ಸಮಾಜದ ದೊಡ್ಡ ವರ್ಗ ಜನಪರ ಬಿಜೆಪಿಯನ್ನು ಬೆಂಬಲಿಸುತ್ತಿದೆ: ಮೋದಿ

ನವದೆಹಲಿ: 2014ರ ಲೋಕಸಭೆ ಚುನಾವಣೆಯಲ್ಲಿ ಭ್ರಷ್ಟಾಚಾರವ ಮುಖ್ಯ ವಿಷಯವಾಗಿತ್ತು, 2019ರಲ್ಲಿ ಫಲಾನುಭವಿಗಳ ಆಧಾರದ ಮೇಲೆ ಚುನಾವಣೆ ಎದುರಿಸಿದೆವು,632024ರಲ್ಲಿ ವಿಕ್ಷಿತ್ ಭಾರತ ಮುಖ್ಯ ವಿಷಯವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ.

ಆಂಗ್ಲ ದೈನಿಕವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ಮೋದಿ ಅವರು, ದೇಶದ ಆಕಾಂಕ್ಷೆಗಳ ವೇಗದಲ್ಲಿ ನಾವು ವಿಕ್ಷಿತ್ ಭಾರತವನ್ನು ತಲುಪುವುದನ್ನು ಖಾತ್ರಿಪಡಿಸುವ ಪ್ರಮುಖ ಚುನಾವಣೆ ಇದು ಎಂದು ದೇಶಾದ್ಯಂತ ಜನರಿಗೆ ತಿಳಿದಿದೆ. 2024 ರಲ್ಲೂ ಪ್ರಮುಖ ಮತದಾರರು ನಮ್ಮ ಜೊತೆ ಬಲವಾಗಿ ನಿಂತಿದ್ದಾರೆ ಎಂದು ಹೇಳಿದ್ದಾರೆ.

“ಈ 2024 ರ ಚುನಾವಣೆಯಲ್ಲಿ ಭ್ರಷ್ಟಾಚಾರ ವಿರೋಧಿ ಮತದಾರನು ನಮ್ಮೊಂದಿಗೆ ಇದ್ದಾನೆ ಮತ್ತು ಫಲಾನುಭವಿ ಮತದಾರನೂ ನಮ್ಮೊಂದಿಗಿದ್ದಾನೆ. ಅದರೊಂದಿಗೆ, ಭಾರತವು ವೇಗವಾಗಿ ಪ್ರಗತಿ ಹೊಂದಬೇಕೆಂದು ಬಯಸುವ ಸಮಾಜದ ದೊಡ್ಡ ವರ್ಗವೂ ನನ್ನ ಮತ್ತು ಬಿಜೆಪಿಯನ್ನು ದೃಢವಾಗಿ ಬೆಂಬಲಿಸುತ್ತಿದೆ” ಎಂದು ಅವರು ಹೇಳಿದರು.

ಇತ್ತೀಚಿನ ವರ್ಷಗಳಲ್ಲಿ, ವಿಶೇಷವಾಗಿ ಕೋವಿಡ್ -19 ಸಾಂಕ್ರಾಮಿಕದ ನಂತರ ಭಾರತವು ವೇಗವಾಗಿ ಬೆಳೆಯುತ್ತಿರುವ ಪ್ರಮುಖ ಆರ್ಥಿಕತೆಗಳಲ್ಲಿ ಒಂದಾಗಿ ಹೊರಹೊಮ್ಮುವಲ್ಲಿ ಯಶಸ್ವಿಯಾಗಿದೆ. ಬ್ಯಾಂಕಿಂಗ್, ವಿದೇಶಿ ನೇರ ಹೂಡಿಕೆ, ಅನುಸರಣೆ, ಕಾರ್ಪೊರೇಟ್ ತೆರಿಗೆಗಳು, ಆದಾಯ ತೆರಿಗೆಗಳು ಅಥವಾ ಹಣಕಾಸಿನ ನೀತಿಯಾಗಿರಬಹುದು, ಸರ್ಕಾರದ ಸುಧಾರಣೆಗಳು ವಿವಿಧ ಕ್ಷೇತ್ರಗಳಲ್ಲಿ ವ್ಯಾಪಿಸಿವೆ ಮತ್ತು ಇದರ ಪರಿಣಾಮವಾಗಿ, ದುರ್ಬಲ ಐದರಿಂದ ದೇಶವು ಅಗ್ರ ಐದು ಆರ್ಥಿಕತೆಗಳನ್ನು ತಲುಪಿದೆ ಎಂದು ಅವರು ಹೇಳಿದರು. .