ನವದೆಹಲಿ: ಪ್ರಧಾನ ಮಂತ್ರಿ ಆವಾಸ್ ಯೋಜನೆ ಗ್ರಾಮೀಣ (PMAY-G)ವು ನಾಗಾಲ್ಯಾಂಡ್‌ನಲ್ಲಿ ಗಮನಾರ್ಹ ಪ್ರಗತಿ ಸಾಧಿಸಿದೆ, ಯೋಜನೆಯಡಿಯಲ್ಲಿ 48,826 ಮನೆಗಳನ್ನು ಮಂಜೂರು ಮಾಡಲಾಗಿದೆ ಮತ್ತು 19,300 ಈಗಾಗಲೇ ಪೂರ್ಣಗೊಂಡಿದೆ ಎಂದು ಪಂಚಾಯತ್ ಮತ್ತು ಗ್ರಾಮೀಣಾಭಿವೃದ್ಧಿ ಸಚಿವಾಲಯ ಹೇಳಿಕೆಯಲ್ಲಿ ತಿಳಿಸಿದೆ.

ಈ ಯೋಜನೆ ನೀಡಿದ ಫಲಿತಾಂಶ ನಾಗಾಲ್ಯಾಂಡ್‌ನ ದೂರದ ಬೆಟ್ಟಗಳಲ್ಲಿ ಪ್ರತಿಫಲಿಸುತ್ತಿದೆ. ಅಭಿವೃದ್ಧಿ ಯೋಜನೆಗಳು ಸಾಮಾನ್ಯವಾಗಿ ಸವಾಲುಗಳನ್ನು ಎದುರಿಸುವ ಆ ಬೆಟ್ಟಗಳಲ್ಲಿ ಪಕ್ಕಾ ಮನೆಗಳು ಮರೀಚಿಕೆಯೇ ಆಗಿತ್ತು. ಅಲ್ಲಿನ ಕುಟುಂಬಗಳು ಒಂದು ಕಾಲದಲ್ಲಿ ಮೂಲ ಆಶ್ರಯಕ್ಕಾಗಿ ಹೆಣಗಾಡುತ್ತಿದ್ದವು. ಆದರೆ ಈಗ ಪಿಎಂಎವೈ-ಜಿ ಅವರ ಬದುಕುಗಳನ್ನ ಪರಿವರ್ತಿಸುತ್ತಿದೆ, ಅವರ ತಲೆಯ ಮೇಲೆ ಸೂರು ಮಾತ್ರವಲ್ಲದೆ ಹೆಮ್ಮೆ, ಸುರಕ್ಷತೆಯ ಭಾವನೆಯನ್ನು ನೀಡಿದೆ.

ಈ ಮನೆಗಳನ್ನು ಗಟ್ಟಿಮುಟ್ಟಾದ ಕಲ್ಲಿನ ಕಾಲಮ್‌ಗಳು ಮತ್ತು ಎತ್ತರದ ರಚನೆಗಳ ಮೇಲೆ ನಿರ್ಮಿಸಲಾಗಿದೆ, ತೇವಾಂಶ ಮತ್ತು ಗೆದ್ದಲುಗಳನ್ನು ತಡೆಯುವಂತೆ ವಿನ್ಯಾಸಗೊಳಿಸಲಾಗಿದೆ ಮತ್ತು ದೀರ್ಘಾವಧಿಯ ಬಾಳಿಕೆಯನ್ನು ಇದು ಖಾತ್ರಿಪಡಿಸುತ್ತದೆ.

PMAY-G ತನ್ನ ಕಾರ್ಯಾಚರಣೆಗಳಲ್ಲಿ ಸ್ಥಳೀಯ ಆರ್ಥಿಕತೆಯನ್ನು ಸಂಯೋಜಿಸುವ ಮೂಲಕ ಆರ್ಥಿಕ ಸಬಲೀಕರಣವನ್ನು ವೇಗವರ್ಧನೆ ಮಾಡಿದೆ. ನಾಗಾಲ್ಯಾಂಡ್‌ನಲ್ಲಿ, ಫಲಾನುಭವಿಗಳು ನಿರ್ಮಾಣ ವೆಚ್ಚವನ್ನು ಕಡಿಮೆ ಮಾಡಲು ಬಿದಿರು ಮತ್ತು ಹಗುರವಾದ ಕಾಂಕ್ರೀಟ್‌ನಂತಹ ಸ್ಥಳೀಯ ವಸ್ತುಗಳನ್ನು ಬಳಸಿದ್ದಾರೆ,  ಕೌಶಲ್ಯಗಳನ್ನು ಬಳಸಿ ಯೋಜನೆಯಡಿ ಪಕ್ಕಾ ಮನೆ ನಿರ್ಮಿಸಿದ್ದಾರೆ. ಈ ಮೂಲ ಸ್ವಾವಲಂಬನೆಯನ್ನು ಪ್ರದರ್ಶಿಸಿದ್ದಾರೆ.

ಈ ಯೋಜನೆಯು ಸಂಪ್ರದಾಯವನ್ನು ಆಧುನಿಕತೆಯೊಂದಿಗೆ ಸಂಯೋಜಿಸಿದೆ, ನಾಗಾಲ್ಯಾಂಡ್‌ನಲ್ಲಿ, ಮನೆಗಳು ಆ ಪ್ರದೇಶದ ವಾಸ್ತುಶಿಲ್ಪದ ಪರಂಪರೆಯನ್ನು ಪ್ರತಿಬಿಂಬಿಸುತ್ತವೆ, ಆಧುನಿಕ ಅಂಶಗಳನ್ನು ನೈಸರ್ಗಿಕ ಭೂದೃಶ್ಯದಲ್ಲಿ ಸಂಯೋಜಿಸಲಾಗಿದೆ. ಬಿದಿರಿನ ಚಾಪೆಗಳು ಗೋಡೆಗಳು ಮತ್ತು ಮೇಲ್ಛಾವಣಿಗಳನ್ನು ಅಲಂಕರಿಸಿವೆ, CGI ಹಾಳೆಗಳನ್ನು ಚಾವಣಿಗಾಗಿ ಬಳಸಲಾಗುತ್ತದೆ, ಸಂಪ್ರದಾಯದೊಂದಿಗೆ ಕ್ರಿಯಾತ್ಮಕತೆಯನ್ನು ಸಂಯೋಜಿಸಿ ಮನೆ ನಿರ್ಮಾಣವಾಗಿದೆ.