ನವದೆಹಲಿ: 2015 ರಲ್ಲಿ ಬಾಲಿವುಡ್ ಸಿನಿಮಾ ರಂಗದಲ್ಲಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದ ವಿಕಿ ಕೌಶಲ್, ಒಂದು ದಶಕದಲ್ಲಿ ಬಹಳಷ್ಟು ದೂರ ಸಾಗಿ ಬಂದಿದ್ದಾರೆ. ಇದೀಗ ಅವರ ವೃತ್ತಿ ಜೀವನಕ್ಕೆ ಛಾವಾ ಸಿನಿಮಾ ಹೊಸ ಮೈಲಿಗಲ್ಲು ನೀಡಿದೆ. ಫೆಬ್ರವರಿ 14 ರಂದು ಬಿಡುಗಡೆಯಾದ ‘ಛಾವಾ’ ಮೊದಲ ವಾರದಲ್ಲೇ ರೂ.116.5 ಕೋಟಿ ಗಳಿಸಿದೆ.
ಲಕ್ಷ್ಮಣ್ ಉಟೇಕರ್ ನಿರ್ದೇಶನದ ಈ ಚಿತ್ರದಲ್ಲಿ ವಿಕಿ ಕೌಶಲ್ ಛತ್ರಪತಿ ಸಂಭಾಜಿ ಮಹಾರಾಜ್ ಪಾತ್ರದಲ್ಲಿ ಕಾಣಿಸಿಕೊಂಡರೆ, ರಶ್ಮಿಕಾ ಮಂದಣ್ಣ ಛತ್ರಪತಿ ಸಂಭಾಜಿ ಮಹಾರಾಜ್ ಅವರ ಪತ್ನಿ ಯೇಸುಬಾಯಿ ಪಾತ್ರದಲ್ಲಿದ್ದಾರೆ. ಪುಸ್ತಕವನ್ನು ಆಧರಿಸಿದ ಛಾವಾ ಭಾರತದ ಶ್ರೇಷ್ಠ ಯೋಧರಲ್ಲಿ ಒಬ್ಬರಾದ ಛತ್ರಪತಿ ಸಂಭಾಜಿ ಮಹಾರಾಜ್ ಅವರ ಕಥೆಯಾಗಿದೆ. ಇದು ಅವರ ಇಡೀ ಜೀವನ ಕಥೆಯನ್ನು ವಿವರವಾಗಿ ಹೇಳುವುದಿಲ್ಲ, ಆದರೆ ಪ್ರಮುಖ ಕ್ಷಣಗಳನ್ನು ಸೆರೆಹಿಡಿದಿದೆ ಮತ್ತು ವಿಶೇಷವಾಗಿ ‘ಸ್ವರಾಜ್ಯ’ದ ನಿಜವಾದ ಸೈನಿಕನಾಗಿ ಸಂಭಾಜಿ ದೃಢವಾಗಿ ನಿಂತ ಭಾಗಗಳನ್ನು ತೋರಿಸುತ್ತದೆ.
ಸಕ್ನಿಲ್ಕ್ ವರದಿಯ ಪ್ರಕಾರ, ಶುಕ್ರವಾರ ರೂ.31 ಕೋಟಿ ಗಳಿಕೆಯೊಂದಿಗೆ 2025 ರ ಅತಿದೊಡ್ಡ ಓಪನಿಂಗ್‌ ಕಂಡ ಚಿತ್ರವಾಗಿ ಇದು ಹೊರಹೊಮ್ಮಿದೆ, ಶನಿವಾರ ರೂ.37 ಕೋಟಿ ವ್ಯವಹಾರವನ್ನು ಮಾಡಿದೆ, ಅಂದರೆ ಇದು ಶೇ.19.35 ರಷ್ಟು ಜಿಗಿತ ಕಂಡಿದೆ. ನಂತರ ಭಾನುವಾರ, ಚಿತ್ರವು ಶೇಕಡಾ 30 ಕ್ಕಿಂತ ಹೆಚ್ಚು ಏರಿಕೆ ಕಂಡಿತು. ಈ ಮೂಲಕ ರೂ.100 ಕೋಟಿ ಸಂಗ್ರಹಿಸಿದೆ. 3ನೇ ದಿನದಂದು 48.5 ಕೋಟಿ ರೂ. ಗಳಿಸಿದ್ದು, ಮೂರು ದಿನಗಳ ಥಿಯೇಟ್ರಿಕಲ್ ಬಿಡುಗಡೆಯ ನಂತರ ಒಟ್ಟು ಗಳಿಕೆ ರೂ. 116.5 ಕೋಟಿಗಳಿಗೆ ತಲುಪಿದೆ.
ಫೆಬ್ರವರಿ 15 ರಂದು ಆಕ್ಯುಪೆನ್ಸಿ ದರ 50.39% ಮತ್ತು ಫೆಬ್ರವರಿ 16 ರಂದು 62.48% ಆಗಿತ್ತು.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
