ಕಾರ್ಕಳ : ಶಿಸ್ತು-ಸಮಯಪ್ರಜ್ಞೆ-ಕರ್ತವ್ಯ ನಿಷ್ಠೆಯಿಂದ ಗ್ರಾಹಕರನ್ನು ಸೆಳೆಯಲು ಸಾಧ್ಯವಿದೆ ಎಂದು ಸಾಣೂರು ದೇಂದುಬೆಟ್ಟು ಶ್ರೀ ಮಹಾಲಿಂಗೇಶ್ವರ ದೇವಳದ ಅರ್ಚಕ ವೇದಮೂರ್ತಿ ಶ್ರೀರಾಂ ಭಟ್ ಹೇಳಿದ್ದಾರೆ.
ಸಾಣೂರು ಗ್ರಾಮ ಪಂಚಾಯತ್, ವಿಜಯ ಗ್ರಾಮಾಭಿವೃದ್ಧಿ ಸಾಣೂರು, ಸಾಣೂರು ಹಾಲು ಉತ್ಪಾದಕರ ಸಂಘ, ಈಶಾವಾಸ್ಯ ಟ್ರಸ್ಟ್ ದೇಂದಬೆಟ್ಟು ಸಾಣೂರು, ವಿಜಯ ಬ್ಯಾಂಕ್ ಸಿಬ್ಬಂದಿ ವರ್ಗ ಇವರ ಜಂಟಿಯಾಶ್ರಯದಲ್ಲಿ ಗ್ರಾ.ಪಂ.ನ ಸುವರ್ಣಗ್ರಾಮೋದಯ ಸಭಾಭವನದಲ್ಲಿ ಆಯೋಜಿಸಿದ ಸಾಣೂರು ವಿಜಯಬ್ಯಾಂಕ್ ಪ್ರಬಂಧಕ ಮಧುಸೂಧನ್ ಪಿ.ರೈ ಅವರಿಗೆ ನಡೆದ ಅಭಿನಂದನಾ ಸಮಾರಂಭವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.
ವಿಜಯಬ್ಯಾಂಕ್ ಉಡುಪಿ ವಲಯ ಉಪಪ್ರಬಂಧಕಿ ಶಾಲಿನಿ ಎಸ್.ಶೆಟ್ಟಿ ಮಾತನಾಡಿ ಜವಾಬ್ದಾರಿ ಸ್ಥಾನವನ್ನು ಅಲಂಕರಿಸದ ವ್ಯಕ್ತಿ ಸಮಾಜದೊಂದಿಗೆ ಉತ್ತಮ ಸಂಪರ್ಕ ಇರಿಸಿಕೊಳ್ಳಬೇಕೆಂಬುವುದನ್ನು ಮಧುಸೂಧನ್ ಅವರು ತನ್ನ ಕರ್ತವ್ಯದಲ್ಲಿ ಸಾಭೀತು ಪಡಿಸಿದ್ದಾರೆ ಎಂದರು.
ಜಿ.ಪಂ. ಸದಸ್ಯ ಉದಯ ಎಸ್.ಕೋಟ್ಯಾನ್, ಗ್ರಾ.ಪಂ. ಅಧ್ಯಕ್ಷ ಕರುಣಾಕರ ಕೋಟ್ಯಾನ್, ಮಾಜಿ ಅಧ್ಯಕ್ಷ ನರಸಿಂಹ ಕಾಮತ್, ಡಾ. ಅಜಿತ್ ಪ್ರಕಾಶ್, ಪ್ರಕೃತಿ ವಿದ್ಯಾ ಸಂಸ್ಥೆಯ ಪ್ರಾಂಶುಪಾಲ ರಾಘವೇಂದ್ರ ಶೆಣೈ, ಪುರುಷೋತ್ತಮ ಗೌಡ, ಆನಂದ ಶೆಟ್ಟಿ,ಯುವರಾಜ್ ಬಲಿಪ ಮೊದಲಾದವರು ಉಪಸ್ಥಿತರಿದ್ದರು. ನೂತನ ಪ್ರಬಂಧಕಿ ಚೆಲುವಮಣಿ ಇದೇ ಸಂದರ್ಭದಲ್ಲಿ ಮಧುಸೂಧನ್ ಪಿ.ರೈ ಅವರನ್ನು ಗೌರವಿಸಿದರು.
ಸಾಣೂರು ನರಸಿಂಹ ಕಾಮತ್ ಸ್ವಾಗತಿಸಿ ಸನ್ಮಾನ ಪತ್ರ ವಾಚಿಸಿ ಶುಭಾಶಂಸನೆಗೈದರು. ಸಚ್ಚರಿಪೇಟೆ ಸುರ್ ನಾಯಕ್ ಕಾರ್ಯಕ್ರಮ ನಿರೂಪಿಸಿದರು. ಜ್ಞಾನದೇವ ರಾವ್ ವಂದಿಸಿದರು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
