ನವದೆಹಲಿ: ಭಾರತದಾದ್ಯಂತ ಸಾರಿಗೆ ಸೇವೆ ಹೊಂದಿರುವ ಆ್ಯಪ್ ಆಧಾರಿತ ಟ್ಯಾಕ್ಸಿ ಸೇವೆ ಉಬರ್, ತನ್ನ ಆಹಾರ ವಿತರಣಾ ಆ್ಯಪ್ UberEATS ಆರಂಭಿಸಲು ಸಿದ್ಧವಾಗಿದೆ.
ಪ್ರಸ್ತುತ ಬ್ಯಾಂಕಾಕ್, ಸಿಂಗಾಪುರ, ಟೋಕಿಯೋ, ತೈಪೆ, ಹಾಂಗ್‌ಕಾಂಗ್ ಸೇರಿದಂತೆ ಜಗತ್ತಿನಾದ್ಯಂತ 58 ನಗರಗಳಲ್ಲಿ ಈ ಸೇವೆ ಲಭ್ಯವಿದ್ದು, ಇದು ಭಾರತದಲ್ಲಿ ರೆಸ್ಟೋರೆಂಟ್ ಹಾಗೂ ರೆಸ್ಟೋರೆಂಟ್ ಪಾಲುದಾರರು ಮತ್ತು ವಿತರಣಾ ಪಾಲುದಾರರ ನೆಟ್ವರ್ಕ್ ಸ್ಥಾಪಿಸುವಲ್ಲಿ ಕಾರ್ಯ ನಿರ್ವಹಿಸುತ್ತಿದೆ ಎಂದು ಉಬರ್ ತಿಳಿಸಿದೆ.
ಭಾರತಕ್ಕೆ UberEATS ತರುವಲ್ಲಿ ಸಂತೋಷವಿದೆ. ಇದೊಂದು ಮಹತ್ವದ ಹೂಡಿಕೆಯಾಗಿದ್ದು, ಅನೇಕ ನಗರಗಳು ಹಾಗೂ ಪ್ರದೇಶಗಳಿಗೆ ವ್ಯಾಪಿಸಿದೆ. ಇದು ಆಹಾರ ಉದ್ಯಮದಲ್ಲಿ ಬದಲಾವಣೆ ತರಲು ಸಮರ್ಥವಾಗಿದೆ ಎಂದು ಉಬರ್ ಏಷ್ಯಾ ಪ್ಯಾಸಿಫಿಕ್ ಮುಖ್ಯಸ್ಥ ಅಲ್ಲೆನ್ ಪೆನ್ ತಮ್ಮ ಬ್ಲಾಗ್‌ಪೋಸ್ಟ್ ಮೂಲಕ ತಿಳಿಸಿದ್ದಾರೆ.
ಈ ಆ್ಯಪ್ ರೆಸ್ಟೋರೆಂಟ್‌ಗಳು, ವಿತರಕರು ಹಾಗೂ ಗ್ರಾಹಕರಿಗೆ ಹೆಚ್ಚಿನ ಆಯ್ಕೆ ಅವಕಾಶಗಳನ್ನು ಒದಗಿಸಲಿದೆ ಎಂದು ಉಬರ್ ತಿಳಿಸಿದೆ.
ಅಮೇರಿಕಾದ ಲಾಸ್ ಏಂಜಲೀಸ್‌ನಲ್ಲಿ 2014 ರಲ್ಲಿ UberEATS ಕೇಂದ್ರ ಆರಂಭಗೊಂಡಿತ್ತು.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
