ಪಾಟ್ನಾ: ವೆಲ್ಡರ್ ಮಗನಾಗಿ ಅತೀ ಬಡ ಕುಟುಂಬದಿಂದ ಬಂದು ಐಐಟಿ ಖರಗ್‌ಪುರ್‌ದಲ್ಲಿ ಬಿಟೆಕ್ ಅಂತಿಮ ವರ್ಷ ವ್ಯಾಸಂಗ ಮಾಡುತ್ತಿರುವ 21 ವರ್ಷದ ವಾತ್ಸಲ್ಯ ಸಿಂಗ್ ಚೌಹ್ಹಾಣ್ ಇದೀಗ ವರ್ಷಕ್ಕೆ 1.02 ಕೋಟಿ ಸಂಪಾದಿಸುವ ಉದ್ಯೋಗವನ್ನು ತನ್ನದಾಗಿಸಿಕೊಂಡಿದ್ದಾನೆ.
ಬಿಹಾರದ ಹಿಂದಿ ಮಾಧ್ಯಮ ಶಾಲೆಯಲ್ಲಿ ಕಲಿತ ಈತನಿಗೆ ಈಗ ಇಂಟರ್ನೆಟ್ ದೈತ್ಯ ಅಮೆರಿಕಾ ಮೂಲದ ಮೈಕ್ರೋಸಾಫ್ಟ್ ಜಾಬ್ ಆಫರ್ ನೀಡಿದೆ.
ವಾತ್ಸಲ್ಯ ಸಂಹೌಲಿ ಗ್ರಾಮದ ಹುಡುಗ. ಈತನ ತಂದೆ ವೆಲ್ಡರ್ ಆಗಿ ಕೆಲಸ ಮಾಡುತ್ತಿದ್ದಾರೆ. 6 ಸಹೋದರ ಸಹೋದರಿಯರನ್ನು ಈತ ವಿದ್ಯಾಭ್ಯಾಸ ಮಾಡಿದ್ದೇ ದೊಡ್ಡ ಸಾಹಸ.
12 ತರಗತಿಯಲ್ಲಿ ಶೇ.75ರಷ್ಟು ಅಂಕ ಪಡೆದ ಈತ, ಕೋಟಾ ಮೂಲಕ ಐಐಟಿ ಪ್ರವೇಶಕ್ಕೆ ಪ್ರಯತ್ನಿಸಿದ. ಅಲ್ಲೆನ್ ಕರಿಯರ್ ಕೋಚಿಂಗ್ ಇನ್‌ಸ್ಟಿಟ್ಯೂಟ್‌ನಿಂದ ತರಬೇತಿ ಪಡೆದು ಎಂಟ್ರೆನ್ಸ್ ಎಕ್ಸಾಂನಲ್ಲಿ 382ನೇ ರ್‍ಯಾಂಕ್ ಪಡೆದು ಐಐಟಿ ಖರಗ್‌ಪುರ ಪ್ರವೇಶಿಸಿದ.
ಕಳೆದ ಡಿಸೆಂಬರ್‌ನಲ್ಲಿ ಮೈಕ್ರೋಸಾಫ್ಟ್ ಈತನಿಗೆ 1.02 ಕೋಟಿ ವೇತನದ ಜಾಬ್ ಆಫರ್ ನೀಡಿದೆ. ಜೂನ್‌ನಲ್ಲಿ ಅಂತಿಮ ವರ್ಷ ಪೂರೈಸಿ ಈತ ಮೈಕ್ರೋಸಾಫ್ಟ್ ಸೇರಲಿದ್ದಾನೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
