#ಅಭಯಾಕ್ಷರ ಆಂದೋಲನ : ಕತ್ತಿಯ ಕ್ರೌರ್ಯಕೆ ಲೇಖನಿಯ ಉತ್ತರ!

ಹಿಂದೂಸ್ಥಾನದ ಶ್ರೇಷ್ಠ ಸಂಸ್ಕೃತಿ, ಧರ್ಮವನ್ನು ರಕ್ಷಿಸಬೇಕೆಂಬ ತುಡಿತ‌ ನಿಮ್ಮಲ್ಲಿದೆಯೇ!! ಹಾಗಿದ್ದಲ್ಲಿ ಧರ್ಮದ ಮೂಲವಾದ ಗೋಮಾತೆಯ ಉಳಿವಿಗಾಗಿ ಶ್ರಮಿಸೋಣ ಬನ್ನಿರೆಲ್ಲ!

ಜಗದ್ಗುರು ಶಂಕರಾಚಾರ್ಯ ಶ್ರೀ ಶ್ರೀ ರಾಘವೇಶ್ವರಭಾರತಿ ಮಹಾಸ್ವಾಮಿಗಳವರ ದಿವ್ಯ ಪರಿಕಲ್ಪನೆಯಲ್ಲಿ ದೇಸಿ ಗೋವುಗಳ ರಕ್ಷಣೆಗಾಗಿ ಅಕ್ಷರಕ್ರಾಂತಿಯ ಮಹಾಂದೋಲನವೊಂದು ರೂಪುಗೊಂಡಿದೆ. ಅಕ್ಷರಗಳ ಮೂಲಕ ಭಾರತೀಯರಲ್ಲಿ ಗೋವುಗಳ ಕುರಿತು ಸಾಕ್ಷರರನ್ನಾಗಿಸುವುದು ಈ #ಅಭಯಾಕ್ಷರ ಅಭಿಯಾನದ ಮೂಲ ಉದ್ದೇಶ!

ಈ ಆಂದೋಲನದ ಮೂಲಕ ದೇಶದ ಪ್ರತಿ ವ್ಯಕ್ತಿ ರಾಜ್ಯದ ಮುಖ್ಯಮಂತ್ರಿ ಹಾಗೂ ದೇಶದ ಪ್ರಧಾನಮಂತ್ರಿಗಳಿಗೆ ಗೋಹತ್ಯೆಯನ್ನು ನಿಷೇಧಿಸುವಂತೆ ಆಗ್ರಹಿಸುವ ಹಕ್ಕೊತ್ತಾಯ ಅರ್ಜಿಗೆ ಹಸ್ತಾಕ್ಷರ ನೀಡಬೇಕಾಗಿದೆ. ಆ ನಿಟ್ಟಿನಲ್ಲಿ ನಾವು ನೀವೆಲ್ಲ ಜೊತೆಯಾಗಿ ನಾಡಿನ ಮನೆ ಮನೆಗಳನ್ನು ತಲುಪಿ, ಗೋರಕ್ಷಣೆಯ ಮಹತ್ವದ ಕುರಿತು ಮನವರಿಕೆ ಮಾಡಬೇಕಿದೆ.

#ಅಭಯಾಕ್ಷರ ಅಭಿಯಾನಕ್ಕೆ ಈಗಾಗಲೇ ಬೆಂಗಳೂರಲ್ಲಿ ವ್ಯಾಪಕ ಸ್ಪಂದನೆ ದೊರೆಯತ್ತಿದೆ.. ಈವರೆಗೂ ಸುಮಾರು 4 ಲಕ್ಷ ಹಸ್ತಾಕ್ಷರ ಸಂಗ್ರಹವಾಗಿದೆ. ಬರುವ ವಾರದಲ್ಲಿ ರಾಜ್ಯದ ಇತರ ಜಿಲ್ಲೆಗಳಿಗೂ #ಅಭಯಾಕ್ಷರ ಆಂದೋಲನ ವ್ಯಾಪಿಸಲಿದೆ. ಇನ್ನೂ ಕೆಲವೇ ದಿನಗಳಲ್ಲಿ ಭಾರತವೇ ಗೋವಿನತ್ತ ನೋಡುವ ಬೃಹತ್ ಆಂದೋಲನ ದೇಶವ್ಯಾಪಿ ಹರಡಲಿದೆ. ಈಗಾಗಲೇ ಬೆಂಗಳೂರಲ್ಲಿ ಸುಮಾರು 4 ಲಕ್ಷ ಅಭಯಾಕ್ಷರಗಳು ಸಂಗ್ರಹವಾಗಿದ್ದು, ನೂರಾರು ಸಂತರು, ಸಾವಿರಾರು ಗಣ್ಯವ್ಯಕ್ತಿಗಳು ಸಹಿ ಮಾಡಿದ್ದಾರೆ.

ಸಮಾಜದ ಮಧ್ಯದಲ್ಲಿ ಕ್ರಾಂತಿ ಉಂಟುಮಾಡುವ ಮೊದಲು ಸಾಮಾಜಿಕ ಜಾಲತಾಣಗಳ ಮೂಲಕ ದೇಶಾದ್ಯಂತ ಅಭಯಾಕ್ಷರದ ಅಲೆ ಎಬ್ಬಿಸಬೇಕಿದೆ. ನಮ್ಮ ಗೋಕಿಂಕರು ಮನೆಮನೆಗೆ ತಲುಪುವ ಸಮಯಕ್ಕೆ ಭಾರತೀಯರಲ್ಲಿ ದೇಸಿ ಗೋವುಗಳ ಮಹತ್ವದ ಕುರಿತು ಹಾಗೂ #ಅಭಯಾಕ್ಷರ ಅಭಿಯಾನದ ಕುರಿತು ಜಾಗೃತಿ ಮೂಡಿಸಬೇಕಾದ‌ ಅವಶ್ಯಕತೆ ಇದೆ. ಅದನ್ನು ನಾವು ಸಾಮಾಜಿಕ ಜಾಲತಾಣಗಳಲ್ಲಿನ ಅಭಿಯಾನದ ಮೂಲಕ ಮಾಡೋಣ! ವಾರಕ್ಕೆ ಕೆಲವೇ ಗಂಟೆಗಳ ಸಮಯವನ್ನು ಇದಕ್ಕಾಗಿ ಕೊಡುವ ಮೂಲಕ ಸಮಾಜಕ್ಕೆ, ದೇಶಕ್ಕೆ ಬಹುದೊಡ್ಡ ಕೊಡುಗೆಯನ್ನು ಕೊಡಬಹುದಾಗಿದೆ.

ಈ ಮಹತ್ತರ ಅಭಿಯಾನದಲ್ಲಿ ನಮ್ಮ ಜೊತೆ ಕೈಜೋಡಿಸುವರಾದರೆ, www.Facebook.com/ProtectWithPen ಪುಟವನ್ನು ಸಂಪರ್ಕಿಸಿ.

– ಶಿಶಿರ್ ಅಂಗಡಿ