ಶಾರದಾ ವಿದ್ಯಾಲಯದಲ್ಲಿ ಗೀತಾ ಜಯಂತಿ ಪ್ರಯುಕ್ತ ದ.ಕ. ಜಿಲ್ಲಾ ಮಟ್ಟದ ಸ್ಪರ್ಧೆ

ಮಂಗಳೂರು :  ಶ್ರೀ ಸೋಂದಾ ಸ್ವರ್ಣವಲ್ಲೀ ಮಹಾ ಸಂಸ್ಥಾನ ಶಿರಸಿ (ಉ.ಕ) ಇದರ ಪೀಠಾಧಿಪತಿಗಳಾದ ಪರಮಪೂಜ್ಯ ಶ್ರೀಮದ್ ಗಂಗಾಧರೇಂದ್ರ ಸರಸ್ವತೀ ಮಹಾಸ್ವಾಮಿಗಳ ಪೀಠಾರೋಹಣದ ರಜತ ಮಹೋತ್ಸವದ ಪ್ರಯುಕ್ತ ಗೀತಾ ಜಯಂತಿ ಸಪ್ತಾಹದ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಶ್ರೀ ಭಗವದ್ಗೀತಾ ಅಭಿಯಾನ ಸಮಿತಿ ದ.ಕ. ಹಾಗೂ ಶಾರದಾ ವಿದ್ಯಾ ಸಂಸ್ಥೆಗಳ ಪ್ರಯೋಜಕತ್ವದಲ್ಲಿ ಶಾಲಾಮಕ್ಕಳಿಗಾಗಿ ಗೀತಾ ಕಂಠಪಾಠ ಹಾಗೂ ಪದವಿ ಪೂರ್ವ ಕಾಲೇಜು ವಿದ್ಯಾರ್ಥಿಗಳಿಗಾಗಿ ಭಗವದ್ಗೀತಾ ರಸಪ್ರಸ್ನೆ ಸ್ಪರ್ಧೆಗಳನ್ನು ತಾ| 11-12-2016 ರ ಭಾನುವಾರ ಬೆಳಿಗ್ಗೆ 9.00 ಕ್ಕೆ ಶಾರದಾ ವಿದ್ಯಾಲಯದಲ್ಲಿ ನಡೆಸಲು ನಿಶ್ಚಯಿಸಲಾಗಿದೆ.

ಪೂರ್ವ ಪ್ರಾಥಮಿಕ (1-4ನೇ ತರಗತಿ) ಮಕ್ಕಳಿಗಾಗಿ ಗೀತೆಯ 7ನೇ ಅಧ್ಯಾಯದ 10 ಶ್ಲೋಕಗಳು, ಪ್ರಾಥಮಿಕ (5-7ನೇ ತರಗತಿ) ಮಕ್ಕಳಿಗಾಗಿ ಗೀತೆಯ 7ನೇ ಅಧ್ಯಾಯದ 15 ಶ್ಲೋಕಗಳು ಹಾಗೂ ಪ್ರೌಢ ಶಾಲಾ (8-10ನೇ ತರಗತಿ) ವಿದ್ಯಾರ್ಥಿಗಳಿಗಾಗಿ 7ನೇ ಅಧ್ಯಾಯದ 20 ಶ್ಲೋಕಗಳನ್ನು ನಿಗದಿಪಡಿಸಲಾಗಿದೆ. ಹಾಗೂ ಪದವಿ ಪೂರ್ವ ವಿದ್ಯಾರ್ಥಿಗಳಿಗೆ ರಸಪ್ರಶ್ನೆ ಸ್ಪರ್ಧೆ ಆಯೋಜಿಸಲಾಗಿದ್ದು ಒಂದು ಕಾಲೇಜಿನಿಂದ ಇಬ್ಬರ ಎರಡು ತಂಡಗಳಿಗೆ ಅವಕಾಶವಿದೆ. ಗೀತಾ ಕಂಠಪಾಠ ಸ್ಪರ್ಧೆಯಲ್ಲಿ ಎಲ್ಲಾ ವಿಭಾಗದಲ್ಲೂ ಒಂದು ಶಾಲೆಯಿಂದ 4 ವಿದ್ಯಾರ್ಥಿಗಳಿಗೆ ಅವಕಾಶವಿದೆ. ಆಸಕ್ತ ಶಾಲಾ ಕಾಲೇಜಿನ ವಿದ್ಯಾರ್ಥಿಗಳು ತಪ್ಪದೆ ಭಾಗವಹಿಸುವಂತೆ ಪ್ರಕಟನೆಯಲ್ಲಿ ತಿಳಿಸಲಾಗಿದೆ. ಸ್ವರ್ಣವಲ್ಲೀ ಸಂಸ್ಥಾನದ ಧ್ವನಿಮುದ್ರಿಕೆಯಲ್ಲಿ ಅಳವಡಿಸಿದ ರಾಗದ ಹಾಗೆ ಗೀತಾ ಕಂಠಪಾಠ ಮಾಡಬೇಕು. ರಸಪ್ರಶ್ನೆಗೆ ಸಂಬಂಧಿಸಿದ ಪುಸ್ತಕ ಬೇಕಾದಲ್ಲಿ ಶಾರದಾ ವಿದ್ಯಾಲಯದಲ್ಲಿ ಲಭ್ಯವಿದ್ದು, ಗೀತಾ ಮುದ್ರಿಕೆಯನ್ನು www.sharadavidyalaya.in ಈ ವೆಬ್‌ಸೈಟ್‌ನಿಂದ ಪಡೆದುಕೊಳ್ಳಬಹುದು. ಹೆಚ್ಚಿನ ಮಾಹಿತಿಗಾಗಿ ಸಂಪರ್ಕಿಸಬೇಕಾದ ದೂರವಾಣಿ ಸಂಖ್ಯೆ; ಶ್ರೀ ರಮೇಶ್ ಆಚಾರ್ಯ (ಸ್ಪರ್ಧಾ ಸಂಯೋಜಕರು) 9449332653, ಮಧುಕೇಶ್ವರ ಶಾಸ್ತ್ರಿ 9731733350.