ಲಕ್ನೋ: ಕಳೆದ ವರ್ಷ ಉತ್ತರಪ್ರದೇಶ 48 ಕೋಟಿ ಪ್ರವಾಸಿಗರನ್ನು ಸ್ವಾಗತಿಸಿದೆ ಎಂದು ಯುಪಿ ಸಿಎಂ ಯೋಗಿ ಆದಿತ್ಯನಾಥ ಅವರು ಹೇಳಿದ್ದಾರೆ.
ಇಂದಿರಾಗಾಂಧಿ ಪ್ರತಿಷ್ಠಾನದ ಮರ್ಕ್ಯುರಿ ಹಾಲ್‌ನಲ್ಲಿ ‘ಪರಿಸರ ಪ್ರವಾಸೋದ್ಯಮ ಸಂವಾದ’ವನ್ನು ಉದ್ದೇಶಿಸಿ ಮಾತನಾಡಿದ ಮುಖ್ಯಮಂತ್ರಿ ಯೋಗಿ, ಲಕ್ನೋ ಬಳಿಯ ನೈಮಿಶಾರಣ್ಯ, ಚಿತ್ರಕೂಟ, ಶುಕ್ತೀರ್ಥ, ವಿಂಧ್ಯವಾಸಿನಿ ಧಾಮ, ಮಾ ಪತೇಶ್ವರಿ ಧಾಮ, ಮಾ ಶಾಕಂಭರಿ ಧಾಮ ಮುಂತಾದವು ಪ್ರವಾಸಿಗರನ್ನು ಆಕರ್ಷಿಸುವ ಹಲವಾರು ತಾಣಗಳನ್ನು ಹೊಂದಿದೆ. ಸಹರಾನ್ಪುರ್ ಮತ್ತು ಬೌದ್ಧ ಯಾತ್ರಾ ಸ್ಥಳಗಳಾದ ಕಪಿಲವಸ್ತು, ಸಾರನಾಥ, ಕುಶಿನಗರ, ಶ್ರಾವಸ್ತಿ ಮತ್ತು ಸಂಕಿಸಾ ಜೈನ ಮತ್ತು ಸೂಫಿ ಸಂಪ್ರದಾಯಗಳಿಗೆ ಸಂಬಂಧಿಸಿದ ಪ್ರವಾಸಕ್ಕೆ ಹೆಚ್ಚಿನ ಕೊಡುಗೆ ನೀಡುತ್ತಿದೆ ಎಂದಿದ್ದಾರೆ.
ಉತ್ತರಪ್ರದೇಶದಲ್ಲಿ ಅನೇಕ ಅವಶೇಷ ತಾಣಗಳು, ನೈಸರ್ಗಿಕ ಸರೋವರಗಳು ಮತ್ತು ಕೊಳಗಳು ಇವೆ. ಉತ್ತರ ಪ್ರದೇಶವು ಪೌರಾಣಿಕ ಕಾಲದ ಕಾಡುಗಳನ್ನು ಒಳಗೊಂಡಂತೆ 15,000 ಚದರ ಕಿಲೋಮೀಟರ್ ಅರಣ್ಯ ಪ್ರದೇಶವನ್ನು ಹೊಂದಿದೆ ಎಂದು ಯೋಗಿ ಪ್ರತಿಪಾದಿಸಿದ್ದಾರೆ
“ಹೆಚ್ಚಿನ ಪ್ರವಾಸಿಗರು ಯುಪಿ ಆಧ್ಯಾತ್ಮಿಕ ಪ್ರವಾಸೋದ್ಯಮಕ್ಕೆ ಆಕರ್ಷಿತರಾಗಿದ್ದಾರೆ. 2023 ರಲ್ಲಿ, ಕಾಶಿಯೊಂದರಲ್ಲೇ 10 ಕೋಟಿ ಪ್ರವಾಸಿಗರು ಬಂದರು. 500 ವರ್ಷಗಳ ನಂತರ ಅಯೋಧ್ಯೆಯಲ್ಲಿ ರಾಮಮಂದಿರ ನಿರ್ಮಾಣದ ನಂತರ, ಪ್ರವಾಸಿಗರ ಸಂಖ್ಯೆಯು ಹಲವಾರು ಪಟ್ಟು ಹೆಚ್ಚಾಗಿದೆ, ಪ್ರತಿದಿನ ಸರಾಸರಿ 1.5 ಲಕ್ಷದಿಂದ 2 ಲಕ್ಷ ಪ್ರವಾಸಿಗರು ಅಯೋಧ್ಯೆಗೆ ಬರುತ್ತಾರೆ” ಎಂದು ಅವರು ಹೇಳಿದರು.
ಲಕ್ನೋದ ಕುಕ್ರೈಲ್ ಬಳಿ ರಾತ್ರಿ ಸಫಾರಿಯನ್ನು ಅಭಿವೃದ್ಧಿಪಡಿಸಲಾಗುತ್ತಿದೆ ಎಂದು ಅವರು ಮಾಹಿತಿ ನೀಡಿದರು. ಅದಕ್ಕೂ ಮೊದಲು ಕುಕ್ರೈಲ್ ನದಿ ಪುನಶ್ಚೇತನಗೊಳ್ಳಲಿದೆ ಎಂದ ಅವರು, ಪಿಲಿಭಿತ್‌ನಿಂದ ಹುಟ್ಟಿ ವಾರಣಾಸಿಯಲ್ಲಿ ಗಂಗಾನದಿಯಲ್ಲಿ ವಿಲೀನಗೊಂಡು ಗೋಮತಿ ನದಿಯ ಉಪನದಿಯಾಗಿದ್ದ ಕುಕ್ರೈಲ್ ಅಕ್ರಮ ನಿರ್ಮಾಣದಿಂದ ಚರಂಡಿಯಾಗಿ ಮಾರ್ಪಾಡಾಗಿತ್ತು.ಕಳೆದ ನಾಲ್ಕು ದಶಕಗಳಿಂದ ಅತಿಕ್ರಮಣಗಳು ಹೆಚ್ಚಾಗಿದ್ದು ನದಿಗೆ ಮಾತ್ರವಲ್ಲ ಪರಿಸರಕ್ಕೂ ಸವಾಲಾಗಿ ಪರಿಣಮಿಸಿದೆ. ಈಗ 8,000 ಕ್ಕೂ ಹೆಚ್ಚು ಅನಧಿಕೃತ ಅತಿಕ್ರಮಣಗಳನ್ನು ತೆಗೆದುಹಾಕಿ, ಕುಕ್ರೈಲ್ ನದಿಯನ್ನು ಮರುಸ್ಥಾಪಿಸಲು ನಾವು ಸುಪ್ರೀಂಕೋರ್ಟ್‌ನಲ್ಲಿ ಹೋರಾಡಿದ್ದೇವೆ. ಅಪರಾಧಿಗಳಿಗೆ ಶಿಕ್ಷೆ ವಿಧಿಸಲಾಯಿತು ಮತ್ತು ಹಲವರಿಗೆ ಪುನರ್ವಸತಿ ಕಲ್ಪಿಸಲಾಯಿತು. ಬೇಸಿಗೆಯಲ್ಲಿ ನದಿಗಳು ಮತ್ತು ನೀರಿನ ಮೂಲಗಳು ಒಣಗುತ್ತಿರುವಾಗ, ಹೊಸ ನೀರಿನ ಮೂಲಗಳು ಹೊರಹೊಮ್ಮುತ್ತಿವೆ ಎಂದಿದ್ದಾರೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
