ಕಂದ್ರಪ್ಪಾಡಿಯಲ್ಲಿ ಕೆಸರುಗದ್ದೆ ಗ್ರಾಮೀಣ ಕ್ರೀಡಾಕೂಟ

ಸುಬ್ರಹ್ಮಣ್ಯ : ಕೆಸರಿನ ಗದ್ದೆಯಲ್ಲಿ ಕುಣಿದಾಟ, ಜನರಿಂದ ಸಂಭ್ರಮ. ವಿವಿಧ ಕ್ರೀಡಾಕೂಟ ಇಡೀ ಗದ್ದೆಯಲ್ಲೇ ಕಳೆದ ಜನ . . ಇದೆಲ್ಲಾ ಕಂಡುಬಂದದ್ದು ಶನಿವಾರ ಸುಳ್ಯ ತಾಲೂಕಿನ ಕಂದ್ರಪ್ಪಾಡಿಯಲ್ಲಿ.

ಕಂದ್ರಪ್ಪಾಡಿಯಲ್ಲಿ ಶನಿವಾರ ದೇವಚಳ್ಳ ಯುವಕ ಮಂಡಲ ಆಶ್ರಯದಲ್ಲಿ ಯುವಸಬಲೀಕರಣ ಮತ್ತು ಕ್ರೀಡಾ ಇಲಾಖೆ ಹಾಗೂ ಜಿಪಂ, ತಾಪಂ ಮತ್ತು ದೇವಚಳ್ಳ ಗ್ರಾಮ ಪಂಚಾಯತ್ ಸಹಕಾರದೊಂದಿಗೆ ದೀಪಾವಳಿ ಪ್ರಯುಕ್ತ ಗ್ರಾಮೀಣ ಕ್ರೀಡಾಕೂಟ ನಡೆಯಿತು.ಕಾರ್ಯಕ್ರಮವನ್ನು ಜಿಪಂ ಅಧ್ಯಕ್ಷೆ ಆಶಾ ತಿಮ್ಮಪ್ಪ ಉದ್ಘಾಟಿಸಿ, ಗ್ರಾಮೀಣ ಕ್ರೀಡಾಕೂಟದಲ್ಲಿ ಸಾಕಷ್ಟ ಸಂದೇಶಗಳು ಇವೆ. ಕೆಸರುಗದ್ದೆಯಂತಹ ಆಟಗಳು ಜನರಿಗೆ ಮಣ್ಣಿ ಸಂಬಂಧವನ್ನು ಮತ್ತಷ್ಟು ಗಟ್ಟಿಗೊಳಿಸುತ್ತದೆ, ಇಂದಿನ ಯುವ ಪೀಳಿಗೆಗೆ ಇಂತಹ ಕಾರ್ಯಕ್ರಮಗಳ ಅಗತ್ಯವಿದೆ ಎಂದರು.

ಸಭಾಧ್ಯಕ್ಷತೆ ವಹಿಸಿದ್ದ ಶಾಸಕ ಎಸ್.ಅಂಗಾರ, ದೀಪಾವಳಿಯು ಬೆಳಕಿನ ಹಬ್ಬ ಅದರ ಜೊತೆಗ ಗದ್ದೆಯಲ್ಲಿ ಆಡುವ ಇಂತಹ ಕೂಟಗಳೂ ಅಗತ್ಯವಾಗಿದೆ ಎಂದರು.ಈ ಸಂದರ್ಭ ದೇವಚಳ್ಳ ಗ್ರಾಪಂ ಅಧ್ಯಕ್ಷ ದಿವಾಕರ ಮುಂಡೋಡಿ, ಸುಳ್ಯ ಅಮೆಚೂರ್ ಕಬಡ್ಡಿ ಅಸೋಸಿಯೇಶನ್ ಗೌರವಾಧ್ಯಕ್ಷ ನಿತ್ಯಾನಂದ ಮುಂಡೋಡಿ,ಯುವಜನ ಸಂಯುಕ್ತ ಮಂಡಳಿ ಅಧ್ಯಕ್ಷ ದೀಪಕ್ ಕುತ್ತಮೊಟ್ಟೆ,ಜಿಪಂ ಮಾಜಿ ಸದಸ್ಯ ಭರತ್ ಮುಂಡೋಡಿ, ಕಂದ್ರಪ್ಪಾಡಿ ರಾಜ್ಯದೈವ ಮತ್ತು ಪುರುಷ ದೈವಸ್ಥಾನದ ಆಡಳಿತ ಮೊಕ್ತೇಸರ ಕಾಳಿಕಾ ಪ್ರಸಾದ್ ಮುಂಡೋಡಿ, ಯುವಸಬಲೀಕರಣ ಕ್ರೀಡಾಧಿಕಾರಿ ದೇವರಾಜ್ ಮುತ್ಲಾಜೆ,ಯುವಕ ಮಂಡಲ ಕಾರ್ಯದರ್ಶಿ ಓಂಪ್ರಕಾಶ್ ಮುಂಡೋಡಿ ಉಪಸ್ಥಿತರಿದ್ದರು.

ದೇವಚಳ್ಳ ಯುವಕ ಮಂಡಲ ಅಧ್ಯಕ್ಷ ವಿನಯ್ ಮುಳುಗಾಡು ಪ್ರಸ್ತಾವನೆಗೈದು ಸ್ವಾಗತಿಸಿದರು.ರಾಕೇಶ್ ಪೆರಿಯಡ್ಕ ವಂದಿಸಿದರು.ಪುನೀತ್ ಹಿರಿಯಡ್ಕ ಕಾರ್ಯಕ್ರಮ ನಿರೂಪಿಸಿದರು.ಸಭಾ ಕಾರ್ಯಕ್ರಮದ ಬಳಿಕ ಕೆಸರುಗದ್ದೆ ಕ್ರೀಡಾಕೂಟ ನಡೆಯಿತು.ಕಂದ್ರಪ್ಪಾಡಿ ದೈವಸ್ಥಾನಕ್ಕೆ ಸಂಬಂಧಿಸಿದ ಗದ್ದೆಯಲ್ಲಿ ನಡೆದ ಈ ಕ್ರೀಡಾಕೂಟದಲ್ಲಿ ೩ ಗದ್ದೆ ಸಿದ್ದವಾಗಿತ್ತು. ಉದ್ರಾಂಡಿ ದೈವದ ಗದ್ದೆ, ಪಂಜುರ್ಲಿ ದೈವದ ಗದ್ದೆ, ಪುರುಷ ದೈವ, ರಾಜ್ಯದೈವ ಗದ್ದೆಯಲ್ಲಿ ಕ್ರೀಡಾಕೂಟ ನಡೆಯಿತು.2 ಅಂಕಣದಲ್ಲಿ ವಾಲಿಬಾಲ್ ನಡೆಯಿತು.ಸುರೇಶ್ ನೆಲ್ಯಾಡಿ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು.

ಪ್ರಾಥಮಿಕ ಶಾಲಾ ಮಕ್ಕಳಿಗೆ ಕೆಸರುಗದ್ದೆ ಓಟ,ಪ್ರೌಢಶಾಲಾ ಮಕ್ಕಳಿಗೆ ಕೆಸರುಗದ್ದೆ ಓಟ,ಕೆಸರುಗದ್ದೆ ರಿಲೇ,40 ರಿಂದ 50 ವಯೋಮಾನದ ಪುರುಷರಿಗೆ ಕೆಸರುಗದ್ದೆ ಓಟ,ಮಹಿಳೆಯರಿಗೆ ಓಟ,50 ವರ್ಷ ಮೇಲ್ಪಟ್ಟ ಪರುಷರಿಗೆ, ಮಹಿಳೆಯರಿಗೆ ಕೆಸರುಗದ್ದೆ ಓಟ ಆಯೋಜನೆಯಾಗಿತ್ತು.ಬಳಿಕ ಕೆಸರುಗದ್ದೆ ವಾಲಿಬಾಲ್, ಹಗ್ಗಜಗ್ಗಾಟ, ನೇಜು ಹಾಡು ಹೀಗೆ ವಿವಿಧ ಸ್ಫರ್ಧೆಗಳು ನಡೆದವು .

ಊರಿನ ಹಾಗೂ ಪರವೂರಿನ ಅನೇಕ ಮಂದಿ ವಿವಿಧ ಸ್ಫರ್ಧೆಗಳಲ್ಲಿ ಭಾಗವಹಿಸಿದರು.ಇಡೀ ದಿನ ಮಣ್ಣಿನ ಆಟದ ಮೂಲಕ ಗ್ರಾಮೀಣ ಜನ ಸಂಭ್ರಮಿಸಿದರು.