ರಿಯೋ ಡಿ ಜನೈರೋ: ಏಷ್ಯಾ, ಆಫ್ರಿಕಾ, ಅಮೇರಿಕಾ, ಓಷ್ಯಾನಿಯಾ, ಯುರೋಪ್, ಖಂಡಗಳ 10 ರಾಷ್ಟ್ರಗಳು ಮೊದಲ ಬಾರಿಗೆ ಒಲಿಂಪಿಕ್ಸ್ ಚಿನ್ನದ ಪದಕ ವಿಜಯದ ಸಿಹಿ ಅನುಭವಿಸಿದ್ದಾರೆ.
ಕೆಲವು ರಾಷ್ಟ್ರಗಳಿಗೆ ಒಲಿಂಪಿಕ್ ಚಿನ್ನದ ಪದಕ ಗೆಲ್ಲುವುದು ಸಾಮಾನ್ಯವೆನಿಸಿದೆ. ಆದರೆ ರಿಯೋ ೨೦೧೬ರಲ್ಲಿ ಹಲವರು ತಮ್ಮ ರಾಷ್ಟ್ರಗೀತೆಯೊಂದಿಗೆ ವಿಜಯೋತ್ಸವ ಆಚರಿಸಿದ್ದಾರೆ. 1996ರ ಅಟ್ಲಾಂಟಾ ಗೇಮ್ಸ್‌ನಲ್ಲಿ 16 ರಾಷ್ಟ್ರಗಳು ಮೊದಲ ಚಿನ್ನದ ಪದಕ ಗೆದ್ದ ಬಳಿಕ ಈ ಬಾರಿ ಒಲಿಂಪಿಯನ್ಸ್ ಇಂಡಿಪೆಂಡೆಂಟ್ ತಂಡ ಸೇರಿದಂತೆ ೧೦ ರಾಷ್ಟ್ರಗಳು ಈ ಸಾಧನೆ ಮಾಡಿವೆ.
ಅಮೇರಿಕಾ 1000 ಚಿನ್ನದ ಪದಕಗಳನ್ನು ಗೆದ್ದ ಮೊದಲ ತಂಡವಾಗಿ ಹೊರಹೊಮ್ಮಿದರೆ, 87 ತಂಡಗಳು ಕನಿಷ್ಟ 1 ಪದಕ ಗೆದ್ದಿರುವುದು ರಿಯೋ 2016ರ ದಾಖಲೆಯಾಗಿದೆ.
ಕೇನ್ಯಾದಲ್ಲಿ ಜನಿಸಿದ ಬೆಹ್‌ರೇನ್ ಓಟಗಾರ್ತಿ ರುಥ್ ಜೆಬೆತ್ ಮಹಿಳೆಯರ ಸ್ಟೀಪ್‌ಚೇಸ್‌ನಲ್ಲಿ ಪದಕ ಗೆದ್ದುಕೊಂಡಿದ್ದಾರೆ. ಬೆಹ್‌ರೇನ್ 9 ಬಾರಿ ಒಲಿಂಪಿಕ್ಸ್‌ನಲ್ಲಿ ಪಾಲ್ಗೊಂಡಿದೆ.
ಫಿಜಿ ರಾಷ್ಟ್ರದ ಪುರುಷರ ರಗ್ಬಿ ತಂಡ ಚಿನ್ನದ ಪದಕ ಗೆದ್ದುಕೊಂಡಿದೆ. ಫಿಜಿ 14 ಬಾರಿ ಒಲಿಂಪಿಕ್ಸ್‌ನಲ್ಲಿ ಪಾಲ್ಗೊಂಡಿದೆ.
ಚೈಕ್ ಸಲ್ಲಾಹ್ ಜೂನಿಯರ್ ಸಿಸ್ಸೆ ಟೇಕ್‌ವುಡ್ ಸ್ಪರ್ಧೆಯಲ್ಲಿ ಕೋಟ್ ಡಿ ಐವರಿ ಪರ ಚಿನ್ನ ಗೆದ್ದುಕೊಂಡಿದ್ದಾರೆ.
ಮಜ್ಲಿಂದಾ ಕೆಲ್ಮೆಂಡಿ ಮಹಿಳೆಯರ ಜುಡೋದಲ್ಲಿ ಕೊಸೋವೊ ಪರ ಪದಕ ಗೆದ್ದಿದ್ದಾರೆ. ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಕೊಸೋವೊ ತಂಡವನ್ನು 2014ರಲ್ಲಿ ಗುರುತಿಸಿಕೊಂಡಿತ್ತು.
ಮೋನಿಕಾ ಪಗ್ ಮಹಿಳೆಯರ ಟೆನ್ನಿಸ್‌ನಲ್ಲಿ ಪರ್ಟೋ ರಿಕೊ ಪರ ಚಿನ್ನ ಗೆದ್ದುಕೊಂಡಿದ್ದಾರೆ. ಪರ್ಟೋ ರಿಕೊ ತಂಡ 18 ಬಾರಿ ಒಲಿಂಪಿಕ್ಸ್‌ನಲ್ಲಿ ಭಾಗವಹಿಸಿದೆ.
ಸಿಂಗಾಪುರ ಪರ ಜೋಸೆಫ್ ಸ್ಕೂಲಿಂಗ್ ಪುರುಷರ 100 ಮೀ. ಈಜು ಸ್ಪರ್ಧೆಯ ಬಟರ್‌ಫ್ಲೈ ವಿಭಾಗದಲ್ಲಿ ಚಿನ್ನದ ಪದಕ ಜಯಿಸಿದ್ದಾರೆ. ಅವರು ವಿಶ್ವ ನಂ.1 ಈಜುಗಾರ ಮೈಕಲ್ ಫೆಲ್ಪ್ಸ್ ಅವರನ್ನು ಹಿಂದಿಕ್ಕುವ ಮೂಲಕ ಈ ಸಾಧನೆ ಮಾಡಿದ್ದಾರೆ.
ತಜಕಿಸ್ಥಾನದ ದಿಲ್‌ಶೊದ್ ನಜರೋವ್ ಪುರುಷರ ಹ್ಯಾಮರ್ ಎಸೆತದಲ್ಲಿ ಚಿನ್ನ ಗೆದ್ದುಕೊಂಡಿದ್ದಾರೆ.
ಹಾಂಗ್ ಕ್ಸುವಾಂಗ್ ವೀಯೆಟ್ನಾಂ ಪರ 10 ಮೀ. ಏರ್ ಪಿಸ್ತೋಲ್‌ನಲ್ಲಿ ಚಿನ್ನದ ಪಡೆದಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
