ನವದೆಹಲಿ: 2025 ರ ಮಹಾ ಕುಂಭದಲ್ಲಿ 300 ನೈರ್ಮಲ್ಯ ಕಾರ್ಮಿಕರು ಏಕ ಬಾರಿಗೆ ಸಂಘಟಿತವಾಗಿ ಗಂಗಾ ನದಿ ಶುಚಿಗೊಳಿಸುವ ಕಾಯಕವನ್ನು ಮಾಡಿದ್ದು, ಇದಕ್ಕಾಗಿ ಗಿನ್ನೆಸ್ ವಿಶ್ವ ದಾಖಲೆಯ ಪುಟ ಸೇರಿದ್ದಾರೆ.
ಮಹಾ ಕುಂಭಮೇಳದ ಸಮಯದಲ್ಲಿ ಗಂಗಾ ನದಿಯ ಹಲವು ವಲಯಗಳಲ್ಲಿ ಈ ಐತಿಹಾಸಿಕ ಸಾಧನೆ ಸಂಭವಿಸಿದೆ.
ಮಹಾ ಕುಂಭಮೇಳದ ಸಿಇಒ ಆಕಾಂಕ್ಷಾ ರಾಣಾ ಅವರ ಪ್ರಕಾರ, 300 ಕಾರ್ಮಿಕರನ್ನು ಒಳಗೊಂಡ ದೊಡ್ಡ ಪ್ರಮಾಣದ ನದಿ ಶುಚಿಗೊಳಿಸುವ ಕಾರ್ಯಕ್ರಮಕ್ಕಾಗಿ ಪಡೆದ ವಿಶ್ವದ ಮೊದಲ ಗಿನ್ನೆಸ್ ದಾಖಲೆ ಇದಾಗಿದೆ. ನಡೆಯುತ್ತಿರುವ ಸ್ವಚ್ಛತಾ ಅಭಿಯಾನದ ಭಾಗವಾಗಿ ಹೆಚ್ಚಿನ ದಾಖಲೆಗಳು ನಿರ್ಮಾಣವಾಗಲಿವೆ. ಮುಂಬರುವ ದಿನಗಳಲ್ಲಿ ಒಟ್ಟು 15,000 ನೈರ್ಮಲ್ಯ ಕಾರ್ಮಿಕರು ಈ ಪ್ರಯತ್ನಕ್ಕೆ ಸೇರುವ ನಿರೀಕ್ಷೆಯಿದೆ.
“ಇಂದು ಐತಿಹಾಸಿಕ ಮೊದಲನೆಯ ಗಿನ್ನೆಸ್ ದಾಖಲೆ, ವಿವಿಧ ಸ್ಥಳಗಳಲ್ಲಿ ಗಂಗಾವನ್ನು ಸ್ವಚ್ಛಗೊಳಿಸಲು 300 ನೈರ್ಮಲ್ಯ ಕಾರ್ಮಿಕರು ಒಟ್ಟಾಗಿ ಸೇರುತ್ತಿದ್ದಾರೆ. ಈ ಉಪಕ್ರಮವು ರಾಷ್ಟ್ರ ಮತ್ತು ಜಗತ್ತಿಗೆ ʼಪ್ರತಿಯೊಬ್ಬರ ಸುರಕ್ಷತೆಗಾಗಿ ನಮ್ಮ ನದಿಗಳು ಮತ್ತು ಜಲಮೂಲಗಳನ್ನು ಸ್ವಚ್ಛವಾಗಿಡುವʼ ಪ್ರಬಲ ಸಂದೇಶವನ್ನು ಕಳುಹಿಸುವ ಗುರಿಯನ್ನು ಹೊಂದಿದೆ.
“ಇದು ಕೇವಲ ಆರಂಭ. 15,000 ಕಾರ್ಮಿಕರನ್ನು ಒಳಗೊಂಡ ಗಂಗಾ ಶುಚಿಗೊಳಿಸುವ ಅಭಿಯಾನ ಮತ್ತು ದೊಡ್ಡ ಪ್ರಮಾಣದ ಬೀದಿ ಗುಡಿಸುವ ಚಟುವಟಿಕೆಗಳು ಸೇರಿದಂತೆ ಕುಂಭಮೇಳ ಆಡಳಿತವು ಮತ್ತಷ್ಟು ದಾಖಲೆಗಳನ್ನು ಸ್ಥಾಪಿಸಲಿದೆ” ಎಂದಿದ್ದಾರೆ
ಪ್ರಸ್ತುತ ನಡೆಯುತ್ತಿರುವ ಮಹಾ ಕುಂಭ ಅಭೂತಪೂರ್ವ ಜನಸ್ತೋಮಕ್ಕೆ ಸಾಕ್ಷಿಯಾಗಿದ್ದು, ಇಲ್ಲಿಯವರೆಗೆ ಅಂದಾಜು 46 ರಿಂದ 47 ಕೋಟಿ ಭಕ್ತರು ಭಾಗವಹಿಸಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
