ಶೇಷವನ-ಪಾರಕಟ್ಟ ಪ್ರಾದೇಶಿಕ ಸಮಿತಿ ರಚನೆ

ಬಾದಾರ : ಕಾಸರಗೋಡಿನ ಕೂಡ್ಲು ಸಮೀಪದ ಬಾದಾರದ ಶೇಷವನದಲ್ಲಿ ಸುಮಾರು ಏಳು ಶತಮಾನಗಳಷ್ಟು ಪುರಾತನವಾಗಿದ್ದು ಸಂಪೂರ್ಣ ನಾಮಾವಶೇಷವಾಗಿದ್ದ ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನ ಪುನ: ನಿರ್ಮಾಣ ಗೊಳ್ಳುತ್ತಿದ್ದು ಕ್ಷೇತ್ರದ ಕೆಲಸಕಾರ್ಯಗಳು ಅಂತಿಮ ಹಂತವನ್ನು ತಲುಪಿದೆ. ಶ್ರೀ ದೇವರ ಪ್ರತಿಷ್ಠೆ-ಬ್ರಹ್ಮಕಲಶೋತ್ಸವವು 2016 ಮೇ 3 ರಿಂದ 11 ರವರೆಗೆ ನಡೆಯಲಿದೆ.

ಈ ಬೃಹತ್ ಸಮಾರಂಭದಲ್ಲಿ ಊರಪರವೂರ ಎಲ್ಲ ಭಕ್ತರನ್ನು ಸಕ್ರಿಯವಾಗಿ ಭಾಗವಹಿಸುವ ಉದ್ದೇಶದಿಂದ ದೇವಸ್ಥಾನ, ಮಂದಿರ, ಸಂಘ ಸಂಸ್ಥೆಗಳನ್ನು ಕೇಂದ್ರೀಕರಿಸಿ ಪ್ರಾದೇಶಿಕ ಸಮಿತಿಗಳನ್ನು ರಚಿಸಲು ತೀರ್ಮಾನಿಸಲಾಗಿದೆ, ಆ ನಿಟ್ಟಿನಲ್ಲಿ ಕೂಡ್ಲಿನ ಸಮೀಪದ ಪಾರಕಟ್ಟ ಮಡಪುರ ಮುತ್ತಪ್ಪ ದೇವಸ್ಥಾನ ಕೇಂದ್ರೀಕರಿಸಿ ಶೇಷವನಪಾರಕಟ್ಟ ಮಡಪುರ ಮುತ್ತಪ್ಪ ಪ್ರಾದೇಶಿಕ ಸಮಿತಿಯನ್ನು ರಚಿಸಲಾಯಿತು.

ಪ್ರಾದೇಶಿಕ ಸಮಿತಿಯ ಅಧ್ಯಕ್ಷರಾಗಿ ಪಾರಕಟ್ಟ ಮಡಪುರ ಮುತ್ತಪ್ಪ ದೇವಸ್ಥಾನದ ಅಧ್ಯಕ್ಷರಾದ ರಘುವೀರ ಶೆಟ್ಟಿ, ಪ್ರಧಾನ ಸಂಚಾಲಕರಾಗಿ ಜಯೇಶ್ ಪಾರಕಟ್ಟ, , ಸಹ ಸಂಚಾಲಕರಾಗಿ ಪ್ರವೀಣ್ ಪಾರಕಟ್ಟ, ನಿರಂಜನ.ಕೆ.ಜೆ, ಕೇಶವ ಪಾರಕಟ್ಟ, ಮೋಹನ ಮೇಸ್ತ್ರಿ, ವಿನೋದ್ ಆರ್ ಶೆಟ್ಟಿ, ಶಶಿಕಾಂತ ಕೆ.ಜೆ, ರವಿ ಮೇಸ್ತ್ರಿ, ನವೀನ್ ಟೈಲರ್, ನಿತಿನ್ ರಾಜ್, ಅನಂತರಾಜ್, ನಳಿನಿ ಇವರನ್ನು ಆಯ್ಕೆ ಮಾಡಲಾಯಿತು. ಸಭೆಯ ಅಧ್ಯಕ್ಷತೆಯನ್ನು ಪಾರಕಟ್ಟ ಮಡಪುರ ಮುತ್ತಪ್ಪ ದೇವಸ್ಥಾನದ ಅಧ್ಯಕ್ಷರಾದ ರಘುವೀರ ಶೆಟ್ಟಿ ವಹಿಸಿದರು.

ಶೇಷವನ ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ದೇವಸ್ಥಾನ ಟ್ರಸ್ಟ್ ಸುಧೀರ್ ಕುಮಾರ್ ಬೀರಂತ್‌ಬೈಲು, ಮಡಪುರ ಮುತ್ತಪ್ಪ ದೇವಸ್ಥಾನದ ಕೋಶಾದಿಕಾರಿ ನಿತಿನ್ ರಾಜ್ ಉಪಸ್ಥಿತರಿದ್ದರು. ಶೇಷವನ ಪ್ರಾದೇಶಿಕ ಉಪಸಮಿತಿಯ ಸಂಚಾಲಕ ಕಿರಣ್‌ಪ್ರಸಾದ್ ಕೂಡ್ಲು ಪ್ರಾಸ್ಥಾವಿಕವಾಗಿ ಮಾತನಾಡಿದರು.ಪಾರಕಟ್ಟ ಮಡಪುರ ಮುತ್ತಪ್ಪ ದೇವಸ್ಥಾನದ ಕಾರ್ಯದರ್ಶಿ ಪ್ರವೀಣ್ ಪಾರಕಟ್ಟ ಸ್ವಾಗತಿಸಿ, ಶೇಷವನ ಪ್ರಾದೇಶಿಕ ಉಪಸಮಿತಿಯ ಸಹಸಂಚಾಲಕ ವೇಣುಗೋಪಾಲ ಮಾಸ್ತರ್ ವಂದಿಸಿದರು.