ಜೈಪುರ: ರಜಪೂತ ರಾಜವಂಶದ ರಾಜ ಮಹಾರಾಣಾ ಪ್ರತಾಪ್ ಸಿಂಗ್ ಸಾಹಸ, ಶೌರ್ಯವನ್ನು ಸ್ಮರಿಸಿರುವ ಗೃಹಸಚಿವ ರಾಜನಾಥ್ ಸಿಂಗ್, ಆತನಿಗೆ ತಕ್ಕುದಾದ ಘನತೆಯನ್ನು ನಾವು ಇತಿಹಾಸದಲ್ಲಿ ನೀಡಬೇಕಾಗಿದೆ ಎಂದಿದ್ದಾರೆ.
ಪ್ರತಾಪಗಢದಲ್ಲಿ ಮಾತನಾಡಿದ ಅವರು, ಅಕ್ಬರ್ನನ್ನು ಇತಿಹಾಸಕಾರರು ‘ದಿ ಗ್ರೇಟ್’ ಎಂದು ಕರೆಯುವುದಾದರೆ, ಮಹಾರಾಣಾ ಪ್ರತಾಪ್ನನ್ನು ‘ದಿ ಗ್ರೇಟ್’ ಎಂದು ಏಕೆ ಕರೆಯಬಾರದು ಎಂದಿದ್ದಾರೆ.
ಇದೇ ವೇಳೆ ಅವರು ಮಹಾರಾಣಾನ ಜೀನಗಾಥೆಯನ್ನು ಶಾಲಾ ಪಠ್ಯ ಪುಸ್ತಕದಲ್ಲಿ ಅಳವಡಿಸಲು ನಿರ್ಧರಿಸಿರುವ ರಾಜಸ್ಥಾನ ಸರ್ಕಾರದ ಕ್ರಮವನ್ನು ಅವರು ಸ್ವಾಗತಿಸಿದರು. ಅಲ್ಲದೇ ಈಗಿನ ಇತಿಹಾಸ ಅಧ್ಯಯನ ಮಹಾರಾಣಾ ಪ್ರತಾಪನನ್ನು ಅಷ್ಟಾಗಿ ಗಣನೆಗೆ ತೆಗೆದುಕೊಂಡಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದರು.
ಅಕ್ಬರನನ್ನು ‘ದಿ ಗ್ರೇಟ್’ ಎನ್ನುವುದಕ್ಕೆ ನನ್ನ ಯಾವ ಆಕ್ಷೇಪವೂ ಇಲ್ಲ, ಆದರೆ ಪ್ರತಾಪನ ಸಾಹಸ, ತ್ಯಾಗಗಳು ಕೂಡ ಮಹತ್ವದ್ದಾಗಿದೆ. ಆತನಿಗೂ ಹೆಚ್ಚಿನ ಗೌರವ, ಘನತೆ ನೀಡುವ ಅಗತ್ಯವಿದೆ ಎಂದಿದ್ದಾರೆ.
ಈ ಬಗ್ಗೆ ಎಚ್ಆರ್ಡಿ ಸಚಿವೆ ಸ್ಮೃತಿ ಇರಾನಿಯವರಲ್ಲಿ ಮಾತನಾಡಿ, ಮಹರಾಣಾ ಪ್ರತಾಪನ ಬಗ್ಗೆ ಸಿಬಿಎಸ್ಸಿ ಪಠ್ಯಗಳಲ್ಲಿ ಅಳವಡಿಸಲು ಹೇಳುತ್ತೇನೆ ಎಂದಿದ್ದಾರೆ.
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.