ನವದೆಹಲಿ: ಶನಿವಾರ ಭಾರತ ಸೇರಿದಂತೆ ಜಗತ್ತಿನ 170 ದೇಶಗಳ 7 ಸಾವಿರ ನಗರಗಳು ಅರ್ಥ್ ಅವರ್‌ನ್ನು ಆಚರಿಸುತ್ತಿದ್ದು, ಇಲ್ಲಿನ ಎಲ್ಲಾ ಮನೆಗಳ, ಕಟ್ಟಡಗಳ ವಿದ್ಯುತ್ ರಾತ್ರಿ 8.30ಯಿಂದ 9.30ತನಕ ಆಫ್ ಆಗಲಿದೆ.
ಭಾರತದ ರಾಷ್ಟ್ರಪತಿ ಭವನ, ಇಂಡಿಯಾ ಗೇಟ್, ಕೆಂಪುಕೋಟೆ, ಅಕ್ಷರಧಾಮ ಟೆಂಪಲ್, ಖುತುಬ್ ಮಿನಾರ್, ಲೋಟಸ್ ಟೆಂಪಲ್‌ನಂತಹ ಐತಿಹಾಸಿಕ ಸ್ಥಳ ಮತ್ತು ಕಟ್ಟಡಗಳಲ್ಲಿ ಅರ್ಥ್ ಅವರ್ ಹಿನ್ನಲೆಯಲ್ಲಿ ಲೈಟ್ ಆಫ್ ಮಾಡಲಾಗುತ್ತದೆ.
ಈ ಬಾರಿ ಅರ್ಥ್ ಅವರ್‌ನ 10ನೇ ವಾರ್ಷಿಕೋತ್ಸವವಾಗಿದೆ. ಪ್ರಕೃತಿಗೆ ಪ್ರೀತಿ ಮತ್ತು ಕಾಳಜಿಯನ್ನು ವ್ಯಕ್ತಪಡಿಸುವ ಸಲುವಾಗಿ ಈ ದಿನ 60ನಿಮಿಷಗಳ ಕಾಲ ರಾತ್ರಿ ವೇಳೆ ಲೈಟ್ ಆಫ್ ಮಾಡಲಾಗುತ್ತದೆ.
ವರ್ಲ್ಡ್ ವೈಲ್ಡ್‌ಲೈಫ್ ಸಂಸ್ಥೆ ಈ ಅರ್ಥ್ ಅವರ್‌ನ್ನು 2007 ರಲ್ಲಿ ಸಿಡ್ನಿಯಲ್ಲಿ ಆರಂಭಿಸಿತ್ತು. ವಿಶ್ವದ ಅತೀದೊಡ್ಡ ಸ್ವಯಂಪ್ರೇರಿತ ಕಾರ್ಯ ಇದಾಗಿದೆ. ದೆಹಲಿಯಲ್ಲಿ ಈ ಸಂಸ್ಥೆ ಅರ್ಥ್ ಅವರ್ ಭಾಗವಾಗಿ ಸೈಕ್ಲೋಥಾನ್, ವಾಕೋಥಾನ್‌ಗಳನ್ನು ಏರ್ಪಡಿಸಲಿದೆ.
ಹವಮಾನ ವೈಪರೀತ್ಯ, ತಾಪಮಾನ ಏರಿಕೆಯ ಬಗ್ಗೆ ಅರಿವು ಮೂಡಿಸಲು, ವಿದ್ಯುತ್ ಉಳಿತಾಯದ ಬಗ್ಗೆ ಜಾಗೃತಿ ಮೂಡಿಸಲು ಈ ಅರ್ಥ್ ಅವರ್ ಆಚರಿಸಲಾಗುತ್ತದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
