ನವದೆಹಲಿ: ಎಪ್ರಿಲ್ 1, 2017ರಿಂದ ಆಟೋಮೊಬೈಲ್ ಕಂಪೆನಿಗಳು ಕೇವಲ ಬಿಎಸ್-IV ಅನುವರ್ತಿತ ವಾಹನಗಳನ್ನು ಮಾರಾಟ ಮಾಡುವಂತೆ ಸುಪ್ರೀಂ ಕೋರ್ಟ್ ಆದೇಶ ಹೊರಡಿಸಿದೆ. ನ್ಯಾ. ಮದನ್ ಬಿ. ಲೋಕೂರ್ ಮತ್ತು ದೀಪಕ್ ಗುಪ್ತಾ ಅವರ ನ್ಯಾಯಪೀಠ ಈ ಆದೇಶ ಹೊರಡಿಸಿದೆ.
ಆಟೋ ಕಂಪೆನಿಗಳು ಸುಮಾರು 8.5 ಲಕ್ಷ ಬಿಎಸ್-III ವಾಹನಗಳ ತಯಾರಿಯಲ್ಲಿ ತೊಡಗಿದ್ದು, ಸುಪ್ರೀಂ ಕೋರ್ಟ್‌ನ ಈ ಆದೇಶದಿಂದ ಕಂಪೆನಿಗಳಿಗೆ ದೊಡ್ಡ ಪೆಟ್ಟು ಬಿದ್ದಂತಾಗಿದೆ. ಬಿಎಸ್-III ವಾಹನಗಳ ಅಂದಾಜು ಮೌಲ್ಯ ಸುಮಾರು 12 ಕೋಟಿ ರೂ. ಆಗಿದೆ.
ಬಿಎಸ್-IV ಹೊರಸೂಸುವಿಕೆ ನಿಯಮಗಳು ಎಪ್ರಿಲ್ 1ರಿಂದ ಜಾರಿಗೆ ಬರಲಿದ್ದು, ಬಿಎಸ್-III ವಾಹನಗಳ ಸ್ಟಾಕ್ ಬೊರಹಾಕಲು ಕಂಪೆನಿಗಳು 6-7 ತಿಂಗಳು ಸಮಯಾವಕಾಶ ನೀಡುವಂತೆ ಕೋರಿದ್ದ ಮನವಿಯನ್ನು ಸುಪ್ರೀಂ ಕೋರ್ಟ್ ತಿರಸ್ಕರಿಸಿದೆ.
ಭಾರತದ ಅಟೋಮೊಬೈಲ್ ತಯಾರಕ ಸೊಸೈಟಿ (ಎಸ್‌ಐಎಎಂ) ಜನವರಿ 2016ರಿಂದ ಪ್ರತಿ ತಿಂಗಳು ಮಾರಾಟ ಮಾಡುತ್ತಿರುವ ಬಿಎಸ್-III ವಾಹನಗಳ ದಾಖಲೆಗನ್ನು ನ್ಯಾಯಾಲಯಕ್ಕೆ ಒದಗಿಸಿದ್ದು, ಅದು 96 ಸಾವಿರ ವಾಣಿಜ್ಯ, 6 ಲಕ್ಷ ದ್ವಿಚಕ್ರ ಮತ್ತು 40 ಸಾವಿರ ತ್ರಿಚಕ್ರ ವಾಹನಗಳು ಸೇರಿ 8.24 ಲಕ್ಷ ವಾಹನಗಳ ಸ್ಟಾಕ್ ಹೊಂದಿವೆ ಎಂದು ಮೂಲಗಳು ತಿಳಿಸಿವೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
