ಶಾರದಾ ಕಾಲೇಜಿನಲ್ಲಿ ಅಷ್ಟಾವಧಾನ ಕಾರ್ಯಕ್ರಮ

ಮಂಗಳೂರು : ನಗರದ ಶಾರದಾ ಪದವಿ ಪೂರ್ವ ಕಾಲೇಜಿನ ಕನ್ನಡ ವಿಭಾಗದ ಆಶ್ರಯದಲ್ಲಿ ‘ಕನ್ನಡ ಅಷ್ಟಾವಧಾನ’ ಕಾರ್ಯಕ್ರಮವು ಕಾಲೇಜಿನ ಸಭಾಂಗಣದಲ್ಲಿ ನಡೆಯಿತು. ನಾಡಿನ ತೃತೀಯ ಅಷ್ಟಾವಧಾನಿಗಳಾದ ಡಾ| ಕಬ್ಬಿನಾಲೆ ಬಾಲಕೃಷ್ಣ ಭಾರದ್ವಾಜ್ ಅವರು ಈ ಅಪೂರ್ವ ಕಾರ್ಯಕ್ರಮವನ್ನು ನಡೆಸಿಕೊಟ್ಟರು.

ವಿವಿಧ ವಿಷಯಗಳ ಪೃಚ್ಚಕ ವಿದ್ವಾಂಸರಾಗಿ ಡಾ| ಸತ್ಯನಾರಾಯಣ ಮಲ್ಲಿಪಟ್ಟಣ (ನಿಷೇಧಾಕ್ಷರಿ), ಶ್ರೀಮತಿ ಮಂಜುಳಾ ಶೆಟ್ಟಿ. (ಗುಣಿತಾಕ್ಷರಿ) ಶ್ರೀಮತಿ ಯಶೋದಾ (ಕಾವ್ಯವಾಚನ) ಶ್ರೀಮತಿ ಅನುಪಮ ಜಿ.ಕೆ (ಗುಣಿತಾಂಕ) ಕುಮಾರಿ ದಿಶಾ ಶೆಟ್ಟಿ (ಯಕ್ಷಗಾನ), ಶ್ರೀಮತಿ ಸುಜಾತಾ ಎಂ.ಎ (ಚಿತ್ರಪ್ರಶ್ನೆ) ಕುಮಾರಿ ಅನುರಾಧಾ (ಆಶುಕವಿತೆ), ಶ್ರೀ ಮುನಿರಾಜ ರೆಂಜಾಳ (ಅಪ್ರಸ್ತುತ ಪ್ರಸಂಗ) ಇವರು ಭಾಗವಹಿಸಿದ್ದರು.

ಈ ಸಂದರ್ಭದಲ್ಲಿ ಮತನಾಡಿದ ಶಾರದಾ ಪದವಿ ಪೂರ್ವ ಕಾಲೇಜಿನ ಪ್ರಾಂಶುಪಾಲರಾದ ಡಾ| ಡಿ.ಶ್ರೀಪತಿ ರಾವ್ ಅವರು ‘ಮನುಷ್ಯನ ಮನಸ್ಸಿನ ಏಕಾಗ್ರತೆಯ ಶಕ್ತಿ ಮತ್ತು ಬೌದ್ಧಿಕ ಸಾಮರ್ಥ್ಯದ ವಿವಿಧ ಮಜಲುಗಳನ್ನು ಪರಿಚಯಿಸುವ ಅದ್ಭುತ ಕಲೆ ಅಷ್ಟಾವಧಾನ ಎಂದರು.

ಕಾರ್ಯಕ್ರಮದಲ್ಲಿ ಶಾರದಾ ಶಿಕ್ಷಣ ಸಂಸ್ಥೆಗಳ ಟ್ರಸ್ಟಿಗಳಾದ ಶ್ರೀ ಪ್ರದೀಪ್ ಕುಮಾರ್ ಕಲ್ಕೂರ, ಶಾರದಾ ಶಿಕ್ಷಣ ಸಂಸ್ಥೆಗಳ ಸಲಹೆಗಾರರಾದ ಡಾ| ಲೀಲಾ ಉಪಾಧ್ಯಾಯ, ಶಾರದಾ ಪ.ಪೂ. ಕಾಲೇಜಿನ ಉಪಪ್ರಾಂಶುಪಾಲರಾದ ಮಹಾಬಲೇಶ್ವರ ಭಟ್ ಮೊದಲಾದವರು ಉಪಸ್ಥಿತರಿದ್ದರು.

ಕಾರ್ಯಕ್ರಮದ ಮೊದಲಿಗೆ ಕನ್ನಡ ವಿಭಾಗದ ಮುಖ್ಯಸ್ಥರಾದ ಸತ್ಯಮೂರ್ತಿ ಮಂಗಲ್ಪಾಡಿ ಅವರು ಸ್ವಾಗತಿಸಿ ಕೊನೆಯಲ್ಲಿ ಕನ್ನಡ ಉಪನ್ಯಾಸಕಿ ಶ್ರೀಮತಿ ಯಶೋದಾ ವಂದಿಸಿದರು.