ನವದೆಹಲಿ: ಹಣಕಾಸು ವರ್ಷ 2024-25 (ಏಪ್ರಿಲ್-ಅಕ್ಟೋಬರ್) ಮೊದಲಾರ್ಧದಲ್ಲಿ ಭಾರತದಲ್ಲಿ ಹಲವಾರು ಪ್ರಮುಖ ಖನಿಜಗಳ ಉತ್ಪಾದನೆಯು ದೃಢವಾದ ಬೆಳವಣಿಗೆಯನ್ನು ತೋರಿಸಿದೆ. ಹಣಕಾಸು ವರ್ಷ 2023-24 ರಲ್ಲೂ ದಾಖಲೆಯ ಉತ್ಪಾದನೆಯನ್ನು ಭಾರತ ಕಂಡಿತ್ತು, ಈ ಬಾರಿ ಅದನ್ನು ಮೀರಿದ ಬೆಳವಣಿಗೆ ಕಾಣಲಿದೆ.
ಖನಿಜ ಸಂರಕ್ಷಣೆ ಮತ್ತು ಅಭಿವೃದ್ಧಿ ನಿಯಮಗಳು (MCDR) ಅಡಿಯಲ್ಲಿನ ಮೌಲ್ಯಮಾಪನದ ಪ್ರಕಾರ, ಒಟ್ಟು ಖನಿಜ ಉತ್ಪಾದನೆಯಲ್ಲಿ 69% ರಷ್ಟು ಕಬ್ಬಿಣದ ಅದಿರು ಇದೆ. ವಿತ್ತ ವರ್ಷ 2023-24 ರಲ್ಲಿ ಇದರ ಉತ್ಪಾದನೆಯು 274 ಮಿಲಿಯನ್ ಮೆಟ್ರಿಕ್ ಟನ್‌ಗಳನ್ನು ತಲುಪಿತ್ತು ಮತ್ತು ಪ್ರಸಕ್ತ ಹಣಕಾಸು ವರ್ಷದ ತಾತ್ಕಾಲಿಕ ಮಾಹಿತಿಯ ಪ್ರಕಾರ ಅದರ ಉತ್ಪಾದನೆ 4.1% ಹೆಚ್ಚಾಗಿದೆ, ಉತ್ಪಾದನೆಯು ಏಪ್ರಿಲ್-ಅಕ್ಟೋಬರ್ 2023 ರಲ್ಲಿ 152.1 MMT ನಿಂದ ವಿತ್ತವರ್ಷ 24-25ರಲ್ಲಿ 158.4 MMT ಏರಿಕೆಯಾಗಿದೆ.
ಇತರ ಖನಿಜಗಳು ಸಹ ಬಲವಾದ ಬೆಳವಣಿಗೆಯನ್ನು ಪ್ರಕಟಿಸಿವೆ. ಮ್ಯಾಂಗನೀಸ್ ಅದಿರು ಉತ್ಪಾದನೆಯು ವಿತ್ತವರ್ 2023-24 ರ ಅನುಗುಣವಾದ ಅವಧಿಯಲ್ಲಿ 1.8 MMT ನಿಂದ 2024-25 (ಏಪ್ರಿಲ್-ಅಕ್ಟೋಬರ್) ವಿತ್ತವರ್ಷ 2.0 MMT ಗೆ 11.1% ರಷ್ಟು ಏರಿದೆ. ಅದೇ ರೀತಿ, ಬ್ಯಾಕ್‌ಸೈಟ್ ಉತ್ಪಾದನೆಯು 223-24 ರ FY ನಲ್ಲಿ 12.4 MMT ಯಿಂದ ಪ್ರಸಕ್ತ ಹಣಕಾಸು ವರ್ಷದಲ್ಲಿ 13.8 MMT ಗೆ 11.3% ಹೆಚ್ಚಾಗಿದೆ.
ನ್ಯಾನ್-ಫೆರಸ್ ಲೋಹದ ವಲಯದಲ್ಲಿ, ಭಾರತದ ಪ್ರಾಥಮಿಕ ಅಲ್ಮಿನಿಯಂ ಉತ್ಪಾದನೆಯು ಸಾಧಾರಣ ಬೆಳವಣಿಗೆ 1.2% ಅನ್ನು ಕಂಡಿದೆ, ಕಳೆದ ವರ್ಷದ ಇದೇ ಅವಧಿಯಲ್ಲಿ 24.17 LT ನಿಂದ 2024-25 FY (ಏಪ್ರಿಲ್-ಅಕ್ಟೋಬರ್) ನಲ್ಲಿ 24.46 ಲಕ್ಷ ಟನ್‌ಗಳಿಗೆ (LT) ಏರಿಕೆಯಾಗಿದೆ. ಸಂಸ್ಕರಿಸಿದ ತಾಮ್ರದ ಉತ್ಪಾದನೆಯು ಹೆಚ್ಚು ಗಮನಾರ್ಹವಾದ 6.0% ಬೆಳವಣಿಗೆಯನ್ನು ಕಂಡಿತು, 2.83 LT ನಿಂದ 3.00 LT ಗೆ ಏರಿದೆ.
ಜಾಗತಿಕ ಖನಿಜಗಳಲ್ಲಿ ಭಾರತವು ಪ್ರಮುಖ ಆಟಗಾರನಾಗಿ ಮುಂದುವರಿದಿದ್ದು, ಎರಡನೇ ಅತಿದೊಡ್ಡ ಅಲ್ಯೂಮಿನಿಯಂ ಉತ್ಪಾದಕ, ಸಂಸ್ಕರಿಸಿದ ತಾಮ್ರದ ಅಗ್ರ ಹತ್ತು ಉತ್ಪಾದಕರಲ್ಲಿ ಒಂದು ಮತ್ತು ವಿಶ್ವದ ನಾಲ್ಕನೇ ಅತಿದೊಡ್ಡ ಕಬ್ಬಿಣದ ಅದಿರು ಉತ್ಪಾದನಾ ರಾಷ್ಟ್ರವಾಗಿ ಹೊರಹೊಮ್ಮಿದೆ. ಕಬ್ಬಿಣದ ಅದಿರು ಉತ್ಪಾದನೆಯಲ್ಲಿ ನಡೆಯುತ್ತಿರುವ ಬೆಳವಣಿಗೆಯು ಬಲವಾದ ಬೇಡಿಕೆಯನ್ನು ಪ್ರತಿಬಿಂಬಿಸುತ್ತದೆ.
ಅಲ್ಯೂಮಿನಿಯಂ ಮತ್ತು ತಾಮ್ರದ ಉತ್ಪಾದನೆಯ ಪ್ರಮಾಣವು ಶಕ್ತಿ, ಮೂಲಸೌಕರ್ಯ, ನಿರ್ಮಾಣ, ವಾಹನ ಮತ್ತು ಯಂತ್ರೋಪಕರಣಗಳಂತಹ ಪ್ರಮುಖ ಕ್ಷೇತ್ರಗಳಲ್ಲಿ ದೃಢವಾದ ಆರ್ಥಿಕ ಚಟುವಟಿಕೆಯನ್ನು ಸೂಚಿಸುತ್ತದೆ. ಈ ಪ್ರವೃತ್ತಿಯು ಭಾರತದ ಮುಂದುವರಿದ ಆರ್ಥಿಕ ಸ್ಥಿತಿಸ್ಥಾಪಕತ್ವ ಮತ್ತು ಜಾಗತಿಕ ಖನಿಜಗಳ ಪೂರೈಕೆ ಸರಪಳಿಯಲ್ಲಿ ಅದರ ನಿರ್ಣಾಯಕ ಪಾತ್ರವನ್ನು ಎತ್ತಿ ತೋರಿಸುತ್ತದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
