ನವದೆಹಲಿ: ಭಾರತದ ಮೇಕ್ ಇನ್ ಇಂಡಿಯಾ ಯೋಜನೆ ದೆಹಲಿಯ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ) ವಿದ್ಯಾರ್ಥಿಗಳ ಮೇಲೆ ಉತ್ತಮ ಪ್ರಭಾವ ಬೀರಿದಂತೆ ಕಂಡು ಬರುತ್ತಿದೆ. ಸಾಗರೋತ್ತರವಾಗಿ ವಾರ್ಷಿಕ 1 ಕೋಟಿಗೂ ಅಧಿಕ ಸಂಬಳ ಪಡೆಯಬಹುದಾಗಿದ್ದ 4 ಐಐಟಿ ವಿದ್ಯಾರ್ಥಿಗಳು ಈ ನೌಕರಿಯ ಅವಕಾಶವನ್ನು ತಿರಸ್ಕರಿಸಿ ಸ್ಥಳೀಯ ಉದ್ಯೋಗವನ್ನು ಆರಿಸಲು ಮುಂದಾಗಿದ್ದಾರೆ. ಈ ವಿದ್ಯಾರ್ಥಿಗಳು ೮ಕ್ಕೂ ಅಧಿಕ ಅಂತಾರಾಷ್ಟ್ರೀಯ ಕಂಪೆನಿಗಳಲ್ಲಿ ದುಡಿಯುವ ಅವಕಾಶ ಪಡೆದಿದ್ದರು ಎನ್ನಲಾಗಿದೆ.
ವಿವಿಧ ಕಂಪೆನಿಗಳು ಪ್ರತಿ ವರ್ಷ ಐಐಟಿಗಳಿಗೆ ಬರುತ್ತಿದ್ದು, ಉದ್ಯೋಗ ಆಫರ್‌ಗಳನ್ನು ನೀಡುತ್ತವೆ. ಇದರಲ್ಲಿ ಗೂಗಲ್, ವೀಸಾ, ಒರಾಕಲ್ ಮತ್ತು ಮೈಕ್ರಾಸಾಫ್ಟ್ ಕಂಪೆನಿಗಳೂ ಸೇರಿವೆ. ಆದರೆ ಈ ವಿದ್ಯಾರ್ಥಿಗಳು ದೇಶಿಯ ಉದ್ಯೋಗಗಳನ್ನು ಆಯ್ದುಕೊಂಡಿದ್ದಾರೆ.
ಸಾಗರೋತ್ತರ ಕಂಪೆನಿಗಳನ್ನು ಹೋಲಿಸಿದರೆ ದೇಶೀಯ ಕಂಪೆನಿಗಳು ಒಂದನೇ ಐದರಷ್ಟು ಸಂಬಳ ಮಾತ್ರ ನೀಡುತ್ತವೆ. ಹಣಕಾಸು, ತಂತ್ರಜ್ಞಾನ, ಇ-ಕಾಮರ್ಸ್ ಕಂಪೆನಿಗಳು ಬಹುತೇಕ ಕ್ಯಾಂಪಸ್‌ಗಳಿಗೆ ಸಂಪರ್ಕಿಸುತ್ತಿವೆ. ನರೇಂದ್ರ ಮೋದಿ ಸರ್ಕಾರವು ಶೈಕ್ಷಣಿಕ ಸಂಸ್ಥೆಗಳು, ಅಕಾಡೆಮಿಗಳು, ಇನ್ನಿತರ ಉದ್ದಿಮೆಗಳಿಗೆ ಮೇಕ್ ಇನ್ ಇಂಡಿಯಾದ ಮೂಲಕ ಸ್ವದೇಶಿ ಉತ್ಪಾದನೆ ಮೂಲಕ ಉದ್ಯೋಗ ಸೃಷ್ಟಿ, ಹೆಚ್ಚಿನ ಬೆಳವಣಿಗೆಗೆ ಉತ್ತೇಜಿಸುತ್ತಿದೆ. ಈ ಯೋಜನೆ ದೆಹಲಿಯ ಐಐಟಿಗಳಲ್ಲಿ ಬದಲಾವಣೆ ತಂದಿದೆ.
News13
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
