ಚಂಡೀಗಢದಲ್ಲಿ ಹುಟ್ಟಿ ಬೆಳೆದ ಉಶ್ಮಾ ಗೋಸ್ವಾಮಿ ದೆಹಲಿ ವಿಶ್ವವಿದ್ಯಾನಿಲಯದಲ್ಲಿ ಸಮಾಜ ವಿಜ್ಞಾನದಲ್ಲಿ ಸ್ನಾತಕೋತ್ತರ ಪದವಿ ಪಡೆದುಕೊಂಡಾಕೆ. ತನ್ನ ಜ್ಞಾನವನ್ನು ಸಮಾಜದ ಸಹಾಯಕ್ಕೆ ಬಳಸಿಕೊಳ್ಳಬೇಕು ಎಂದು ಬಯಸಿದಾಕೆ. ಯುಪಿಎಸ್‌ಸಿ ಗುರಿಯನ್ನೂ ಹೊಂದಿರುವ ಈಕೆ ಪ್ರಸ್ತುತ ಮೈಸೂರಿನಲ್ಲಿ ತನ್ನ ಸಾಮಾಜಿಕ ಕಾರ್ಯವನ್ನು ಮಾಡುತ್ತಿದ್ದಾಳೆ.
ಗ್ರಾಮೀಣ ಪ್ರದೇಶದಲ್ಲಿ ಜಾತಿ, ಜನಾಂಗಗಳ ಬೇಧಭಾವವನ್ನು ಕತ್ತು ಹಾಕಬೇಕು, ಗ್ರಾಮಗಳನ್ನು ಅಭಿವೃದ್ಧಿ ಪಡಿಸಬೇಕು ಎಂಬ ಆಶಯ ಹೊಂದಿದ್ದ ಈಕೆಗೆ ಸಹಾಯ ಮಾಡಿದ್ದು ಎಸ್‌ಬಿಐ ಯೂತ್ ಫಾರ್ ಇಂಡಿಯಾ ಫೆಲ್ಲೋಶಿಪ್. ಇದು ಈಕೆಯನ್ನು ಆಡಳಿತ ವಲಯದಲ್ಲಿ ಕಾರ್ಯ ಮಾಡಲು ಪ್ರೇರೇಪಿಸಿತು.
ದೆಹಲಿಯಲ್ಲಿ ಕಳೆದ ಹಲವಾರು ವರ್ಷಗಳಿಂದ ವಾಸಿಸುತ್ತಿರುವ ಉಶ್ಮಾಳಿಗೆ ಹಳ್ಳಿ ಹೊಸತು. ಅದರಲ್ಲೂ ದಕ್ಷಿಣ ಭಾರತದ ಗ್ರಾಮದಲ್ಲಿ ಕಾರ್ಯ ಮಾಡುವುದಕ್ಕೆ ಭಾಷೆಯ ಸಮಸ್ಯೆಯೂ ಈಕೆಗೆ ಸಮಸ್ಯೆಯಾಗಿತ್ತು. ಆದರೂ ಧನ್ ಫೌಂಡೇಶನ್‌ನೊಂದಿಗೆ ಕಾರ್ಯ ಮಾಡಲು ಮುಂದಾದಳು.
2016ರ ಆಗಸ್ಟ್ 19ರಿಂದ ಮೈಸೂರಿನ ಬನ್ನೂರು ಹೋಬಳಿಯ ಬಿ.ಸಿ.ಹಳ್ಳಿ ಪಂಚಾಯತ್‌ನಲ್ಲಿ ಪ್ಯಾರಲೀಗಲ್ ಕ್ಲಿನಕ್ ತೆರೆದು ಸಣ್ಣ ಪುಟ್ಟ ಸಮಸ್ಯೆಗಳಿಗೆ ಪರಿಹಾರ ನೀಡುವ ಕಾರ್ಯವನ್ನು ಈಕೆ ಮಾಡುತ್ತಿದ್ದಾಳೆ.
ಭಾಷೆಯ ಸಮಸ್ಯೆಯನ್ನು ಹೋಗಲಾಡಿಸುವುದಕ್ಕಾಗಿ ಅಂಗನವಾಡಿಗೆ ಹೋಗಿ ಅಲ್ಲಿ ಮಕ್ಕಳೊಂದಿಗೆ ಬೆರೆಯುತ್ತಾಳೆ. ಇದೀಗ ಕನ್ನಡವನ್ನೂ ತುಸು ತುಸು ಕಲಿತಿರುವ ಆಕೆ ಗ್ರಾಮದ ಜನರ ಸಮಸ್ಯೆಗಳನ್ನು ಆಲಿಸಿ ಅವುಗಳಿಗೆ ಪರಿಹಾರ ನೀಡುತ್ತಾಳೆ.
ಮನೆ ಮನೆಗೆ ತೆರಳಿ ಶೌಚಾಲಯಗಳು ಇದೆಯೇ, ಸಮಸ್ಯೆಗಳಿವೆಯೇ ಎಂಬುದನ್ನು ಪರಿಶೀಲಿಸಿದ ಈಕೆಗೆ 400 ಮನೆಗಳಿಗೆ ಶೌಚಾಲಯ ಇಲ್ಲದೇ ಇದ್ದುದು ಅರಿವಾಗಿದೆ. ಹೀಗಾಗೀ ಈಕೆ ಅವರಿಗೆ ಶೌಚಾಲಯ ಕಟ್ಟುವಂತೆ ತಿಳಿ ಹೇಳಿ ತನ್ನ ಕಾರ್ಯದಲ್ಲಿ ಭಾಗಶಃ ಯಶಸ್ವಿಯಾಗಿದ್ದಾಳೆ.
ಹಲವರಿಗೆ ಆಧಾರ್, ವೋಟರ್ ಐಡಿ, ರೇಶನ್ ಕಾರ್ಡ್ ಇಲ್ಲದೇ ಇದ್ದ ಕಾರಣ ಶೌಚಾಲಯ ನಿರ್ಮಿಸಲು ಸಬ್ಸಿಡಿ ಪಡೆಯಲಾಗುತ್ತಿರಲಿಲ್ಲ. ಹೀಗಾಗೀ ಅದಕ್ಕೂ ಈಕೆಯ ಅರ್ಜಿ ಹಾಕಿಸಿ ಅವರಿಗೆ ಎಲ್ಲಾ ದಾಖಲೆಗಳು ಸಿಗುವಂತೆ ಮಾಡಿದ್ದಾಳೆ. ಹಣವಿಲ್ಲದವರಿಗೆ 20 ಸಾವಿರ ರೂಪಾಯಿ ಲೋನ್ ಮಾಡಿಸಿಕೊಟ್ಟಿದ್ದಾಳೆ.
ಶಾಲೆಗಳಿಗೂ ತೆರಳಿ ಮಕ್ಕಳಿಗೆ ಸ್ವಚ್ಛತೆಯ ಬಗ್ಗೆ ಅರಿವು ಮೂಡಿಸುತ್ತಾಳೆ. ಸ್ವತಃ 10ನೇ ತರಗತಿಯ ಮಕ್ಕಳಿಗೆ ಇಂಗ್ಲೀಷ್ ಕಲಿಸಿದ್ದಾಳೆ. ಇತ್ತೀಚಿಗಿನ ಫಲಿತಾಂಶದಲ್ಲಿ ಈ ಮಕ್ಕಳು ಇಂಗ್ಲೀಷ್‌ನಲ್ಲಿ ಉತ್ತಮ ಫಲಿತಾಂಶವನ್ನೂ ಪಡೆದುಕೊಂಡಿದ್ದಾರೆ.
ಗ್ರಾಮಸ್ಥರಿಗೆ ಎಲ್ಲಾ ರೀತಿಯಿಂದಲೂ ಕನೆಕ್ಟ್ ಆಗಿರುವ ಈಕೆಯ ಪ್ಯಾರಲೀಗಲ್ ಕ್ಲಿನಿಕ್‌ಗೆ ಹಲವಾರು ಮಂಡಿ ಆಗಮಿಸುತ್ತಾರೆ. ಅವರಿಗೆ ಬೇಕಾದ ಎಲ್ಲಾ ಲೀಗಲ್ ಸಲಹೆಗಳನ್ನು ಈಕೆ ನೀಡಿದೆ, ಸಣ್ಣ ಪುಟ್ಟ ಸಮಸ್ಯೆಗಳಿಗೆ ಪರಿಹಾರ ದೊರಕಿಸಿ ಕೊಡುತ್ತಾಳೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
