ನವದೆಹಲಿ: ಇಸ್ಲಾಂ ಜಗತ್ತನ್ನು ಸ್ಥಾಪಿಸುವ ಗುರಿ ಹೊಂದಿರುವ ಇಸಿಸ್ ಉಗ್ರ ಸಂಘಟನೆ ಜಗತ್ತಿನ ವಿವಿಧ ಭಾಗಗಳಲ್ಲಿ ಅಮಾನವೀಯ ಕಾರ್ಯಗಳನ್ನು ನಡೆಸುತ್ತಿದೆ. ಇದೀಗ ಈ ಉಗ್ರರ ಕಣ್ಣು ಜಗತ್ತಿನ 7 ಅದ್ಭುತಗಳಲ್ಲಿ ಒಂದಾದ ಆಗ್ರಾದ ತಾಜ್‌ಮಹಲ್ ಮೇಲೆ ಬಿದ್ದಿದೆ.
ಈಗಾಗಲೇ ಇಸಿಸ್ ತಾಜ್‌ಮಹಲ್‌ನ್ನು ಸ್ಫೋಟಿಸುವ ಸಂಚನ್ನು ರೂಪಿಸಿದೆ. ಅದಕ್ಕೆ ಬೇಕಾದ ಎಲ್ಲಾ ಸ್ಕೆಚ್‌ನ್ನು ಅದು ಸಿದ್ಧಪಡಿಸಿಕೊಂಡಿದ್ದು, ಅದರ ಪ್ರತಿ ಇಸಿಸ್ ಬೆಂಬಲಿತ ವೆಬ್‌ಸೈಟ್‌ವೊಂದರಲ್ಲಿ ಪ್ರಕಟಗೊಂಡಿದೆ.
ಈ ವೆಬ್‌ಸೈಟ್‌ನಲ್ಲಿ ಪ್ರಕಟಗೊಂಡ ಸ್ಕೆಚ್ ಪ್ರಕಾರ, ತಾಜ್‌ಮಹಲ್ ಮುಂದೆ ಉಗ್ರನೋರ್ವ ಸ್ಫೋಟಕ ತುಂಬಿದ ಬ್ಯಾಗ್, ಬಂದೂಕು ಹಿಡಿದು ದಾಳಿ ನಡೆಸಲು ಸನ್ನದ್ಧನಾಗಿದ್ದಾನೆ. ಈ ಚಿತ್ರದ ಪಕ್ಕದಲ್ಲಿ ಆಗ್ರಾದಲ್ಲಿ ಹುತಾತ್ಮರಾಗಲು ಸನ್ನದ್ಧವಾಗಿದ್ದೇವೆ ಎಂದು ಬರೆಯಲಾಗಿದೆ. ಅಲ್ಲದೇ ಇತ್ತೀಚಿಗೆ ಎನ್‌ಕೌಂಟರ್‌ನಲ್ಲಿ ಹತನಾದ ಇಸಿಸ್ ಉಗ್ರ ಸೈಫುಲ್ಲಾನ ಫೋಟೋವನ್ನೂ ಅದು ಪ್ರಕಟಿಸಿದೆ.
ಈಗಾಗಲೇ ಭಾರತದ ಮೇಲೆ ವಕ್ರದೃಷ್ಟಿ ಬೀರಿರುವ ಇಸಿಸ್, ತಾಜ್‌ಮಹಲ್‌ನಲ್ಲಿ ಆತ್ಮಾಹುತಿ ಬಾಂಬ್ ನಡೆಸಲು ಇಸಿಸ್ ಯೋಜಿಸುತ್ತಿದೆ ಎನ್ನಲಾಗಿದೆ. ಇಸಿಸ್‌ನ ಬೆದರಿಕೆ ಹಿನ್ನಲೆಯಲ್ಲಿ ತಾಜ್‌ಮಹಲ್‌ನ ಭದ್ರತೆಯನ್ನು ಬಿಗಿಗೊಳಿಸಲಾಗಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
