ನವದೆಹಲಿ: ಪ್ರೋ ವ್ರೆಸ್ಲಿಂಗ್ ಲೀಗ್‌ನಲ್ಲಿ ಸ್ಪರ್ಧಿಸಲಿರುವ JSW ಗ್ರೂಪ್ ಮಾಲೀಕತ್ವದ ಬೆಂಗಳೂರು ಯೋಧಾಸ್ ತಂಡದ ಸಹ ಮಾಲೀಕರನ್ನಾಗಿ ಭಾರತ ಟೆಸ್ಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರನ್ನು ಘೋಷಿಸಲಾಗಿದೆ.
ದೆಹಲಿಯ ಕೆ.ಡಿ. ಜಾಧವ್ ಕ್ರೀಡಾಂಗಣದಲ್ಲಿ ಡಿ.10ರಂದು ಉದ್ಘಾಟನೆಗೊಂಡಿರುವ ಪ್ರೋ ವ್ರೆಸ್ಲಿಂಗ್ ಲೀಗ್‌ನಲ್ಲಿ ನಗರದ ಆರು ಫ್ರಾಂಚೈಸಿಗಳು ಪರಸ್ಪರ ಕಣಕ್ಕಿಳಿಯಲಿವೆ. ವಿರಾಟ್ ಕೊಹ್ಲಿ ಅವರ ಬೆಂಗಳೂರು ಯೋಧಾಸ್ ತಂಡವು ರೋಹಿತ್ ಶರ್ಮಾ ಅವರ ಯು.ಪಿ. ವಾರಿಯರ್‍ಸ್ ವಿರುದ್ಧ ಮೊದಲ ಪಂದ್ಯದಲ್ಲಿ ಸೆಣಸಾಡಲಿವೆ.
ವಿರಾಟ್ ಕೊಹ್ಲಿ ಭಾರತೀಯ ಕ್ರಿಕೆಟ್‌ನಲ್ಲಿ ಹೆಸರುವಾಸಿಯಾಗಿದ್ದು, ಬೆಂಗಳೂರಿನಾದ್ಯಂತ ಅಚ್ಚುಮೆಚ್ಚಿನ ಕ್ರೀಡಾಪಟುಗಳಲ್ಲಿ ಒಬ್ಬರಾಗಿದ್ದಾರೆ. ವಿರಾಟ್ ಕೊಹ್ಲಿ ಅವರ ಕ್ರೀಡಾಸ್ಫೂರ್ತಿ ಯೋಧಾಸ್ ತಂಡಕ್ಕೆ ಹೆಚ್ಚಿನ ಸ್ಫೂರ್ತಿ ನೀಡಲಿದೆ. ಅವರನ್ನು ಯೋಧಾಸ್ ತಂಡದ ಸಹ ಮಾಲೀಕರನ್ನಾಗಿ ನೇಮಿಸಿರುವುದು ಸಂತಸ ತಂದಿದೆ ಎಂದು ಯೋಧಾಸ್ ತಂಡದ ನಿರ್ದೇಶಕ ಪಾರ್ಥ ಜಿಂದಾಲ್ ಹೇಳೀದ್ದಾರೆ.
2015ನೇ ವಿಶ್ವ ಕುಸ್ತಿ ಚಾಂಪಿಯನ್‌ಶಿಪ್‌ನ ಭಾರತದ ಏಕೈಕ ಪದಕ ವಿಜೇತ 74 ಕೆ.ಜಿ. ಕುಸ್ತಿಪಟು ನರಸಿಂಗ್ ಯಾದವ್ ಬೆಂಗಳೂರು ತಂಡದ ನೇತೃತ್ವ ವಹಿಸಲಿದ್ದಾರೆ. ಇವರ ತಂಡದಲ್ಲಿ ಸಂದೀಪ್ ತೊಮರ್, ಬಜ್ರಂಗ್ ಪೂನಿಯ, ಉಕ್ರೇನ್‌ನ ಪಾವ್ಲೊ ಒಲಿನಿಕ್, ಹಾಗೂ ಜೋರ್ಜಿಯಾದ ಡೇವಿಟ್ ಮೋಜ್‌ಮಾನಶ್ವಿಲಿ ಆಡಲಿದ್ದಾರೆ.
ಮಹಿಳಾ ತಂಡದಲ್ಲಿ ಐದು ಬಾರಿಯ ಪದಕ ವಿಜೇತೆ ಅಜರ್‌ಬೈಜಾನ್‌ನ ಯೂಲಿಯ ರತ್ಕೆವಿಶ್, ಅಮೇರಿಕದ ಅಲಿಸ್ಸಾ ಲ್ಯಾಂಪ್, ಭಾರತದ ಲಲಿತಾ ಶೆರಾವತ್ ಹಾಗೂ ನವಜೋತ್ ಕೌರ್ ಭಾಗವಹಿಸಲಿದ್ದಾರೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
