ನವದೆಹಲಿ: ಹೆಚ್ಚು ಹೆಚ್ಚು ಮಹಿಳಾ ಸಿಬ್ಬಂದಿಗಳನ್ನು ಪೊಲೀಸ್ ಇಲಾಖೆಗೆ ಸೇರಿಸಲು ಸರ್ಕಾರ ಕ್ರಮಗಳನ್ನೇನೋ ಕೈಗೊಳ್ಳುತ್ತಿದೆ. ಆದರೆ ಸದ್ಯ ಮಹಿಳಾ ಪೊಲೀಸರು ಎದುರಿಸುವ ಸಮಸ್ಯೆಗಳತ್ತ, ಅವರ ಸಂಕಷ್ಟಗಳತ್ತ ಸರ್ಕಾರ ಕಿಂಚಿತ್ತೂ ಗಮನವನ್ನು ನೀಡುತ್ತಿಲ್ಲ.
ಮಹಿಳಾ ಪೊಲೀಸರು ಖಾಸಗಿತನವಿಲ್ಲದೆ, ಟಾಯ್ಲೆಟ್ ಸೌಲಭ್ಯವಿಲ್ಲದೆ, ತಮಗೆ ಹೊಂದಾಣಿಕೆಯಾಗದ ಕೆಲವೊಂದು ಕಾರ್ಯಗಳಿಗೆ ಒಗ್ಗಿಕೊಳ್ಳಬೇಕಾದ ಅನಿವಾರ್ಯತೆಯಿಂದ ಒದ್ದಾಟ ನಡೆಸುತ್ತಿದ್ದಾರೆ ಎಂದು ಇತ್ತೀಚಿನ ಸಮೀಕ್ಷೆಯೊಂದು ತಿಳಿಸಿದೆ.
ಹೆಚ್ಚಿನ ಮಹಿಳಾ ಪೊಲೀಸರು ಕರ್ತವ್ಯದ ಹೆಚ್ಚು ಸಮಯವನ್ನು ಬಾಯಾರಿಕೆಯಿಂದಲೇ ಕಳೆಯುತ್ತಾರೆ. ನೀರು ಕುಡಿದರೆ ಟಾಯ್ಲೆಟ್‌ಗೆ ಹೋಗಬೇಕಾಗುತ್ತದೆ ಎಂಬ ಭಯ ಇವರದ್ದು. ಇವರು ನಿಯೋಜನೆಗೊಂಡಿರುವ ಹೆಚ್ಚಿನ ಕಡೆಗಳಲ್ಲಿ ಟಾಯ್ಲೆಟ್ ಸೌಲಭ್ಯಗಳೇ ಇರುವುದಿಲ್ಲ.
ಇನ್ನೊಂದು ಸಮಸ್ಯೆ ಎಂದರೆ ಇವರಿಗೆ ನೀಡಲಾಗಿರುವ ಬುಲೆಟ್ ಪ್ರೂಫ್ ಅಥವಾ ಬಾಡಿ ಪ್ರೊಟೆಕ್ಷನ್ ಕವಚಗಳು ಅತೀ ಬಿಗಿ ಮತ್ತು ಭಾರವಾಗಿರುತ್ತದೆ. ಇವುಗಳನ್ನು ತೊಟ್ಟರೆ ಉಸಿರಾಟಕ್ಕೂ ತೊಂದರೆ ಪಡಬೇಕಾದ ಸ್ಥಿತಿ ಮಹಿಳಾ ಪೊಲೀಸರದ್ದು. ಈ ಕವಚಗಳನ್ನು ಪುರುಷ ಸಿಬ್ಬಂದಿಗಳ ದೇಹಕ್ಕೆ ಅನುಗುಣವಾಗಿ ರಚಿಸಲಾಗಿರುತ್ತದೆಯೇ ಹೊರತು ಮಹಿಳೆಯರಿಗಾಗಿ ಅಲ್ಲ.
ಸಮೀಕ್ಷೆಯ ಈ ವರದಿಯನ್ನು 7ನೇ ರಾಷ್ಟ್ರೀಯ ಮಹಿಳಾ ಪೊಲೀಸ್ ಕಾನ್ಫರೆನ್ಸ್‌ನಲ್ಲಿ ಪ್ರಸ್ತುತಪಡಿಸಲಾಗಿದೆ.
ಇತ್ತೀಚಿಗೆ ಕೇಂದ್ರ ಕೇಂದ್ರೀಯ ಪಡೆಗಳಲ್ಲಿ ಶೇ.33ರಷ್ಟು ಮಹಿಳೆಯರನ್ನು ಮತ್ತು ಗಡಿ ಕಾವಲಿಗೆ ಶೇ.12ರಷ್ಟು ಮಹಿಳೆಯರನ್ನು ನಿಯೋಜಿಸುತ್ತೇವೆ ಎಂದು ಘೋಷಣೆ ಮಾಡಿದೆ. ಈ ಸಂದರ್ಭ ಸರ್ಕಾರ ಮಹಿಳೆಯರು ಎದುರಿಸಬಹುದಾದ ಸಮಸ್ಯೆಗಳತ್ತವೂ ಗಮನ ಹರಿಸುವುದು ಮುಖ್ಯ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
