ಹೈದರಾಬಾದ್ : ಇತ್ತೀಚೆಗೆ ನಡೆದ ಘಟಿಕೋತ್ಸವದಲ್ಲಿ ಪದವಿ ಪೂರ್ಣಗೊಳಿಸಿದ ಐಐಟಿ ಹೈದರಾಬಾದ್‌ನ ವಿದ್ಯಾರ್ಥಿಗಳು ಸಾಮಾನ್ಯವಾಗಿ ತೊಡುವ ಕಪ್ಪು ಗೌನ್‌ನ ಬದಲು ಪೊಚಂಪಳ್ಳಿ ಕೇಪ್ಸ್ ತೊಟ್ಟು ಮಿಂಚಿದ್ದಾರೆ.
ಡಿಪಾರ್ಟ್‌ಮೆಂಟ್ ಆಫ್ ಡಿಸೈನ್‌ನ ಮುಖ್ಯಸ್ಥ ಪ್ರೊ. ದೀಪಕ್ ಮಾಥ್ಯೂ ಅವರು ಗೌನ್ ಬದಲು ಪೊಚಂಪಳ್ಳಿ ಕೇಪ್ಸ್ ತೊಡುವ ಐಡಿಯಾವನ್ನು ವಿದ್ಯಾರ್ಥಿಗಳ ಮುಂದಿಟ್ಟಿದ್ದರು. ಇದಕ್ಕೆ ವಿದ್ಯಾರ್ಥಿಗಳು ಖುಷಿಯಿಂದಲೇ ಒಪ್ಪಿಕೊಂಡಿದ್ದಾರೆ.
ಹೀಗಾಗಿ ಘಟಿಕೋತ್ಸವದ ದಿನ ಪದವೀಧರರಾದ ವಿದ್ಯಾರ್ಥಿಗಳು ತೆಲಂಗಾಣದ ಸ್ಥಳೀಯ ಗ್ರಾಮ ಪೊಚಂಪಳ್ಳಿಯ ನೇಕಾರರು ತಯಾರು ಮಾಡಿದ ಪ್ರಸಿದ್ಧ ಪೊಚಂಪಳ್ಳಿ ಕೇಪ್ಸ್ನ್ನು ತೊಟ್ಟು ಮಿಂಚಿದ್ದಾರೆ.
ವಿದ್ಯಾರ್ಥಿಗಳ ಈ ಕಾರ್ಯದಿಂದ ನೇಕಾರರಿಗೆ ಪ್ರೋತ್ಸಾಹ ದೊರೆತಂತಾಗಿದೆ. ಮಾತ್ರವಲ್ಲ ಬ್ರಿಟಿಷ್ ಕಾಲದ ಕರಿ ಗೌನ್‌ಗೂ ಅಂತ್ಯ ಬಿದ್ದಂತಾಗಿದೆ.
ವಿದ್ಯಾರ್ಥಿಗಳು ನೋಡಲು ಆಕರ್ಷಕವಾಗಿ ಕಂಡಿದ್ದಾರೆ. ಅಲ್ಲದೆ ಪ್ರತಿ ಗೌನ್‌ಗೆ 150 ರೂ. ಬಾಡಿಗೆ ನೀಡಬೇಕಾಗಿತ್ತು. ಆದರೆ ಅತಿ ಕಡಿಮೆ ಬೆಲೆಯಲ್ಲಿ ಪೊಚಂಪಳ್ಳಿ ಕೇಪ್ಸ್ ಅವರಿಗೆ ಸಿಕ್ಕಿದೆ.
ಬಿ.ಟೆಕ್. ವಿದ್ಯಾರ್ಥಿಗಳು ಕಡುಬೂದು ಬಣ್ಣದ, ಎಂ.ಟೆಕ್ ವಿದ್ಯಾರ್ಥಿಗಳು ತಿಳಿ ನೀಲಿ ಬಣ್ಣದ, ಪಿ.ಹೆಚ್‌ಡಿ ವಿದ್ಯಾರ್ಥಿಗಳು ಹಳದಿ ಬಣ್ಣದ ಕೇಪ್ಸ್ ತೊಟ್ಟು ಘಟಿಕೋತ್ಸವದಲ್ಲಿ ಸಂಭ್ರಮಿಸಿದ್ದಾರೆ. ಬಹುತೇಕರು ಕುರ್ತಾ ಮತ್ತು ಪೈಜಾಮ ತೊಟ್ಟು ಮತ್ತಷ್ಟು ಆಕರ್ಷಕವಾಗಿ ಕಾಣಿಸಿಕೊಂಡಿದ್ದಾರೆ.
ಮುಂದಿನ ವರ್ಷ ಈ ಡ್ರೆಸ್‌ಕೋಡ್‌ನ್ನು ಇನ್ನಷ್ಟು ಪ್ರಗತಿಪಡಿಸುವುದಾಗಿ ಪ್ರೊ. ಮಾಥ್ಯೂ ಅವರು ಹೇಳಿಕೊಂಡಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
