ನವದೆಹಲಿ: ಹೆವ್ಲೆಟ್ ಪೆಕಾಡ್(ಎಚ್‌ಪಿ) ವಿಶ್ವದ ಅತ್ಯಂತ ತೆಳುವಾದ ಲ್ಯಾಪ್‌ಟಾಪ್‌ನ್ನು ಭಾರತದಲ್ಲಿ ಬಿಡುಗಡೆ ಮಾಡಿದೆ. 1,19,990 ಆರಂಭಿಕ ಬೆಲೆಯ ಈ ಲ್ಯಾಪ್‌ಟಾಪ್ ಜುಲೈ 25ರಿಂದ ಲಭ್ಯವಾಗಲಿದೆ.
ಎಚ್‌ಪಿ ಸಪೆಕ್ಟರ್ 10.4 mm (0.41 ಇಂಚ್) ದಪ್ಪವಿದ್ದು, ಇದು 12 mm (0.52 ಇಂಚ್)ನ ಮ್ಯಾಕ್‌ಬುಕ್‌ಗಿಂತಲೂ ತೆಳುವಾಗಿದೆ. ಇದರ ಕಾರ್ಬನ್ ಫೈಬರ್‌ನ ಕಾಪರ್ ಡಿಸೈನ್ ಹೆಚ್ಚಿನ ಆಕರ್ಷಣೆಯನ್ನು ನೀಡಿದೆ. 13.3 ಇಂಚ್ ಎಚ್‌ಡಿ ಸ್ಕ್ರೀನ್, ಗೋರಿಲ್ಲಾ ಗ್ಲಾಸ್‌ನ ಲ್ಯಾಪ್‌ಟಾಪ್, 8GB ಎಲ್‌ಡಿಡಿಆರ್3 ರ್‍ಯಾಮ್, 512 GB ಎಸ್‌ಎಸ್‌ಡಿ ಸ್ಟೋರೇಜ್ ಹೊಂದಿದೆ. ಇದು 6 gen ಇಂಟೆಲ್ ಕೋರ್‌ i5/i7 ಪ್ರೋಸೆಸರ್ ವಿಶೇಷತೆಯೊಂದಿಗೆ ವಿನ್ಯಾಸಗೊಳಿಸಲಾಗಿದೆ.
ಎಚ್‌ಪಿ ಸ್ಪೆಕ್ಟರ್ ಒಂದು ಬಾರಿ ಚಾರ್ಜ್ ಮಾಡಿದಲ್ಲಿ 9.45 ಗಂಟೆ ಕಾರ್ಯನಿರ್ವಹಿಸುವ ಹೈಬ್ರಿಡ್ ಬ್ಯಾಟರಿ, 3 ಯುಎಸ್‌ಬಿ ಪೋರ್ಟ್‌ಗಳನ್ನು ಹೊಂದಿದೆ. ಅಲ್ಲದೇ ಪ್ರತ್ಯೇಕ ಲೋಗೋ ಹೊಂದಿರುವ ಕಂಪೆನಿಯ ಮೊದಲ ಲ್ಯಾಪ್‌ಟಾಪ್ ಆಗಿದೆ.
ಎಚ್‌ಪಿ ಕಂಪೆನಿಯ ಇತರ ಲ್ಯಾಪ್‌ಟಾಪ್‌ಗಳೆಂದರೆ ಎಚ್‌ಪಿ ಎಲೈಟ್‌ಬುಕ್ ಫೋಲಿಯೋ, ಎಚ್‌ಪಿ ಎಲೈಟ್‌ಬುಕ್ ಫೋಲಿಯೋ 1040 G3, ಎಚ್‌ಪಿ ಎಲೈಟ್‌ಬುಕ್ 840 ಹಾಗೂ ಎಲೈಟ್‌ಬುಕ್ 800 G3 ಸಿರೀಸ್ ನೋಟ್‌ಬುಕ್.
1,28,000 ಬೆಲೆಯ ಎಲೈಟ್‌ಬುಕ್ ಫೋಲಿಯೋ ಅತ್ಯಂತ ತೆಳುವಾದ ಹಾಗೂ ಹಗುರವಾದ ಲ್ಯಾಪ್‌ಟಾಪ್ ಆಗಿದೆ. ಎಚ್‌ಪಿ ತನ್ನ 90,000 ಬೆಲೆಯ ಎಲೈಟ್‌ಬುಕ್ ಫೋಲಿಯೋ 1040 G3 ಹಾಗೂ 69,000 ಬೆಲೆಯ ಎಲೈಟ್‌ಬುಕ್ 800 G3 ಸಿರೀಸ್ ನೋಟ್‌ಬುಕ್ ಲ್ಯಾಪ್‌ಟಾಪ್‌ನ್ನು ಕೂಡ ಬಿಡುಗಡೆ ಮಾಡಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
