ಗೋಶಾಲೆಯಲ್ಲೊಂದು ದಿನ

ಹಣ್ಣನ್ನು ತಿಂದು ಸವಿದರೆ ಸಾಲದು ಬೀಜ ತಂದು ಗಿಡ ಮಾಡುವುದು ಧರ್ಮ – ಶಿವಕುಮಾರ ವರ್ಮುಡಿ

ಕುಂಬಳೆ : ನಾವು ಎಲ್ಲಿ ಹೋದರೂ ಸಿಕ್ಕಿದ ಹಣ್ಣನ್ನು ತಿಂದು ಸವಿದರೆ ಸಾಲದು, ಅದರ ಬೀಜವನ್ನು ತಂದು ಗಿಡ ಮಾಡಿ ನಾಲ್ಕು ಮಂದಿಗೆ ಹಣ್ಣನ್ನು ನೀಡುವ ಪ್ರಯತ್ನ ಮಾಡುವುದೇ ಧರ್ಮ ಎಂದು ಕೃಷಿ ತಜ್ಞ ಎಣ್ಮಕಜೆ ವಲಯ ಅಧಕ್ಷ ಶಿವಪ್ರಸಾದ ವರ್ಮುಡಿ ನುಡಿದರು.

ಜಗದ್ಗುರು ಶಂಕರಾಚಾರ್ಯ ಮಹಾ ಸಂಸ್ಥಾನಂ ಶ್ರೀ ಸಂಸ್ಥಾನ ಗೋಕರ್ಣ ಶ್ರೀ ರಾಮಚಂದ್ರಾಪುರ ಮಠ ಶ್ರೀ ರಾಘವೇಶ್ವರ ಭಾರತೀ ಮಹಾಸ್ವಾಮಿಗಳವರ ದಿಗ್ದರ್ಶನದಲ್ಲಿ ಕಾರ್ಯಪ್ರವೃತ್ತವಾಗಿರುವ ಮುಳ್ಳೇರಿಯ ಮಂಡಲಾಂತರ್ಗತ ಕುಂಬಳೆ ವಲಯದ ವಿದ್ಯಾರ್ಥಿ ವಾಹಿನಿಯ ಆಶ್ರಯದಲ್ಲಿ ನಡೆದ ಗೋಶಾಲೆಯಲ್ಲೊಂದು ದಿನ ಕಾರ್ಯಕ್ರಮವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ನೂರಕ್ಕಿಂತಲೂ ಹೆಚ್ಚು ವಿಧದ ಮಾವು ಮತ್ತು ಹಲಸು ಗಿಡಗಳನ್ನು ನೆಟ್ಟು ಬೆಳೆಸುತ್ತಿರುವ ಶಿವಪ್ರಸಾದರು ಪ್ರತಿಯೊಂದನ್ನೂ ತೋರಿಸಿ ಮಕ್ಕಳಿಗೆ ವಿವಿರಿಸಿದರು. ಮಿಲ್ಕ್ ಫ್ರೂಟ್. ಎಗ್ ಫ್ರೂಟ್, ಏಪಲ್ ಫ್ರೂಟ್ ಹೀಗೆ ವೈವಿಧ್ಯಮಯವಾದ ಹಣ್ಣುಗಳನ್ನು ತೋರಿಸಿ, ವಿವರಿಸಿ, ತಿನ್ನಲು ನೀಡಿದಾಗ ಮಕ್ಕಳ ಮನದಣಿಯಿತು. ಉತ್ತರ ಭಾರತದಲ್ಲಿ ಮಾತ್ರ ಕಾಣಲು ಸಾಧ್ಯವಾಗಿರುವ ರುದ್ರಾಕ್ಷಿ ಕಾಯಿಯ ಮರವನ್ನೂ ಹಣ್ಣನ್ನೂ ತೋರಿಸುವುದರ ಜೊತೆಗೆ ಅದರ ಬೀಜ ಮಾಲೆಯಾಗಿ ಪರಿವರ್ತನೆಗೊಳ್ಳುವ ಪ್ರತಿಯೊಂದು ಹಂತವನ್ನೂ ವಿವರವಾಗಿ ತಿಳಿಸಿದರು.

ಪೆರ್ಲ ಸಮೀಪದ ಬಜಕ್ಕೂಡ್ಲು ಅಮೃತಧಾರಾ ಗೋಶಾಲೆಯಲ್ಲಿರುವ ಗಿನ್ನೆಸ್ ದಾಖಲೆಯ ಕಾಸರಗೋಡು ಗಿಡ್ಡ ತಳಿಯ ಬಂಗಾರಿ ಗೋವನ್ನೂ ಸಹಿತಿ ವಿವಿಧ ದೇಶೀಯ ಗೋತಳಿಗಳ ಬಗ್ಗೆ ಮಕ್ಕಳಿಗೆ ಪರಿಚಯ ಮಾಡಿಸಲಾಯಿತು. ಗೋಶಾಲೆಯಲ್ಲಿ ಸಿದ್ಧವಾಗುತ್ತಿರುವ ವಿವಿಧ ಗವ್ಯ ಉತ್ಪನ್ನಗಳ ಪ್ರಾತ್ಯಕ್ಷಿಕೆಯನ್ನು ಗಣರಾಜ ಮತ್ತು ನಾರಾಯಣ ಮಾಡಿ ತೋರಿಸಿದರು.

ಕುಂಬಳೆ ವಲಯ ಅಧ್ಯಕ್ಷ ಬಾಲಕೃಷ್ಣ ಶರ್ಮ ಕಾರ್ಯದರ್ಶಿ ಗೋಪಾಲಕೃಷ್ಣ ಭಟ್ಟ ಶೇಡಿಗುಮ್ಮೆ ಕಾರ್ಯಕ್ರಮಕ್ಕೆ ನೇತೃತ್ವ ನೀಡಿದರು. ಮಂಡಲ ವಿದ್ಯಾರ್ಥಿವಾಹಿನಿ ಪ್ರಧಾನ ಕೇಶವ ಪ್ರಸಾದ ಎಡಕ್ಕಾನ, ಮಾತೃ ವಿಭಾಗ ಪ್ರಧಾನ ಕುಸುಮ ಪೆರ್ಮುಖ, ಕುಂಬಳೆ ವಲಯ ಮಾತೃ ವಿಭಾಗ ಪ್ರಧಾನ ಶಿವಕುಮಾರಿ ಕುಂಚಿನಡ್ಕ, ರಾಜೇಶ್ವರಿ ಎಂ, ಉಲ್ಲೇಖ ವಿಭಾಗ ಪ್ರಧಾನ ವಿಜಯಾ ಸುಬ್ರಹ್ಮಣ್ಯ, ಸಂಸ್ಕಾರ ವಿಭಾಗ ಪ್ರಧಾನ ನಾರಾಯಣ ಜಿ ಹೆಗಡೆ, ವಿದ್ಯಾರ್ಥಿ ವಾಹಿನಿ ಪ್ರಧಾನ ಗುರುಮೂರ್ತಿ ನಾಯ್ಕಾಪು ಮೊದಲಾದವರು ಉಪಸ್ಥಿತರಿದ್ದರು.