12 ವರ್ಷಗಳ ಹಿಂದೆ ನಡೆದ ರೈಲು ಅಪಾಘತದಲ್ಲಿ ಎರಡೂ ಕಾಲುಗಳನ್ನು ಕಳೆದುಕೊಂಡಿರುವ ಒರಿಸ್ಸಾದ ಸತೀಶ್ ಕುಮಾರ್ ಇಂದು ಗಿನ್ನಿಸ್ ದಾಖಲೆಯ ಪುಟ ಸೇರುವಂತಹ ಸಾಹಸವನ್ನು ಮಾಡಿದ್ದಾರೆ.
ತನ್ನ 350-ಸಿಸಿ ರಾಯಲ್ ಎನ್‌ಫೀಲ್ಡ್ ಬೈಕ್ ಮೂಲಕ ಬರೋಬ್ಬರಿ 50 ಸಾವಿರ ಕಿಲೋಮೀಟರ್ ಪ್ರಯಾಣಿಸಿ ದಾಖಲೆಯನ್ನು ಮುರಿದಿದ್ದಾರೆ. ಹೊಸ ಗಿನ್ನಿಸ್ ದಾಖಲೆ ನಿರ್ಮಿಸಿದ್ದಾರೆ. 38 ಸಾವಿರ ಕಿಲೋಮೀಟರ್ ಹಿಂದಿದ್ದ ದಾಖಲೆಯಾಗಿತ್ತು.
2016ರ ಸೆ.2ರಂದು ತಮ್ಮ ನಗರ ರಾಯಘಡದಿಂದ ಏಕಾಂಗಿಯಾಗಿ ಬೈಕ್ ರೈಡ್ ಆರಂಭಿಸಿದ ಇವರು 50 ಸಾವಿರ ಕಿಲೋಮೀಟರ್ ಪ್ರಯಾಣಿಸಿ, 26 ರಾಜ್ಯಗಳನ್ನು ಸಂಚರಿಸಿದ್ದಾರೆ. ಈ ಮೂಲಕ ವಿಕಲಚೇತನ ಮತ್ತು ಸಾಮಾನ್ಯ ಕೆಟಗರಿ ಎರಡರಲ್ಲೂ ಗಿನ್ನಿಸ್ ಮತ್ತು ಲಿಮ್ಕಾ ದಾಖಲೆಯನ್ನು ಮಾಡಿದ್ದಾರೆ.
‘ಸಾಮರ್ಥ್ಯ ಮತ್ತು ಅಸಾಮರ್ಥ್ಯ ಎಂಬುದು ಮಾನವನ ಗ್ರಹಿಕೆಗಳಷ್ಟೇ. ನನ್ನ ಪ್ರಯಾಣದುದ್ದಕ್ಕೂ ಇದೇ ಸಂದೇಶವನ್ನು ನಾನು ನೀಡುತ್ತಾ ಬಂದೆ. ಕುಟುಂಬ ಮತ್ತು ಸ್ನೇಹಿತರ ಅಗಾಧ ಬೆಂಬಲವೂ ನನಗಿದೆ’ ಎಂದು ಸತೀಶ್ ಹೇಳುತ್ತಾರೆ.
ಅವರ ಈ ಅಮೋಘ ಪ್ರಯಾಣದ ಬಗ್ಗೆ ಸಂಸ್ಥೆಯೊಂದು ಸಿನಿಮಾ ಮಾಡಲು ಮುಂದಾಗಿದೆ. ಅಸಾಮರ್ಥ್ಯ ಎಂದು ಪರಿಗಣಿಸಲ್ಪಟ್ಟ ವ್ಯಕ್ತಿಯ ಅಸಾಧಾರಣ ಸಾಹಸವನ್ನು ಎಲ್ಲರಿಗೂ ಮುಟ್ಟಿಸಬೇಕು ಎಂಬ ಉದ್ದೇಶ ಇದರ ಹಿಂದಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
