ಹಲದ್ವಾನಿ: ಉತ್ತರಾಖಂಡದ ಹಲದ್ವಾನಿ ನಗರವನ್ನು ಬಯಲುಶೌಚ ಮುಕ್ತಗೊಳಿಸಬೇಕು ಎಂಬ ಪಣತೊಟ್ಟಿರುವ ಅಲ್ಲಿನ ಮುನ್ಸಿಪಲ್ ಕಾರ್ಪೋರೇಶನ್ ಸ್ವಚ್ಛತೆಯ ಬಗೆಗಿನ ಪೋಸ್ಟರ್‌ಗಳನ್ನು ಎಲ್ಲಾ ಇ-ರಿಕ್ಷಾಗಳ ಮೇಲೆ ಅಂಟಿಸುತ್ತಿದೆ.
ಅಷ್ಟೇ ಅಲ್ಲದೇ ಆಟೋ ಡ್ರೈವರ್‌ಗಳು ತಮ್ಮ ಪ್ರಯಾಣಿಕರಿಗೆ ಸ್ವಚ್ಛತೆಯ ಬಗ್ಗೆ ಅರಿವು ಮೂಡಿಸುವ ಮಾಹಿತಿಗಳನ್ನೂ ನೀಡುತ್ತಿದ್ದಾರೆ.
‘ಇ-ರಿಕ್ಷಾ ಪರಿಸರ ಸ್ನೇಹಿಯಾಗಿದೆ. ಭೂಮಿ, ಜಲ, ವಾಯುವನ್ನು ಮಾಲಿನ್ಯಗಳಿಸುವುದರಿಂದಾಗುವ ದುಷ್ಪರಿಣಾಮಗಳ ಬಗ್ಗೆ ಪೋಸ್ಟರ್‌ಗಳು ಅರಿವು ಮೂಡಿಸುತ್ತವೆ. ಬಯಲಿನಲ್ಲಿ ಶೌಚ ಮಾಡದಂತೆ, ಕಸಕಟ್ಟಿಗಳನ್ನು ಕಸದಬುಟ್ಟಿಯಲ್ಲೇ ಹಾಕುವಂತೆ ಜನರಿಗೆ ಅರಿವು ಮೂಡಿಸಲು ಪ್ರಯತ್ನಿಸುತ್ತಿದ್ದೇವೆ’ ಎಂದು ಇ-ರಿಕ್ಷಾ ಡ್ರೈವರ್‌ವೊಬ್ಬರು ತಿಳಿಸಿದ್ದಾರೆ.
ಇ-ರಿಕ್ಷಾಗಳು ಮಾಲಿನ್ಯ ಮುಕ್ತವಾಗಿರುವುದರಿಂದ ಪೋಸ್ಟರ್ ಹಾಕಲು ಅವುಗಳನ್ನೇ ಆಯ್ಕೆ ಮಾಡಿಕೊಂಡಿದ್ದಾಗಿ ಮುನ್ಸಿಪಾಲಿಟಿ ಹೇಳಿದೆ.
ಒಟ್ಟು 230 ಇ-ರಿಕ್ಷಾಗಳು ಹಲದ್ವನಿಯಲ್ಲಿದ್ದು, ಮುನ್ಸಿಪಾಲಿಟಿ 150 ಇ-ರಿಕ್ಷಾಗಳನ್ನು ಆಯ್ಕೆ ಮಾಡಿಕೊಂಡಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
