ಬಂಡುಕೋರರ ಕೈ ಸೇರಿದ ಸಿರಿಯಾ, ರಷ್ಯಾಗೆ ಓಡಿಹೋದ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್

ಡಮಾಸ್ಕಸ್‌: ಸಿರಿಯಾ ಬಂಡುಕೋರರ ನಿಯಂತ್ರಣಕ್ಕೆ ಒಳಪಟ್ಟಿದೆ. ಬಂಡುಕೋರರು ರಾಜಧಾನಿ ಡಮಾಸ್ಕಸ್ ಅನ್ನು ವಶಪಡಿಸಿಕೊಂಡಿದ್ದಾರೆ ಮತ್ತು ಅಲ್ಲಿನ ಅಧ್ಯಕ್ಷ ಬಶರ್ ಅಲ್-ಅಸ್ಸಾದ್ ರಷ್ಯಾಕ್ಕೆ ಓಡಿಹೋಗಿದ್ದಾರೆ. ಈ ಮೂಲಕ 13 ವರ್ಷಗಳ ಅಂತರ್ಯುದ್ಧ ಮತ್ತು ಅಸ್ಸಾದ್ ಕುಟುಂಬದ 50 ವರ್ಷಗಳ ಆಡಳಿತ ಅಲ್ಲಿ ಕೊನೆಗೊಂಡಿದೆ.

ಮಾಜಿ ಅಲ್-ಖೈದಾ ಅಂಗಸಂಸ್ಥೆಯಾದ ಹಯಾತ್ ಅಲ್-ತಹ್ರೀರ್ ಅಲ್-ಶಾಮ್ (HTS) ನೇತೃತ್ವದ ಮಿಲಿಟರಿ ಮೈತ್ರಿಕೂಟದ ಮಿಂಚಿನ ಕಾರ್ಯಾಚರಣೆ ಮಧ್ಯಪ್ರಾಚ್ಯದ ಈ ದೇಶಕ್ಕೆ ದೊಡ್ಡ ತಿರುವು ನೀಡಿದೆ. ಅಸ್ಸಾದ್ ಪತನವು ಇರಾನ್ ಮತ್ತು ರಷ್ಯಾ ರಾಷ್ಟ್ರಗಳು ಅರಬ್ ಪ್ರಪಂಚದಾದ್ಯಂತ ಬೀರಿದ ಪ್ರಭಾವದ  ಭದ್ರಕೋಟೆಯನ್ನು ಅಳಿಸಿಹಾಕಿದೆ.

 ಅಸ್ಸಾದ್ ಮತ್ತು ಅವರ ಕುಟುಂಬಕ್ಕೆ ಪ್ರಸ್ತುತ ರಷ್ಯಾ ಆಶ್ರಯ ನೀಡಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.

ಈ ನಡುವೆ ಅಂತರಾಷ್ಟ್ರೀಯ ಸರ್ಕಾರಗಳು ಅಸ್ಸಾದ್‌ ಕುಟುಂಬದ ನಿರಂಕುಶಾಧಿಕಾರದ ಸರ್ಕಾರದ ಅಂತ್ಯವನ್ನು ಸ್ವಾಗತಿಸಿವೆ, ಹೊಸ ನೋಟದ ಮಧ್ಯಪ್ರಾಚ್ಯದ ಉಗಮವನ್ನು ಮುಂದೆ ನೋಡುವುದಾಗಿ ಹೇಳಿವೆ.

ಸಿರಿಯಾ ಅಪಾಯ ಮತ್ತು ಅನಿಶ್ಚಿತತೆಯ ಅವಧಿಯಲ್ಲಿದೆ. ಮೊದಲ ಬಾರಿಗೆ ರಷ್ಯಾ, ಇರಾನ್ ಅಥವಾ ಹಿಜ್ಬುಲ್ಲಾ ಉಗ್ರಗಾಮಿ ಸಂಘಟನೆಗಳ  ಪ್ರಭಾವ ಇಲ್ಲದೆಯೇ ಬದಲಾವಣೆಯಾಗಿದೆ ಎಂದು ಯುಎಸ್ ಅಧ್ಯಕ್ಷ ಜೋ ಬಿಡೆನ್ ಹೇಳಿದ್ದಾರೆ.

ಅಸ್ಸಾದ್‌ನ ಪದತ್ಯಾಗ ತನ್ನ ಮಿತ್ರರಾಷ್ಟ್ರಗಳಿಗೆ ಶಸ್ತ್ರಾಸ್ತ್ರಗಳನ್ನು ಹರಡುವ ಇರಾನ್‌ನ ಸಾಮರ್ಥ್ಯವನ್ನು ಮಿತಿಗೊಳಿಸುತ್ತದೆ ಮತ್ತು ರಷ್ಯಾ ಅದರ ಮೆಡಿಟರೇನಿಯನ್ ನೌಕಾ ನೆಲೆಯನ್ನು ಕಳೆದುಕೊಳ್ಳಬಹುದು. ಇದು ಟರ್ಕಿ, ಲೆಬನಾನ್ ಮತ್ತು ಜೋರ್ಡಾನ್‌ನಾದ್ಯಂತ ಶಿಬಿರಗಳಲ್ಲಿ ಒಂದು ದಶಕಕ್ಕೂ ಹೆಚ್ಚು ಕಾಲ ನೆಲೆಸಿದ ಲಕ್ಷಾಂತರ ಸಿರಿಯಾ ನಿರಾಶ್ರಿತರಿಗೆ ಮನೆಗೆ ಮರಳಲು ಅವಕಾಶ ಒದಗಿಸುವ ನಿರೀಕ್ಷೆ ಇದೆ.

ಇನ್ನೊಂದೆಡೆ ನೂರಾರು ಸಾವಿರ ಜನರನ್ನು ಬಲಿತೆಗೆದುಕೊಂಡ ಯುದ್ಧದ ನಂತರ ದೇಶವನ್ನು ಮರುನಿರ್ಮಾಣ ಮಾಡುವ ಮತ್ತು ನಡೆಸುವ ಸವಾಲನ್ನು ಬಂಡುಕೋರರು ಎದುರಿಸಲಿದ್ದಾರೆ, ಅಲ್ಲಿನ ನಗರಗಳು ಧೂಳಿನಿಂದ ಕೂಡಿವೆ ಮತ್ತು ಜಾಗತಿಕ ನಿರ್ಬಂಧಗಳಿಂದ ಆರ್ಥಿಕತೆ ಟೊಳ್ಳಾಗಿದೆ. ಸಿರಿಯಾಕ್ಕೆ ಶತಕೋಟಿ ಡಾಲರ್ ನೆರವು ಬೇಕಾಗುತ್ತದೆ. ಈ ಎಲ್ಲಾ ಸವಾಲನ್ನು ಬಂಡುಕೋರರು ಹೇಗೆ ನಿರ್ವಹಿಸುತ್ತಾರೆ ಎಂಬುದನ್ನು ಕಾದು ನೋಡಬೇಕಿದೆ.

ಅಸ್ಸಾದ್ ಆಡಳಿತ ಮಧ್ಯಪ್ರಾಚ್ಯದಲ್ಲಿ ಅತ್ಯಂತ ಕಠೋರವಾದದ್ದು ಎಂದು ಕರೆಯಲ್ಪಟ್ಟಿತ್ತು, ಸಾವಿರಾರು ರಾಜಕೀಯ ಕೈದಿಗಳನ್ನು ಭಯಾನಕ ಪರಿಸ್ಥಿತಿಗಳಲ್ಲಿ ಅಲ್ಲಿ ಇರಿಸಲಾಗಿತ್ತು. ಭಾನುವಾರ, ಹರ್ಷಚಿತ್ತದಿಂದ ಕೈದಿಗಳು ಜೈಲುಗಳಿಂದ ಹೊರಬಂದಿದ್ದಾರೆ.