ಕುಂಪಣಮಜಲಿನಲ್ಲಿ ಹೊನಲು ಬೆಳಕಿನ ಮುಕ್ತ ಕಬಡ್ಡಿ ಪಂದ್ಯಾಟ

ಬಂಟ್ವಾಳ :  ಶ್ರೀ ಶನೈಶ್ಚರಾಂಜನೇಯ ಸೇವಾ ಸಮಿತಿ (ರಿ) ಶ್ರೀ ರಾಮ ನಗರ, ಕುಂಪಣ ಮಜಲು, ಫರಂಗಿಪೇಟೆ ಇದರ ಆಶ್ರಯದಲ್ಲಿ ನಡೆದ ಹೊನಲು ಬೆಳಕಿನ ಮುಕ್ತ “ಕಬಡ್ಡಿ” ಪಂದ್ಯಾಟವು ಫರಂಗಿಪೇಟೆಯ ಕುಂಪಣಮಜಲಿನ ಶ್ರೀ ರಾಮನಗರದಲ್ಲಿರುವ ಶ್ರೀ ಶನೈಶ್ಚರಾಂಜನೇಯ ಮಂದಿರದ ಬಳಿಯ ಮೈದಾನದಲ್ಲಿ ನಡೆಯಿತು. ಕ್ರೀಡಾಕೂಟವನ್ನು ಮಂಗಳೂರಿನ ಪ್ರಖ್ಯಾತ ಉದ್ಯಮಿ ಶ್ರೀ ಬದ್ರಿನಾಥ್ ಕಾಮತ್ ಇವರು ದೀಪ ಬೆಳಗಿಸುವ ಮೂಲಕ ಚಾಲನೆ ನೀಡಿದರು. ಕಾರ್ಯಕ್ರಮದ ವೇದಿಕೆಯಲ್ಲಿ ಕ್ರೀಡೆಯಲ್ಲಿ ವಿಶೇಷ ಸಾಧನೆಗೈದ ಇಬ್ಬರು ಸ್ಥಳಿಯ ಪ್ರತಿಭೆಗಳಾದ ಸದಾನಂದ ಆಳ್ವ ತೇವು ಗುತ್ತು ಇವರು ಅಂತರಾಷ್ಟ್ರೀಯ ಮಟ್ಟದ ಮಾಸ್ಟರ್‍ಸ್ ಅಥ್ಲೆಟ್, ಇನ್ನೋರ್ವರು ವಿನಯರಾಜ್ ಇವರು ಪವರ್ ಲಿಪ್ಟಿಂಗ್­ನಲ್ಲಿ ರಾಷ್ಟ್ರೀಯ ಮಟ್ಟದ ಸಾಧನೆ ಮಾಡಿರುತ್ತಾರೆ ಇವರನ್ನು ಗಣ್ಯರ ಸಮ್ಮುಖದಲ್ಲಿ ಸನ್ಮಾನಿಸಲಾಯಿತು.

ಶ್ರೀ ಪ್ರಕಾಶ್ ಬಿ.ಶೆಟ್ಟಿ, ಶ್ರೀ ಶೈಲ ತುಂಬೆ ಆಡಳಿತ ಮೊಕ್ತೇಸರರು, ಶ್ರೀ ಪೆರೋಡಿ ಲಕ್ಷ್ಮಿ ವಿಷ್ಣುಮೂರ್ತಿ ದೇವಸ್ಥಾನ ದೇವಂದಬೆಟ್ಟು, ಕಳ್ಳಿಗೆ ತುಂಬೆ. ಇವರ ಅಧ್ಯಕ್ಷತೆಯಲ್ಲಿ ನಡೆದ ಸಭಾಕಾರ್ಯಕ್ರಮದಲ್ಲಿ ಶ್ರೀ ಐತಪ್ಪ ಆಳ್ವ , ಸುಜೀರು ಗುತ್ತು , ಶ್ರೀ ಸದಾನಂದ ಆಳ್ವ ಕಂಪ ,ಜಿಲ್ಲಾ ಪಂಚಾಯತ್ ಸದಸ್ಯರಾದ ರವೀಂದ್ರ ಕಂಬಳಿ, ಗಿರೀಶ್ ಕೊಟ್ಟಾರಿ, ಮನೋಜ್ ಆಚಾರ್ಯ ನಾಣ್ಯ, ಅಶೋಕ್ ಆಚಾರ್ಯ, ಪ್ರಕಾಶ್ ಚಂದ್ರ ರೈ ದೇವಸ್ಯ, ತಾರನಾಥ ಕೊಟ್ಟಾರಿ, ಚಂದ್ರಶೇಖರ್ ಗಾಂಬೀರ, ವಿಠ್ಠಲ ಸಾಲ್ಯಾನ್, ಉಮೇಶ್ ಶೆಟ್ಟಿ ಬರ್ಕೆ, ಕಿಶೋರ್ ಕುಮಾರ್ ಸೋಮೇಶ್ವರ, ವಿಠ್ಠಲ ಶೆಟ್ಟಿ ನೀರೊಲ್ಬೆ, ದಿನೇಶ್ ಆರ್ ಶೆಟ್ಟಿ ಕೊಟ್ಟಿಂಜ, ರಾಘವ ಅಂಚನ್, ಜಯ ಕರ್ಕೇರಾ ಮಂಟಮೆ, ಹನೀಫ್ ಕುಂಜತ್ಕಲ ಮತ್ತಿತರರು ಉಪಸ್ಥಿತರಿದ್ದರು.ಶ್ರೀ ಶನೈಶ್ಚರಾಂಜನೇಯ ಸೇವಾ ಸಮಿತಿ ಅಧ್ಯಕ್ಷರಾದ ಎ.ಕೆ.ಗಿರೀಶ್ ಶೆಟ್ಟಿಯವರು ಸ್ವಾಗತಿಸಿ ಪ್ರಾಸ್ತವಿಕ ಭಾಷಣ ಮಾಡಿದರು. ಜಗದೀಶ ಕಡೆಗೋಳಿ ಕಾರ್ಯಕ್ರಮ ನಿರೂಪಿಸಿದರು.