಬರು ಅಂತಾರಾಷ್ಟ್ರೀಯ ಕ್ರಿಕೆಟ್‌ನ ಮಹಾನ್ ದಿಗ್ಗಜರ ಅಟೋಗ್ರಾಫ್‌ವುಳ್ಳ ಸುಮಾರು 500 ಬ್ಯಾಟ್‌ಗಳನ್ನು ಸಂಗ್ರಹಿಸಿದ್ದಾರೆ.
ಚಂಡೀಗಢದ ಧರಂವೀರ್ ದುಗ್ಗಲ್ ಅವರ ಬಳಿ ಬ್ರಿಯಾನ್ ಲಾರಾ, ಗ್ಯಾರಿ ಸೊಬರ‍್ಸ್, ಲಾಲ ಅಮರನಾಥ್, ವಿವಿಯಾನ್ ರಿಚರ್ಡ್ಸ್ ಸೇರಿದಂತೆ ಹಲವರ ಅಟೋಗ್ರಾಫ್‌ವುಳ್ಳ ಬ್ಯಾಟ್ ಇದೆ.
ಅಷ್ಟೇ ಅಲ್ಲದೇ ಕೆಲವೊಂದು ಸಂದರ್ಭಗಳಲ್ಲಿ ಕ್ರಿಕೆಟ್ ತಾರೆಗಳಿಗೆ ಪತ್ರ ಬರೆಯುವ ಇವರು ಅವರಿಂದ ಬರುವ ಮರು ಪತ್ರಗಳನ್ನೂ ಸಂಗ್ರಹಿಸಿಟ್ಟಿದ್ದಾರೆ. 1970ರಿಂದ ಈ ಕಾರ್ಯವನ್ನು ಮಾಡುತ್ತಿದ್ದಾರೆ.
1932ರಲ್ಲಿ ಇಂಗ್ಲೆಂಡ್ ವಿರುದ್ಧ ಆಡಿದ್ದ ಭಾರತದ ಮೊತ್ತ ಮೊದಲ ಟೆಸ್ಟ್ ಕ್ರಿಕೆಟ್ ಟೀಮ್‌ನ ಸದಸ್ಯರಾಗಿದ್ದ ಮೊಹಮ್ಮದ್ ಜಹಂಗೀರ್ ಖಾನ್ ಅವರ ಆಟೋಗ್ರಾಫ್‌ವುಳ್ಳ ಬ್ಯಾಟ್ ಕೂಡ ಇವರ ಬಳಿ ಇದೆ. 1985ರಲ್ಲಿ ಲಾಹೋರ್‌ಗೆ ತೆರಳಿ ಅಲ್ಲಿ ಅವರ ಆಟೋಗ್ರಾಫ್‌ನ್ನು ಇವರು ಪಡೆದುಕೊಂಡಿದ್ದಾರೆ ಎಂಬುದು ಇಲ್ಲಿ ಮಹತ್ವದ್ದಾಗಿದೆ.
ಇದೀಗ ತನ್ನ ಅಮೂಲ್ಯ ಆಟೋಗ್ರಾಫ್‌ವುಳ್ಳ ಬ್ಯಾಟ್‌ಗಳ ಮೂಲಕವೇ ಗಿನ್ನಿಸ್ ದಾಖಲೆಯ ಪುಟ ಸೇರುವ ಉತ್ಸಾಹ ದುಗ್ಗಲ್ ಅವರಿಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
