ಪ್ರಬಲ ನಾಯಕತ್ವ, ಭಾರತದ ಹೆಚ್ಚುತ್ತಿರುವ ಜಾಗತಿಕ ಸ್ಥಾನಮಾನ ಮೋದಿ ಮರು ಆಯ್ಕೆಗೆ ಪೂರಕ: ಸಮೀಕ್ಷೆ

ನವದೆಹಲಿ: ನಿರುದ್ಯೋಗ ಮತ್ತು ಹಣದುಬ್ಬರವು ಭಾರತೀಯ ಮತದಾರರ ಪ್ರಮುಖ ಕಾಳಜಿಯ ವಿಷಯವಾಗಿದ್ದರೂ ಕೂಡ ಪ್ರಧಾನಿ ನರೇಂದ್ರ ಮೋದಿ ಅವರ ಪ್ರಬಲ ನಾಯಕತ್ವ ಮತ್ತು ಭಾರತದ ಹೆಚ್ಚುತ್ತಿರುವ ಜಾಗತಿಕ ಸ್ಥಾನಮಾನವು ಅವರ ಮರು ಆಯ್ಕೆಗೆ ಪ್ರಬಲ ಅಂಶವಾಗಿದೆ ಎಂದು ಸಮೀಕ್ಷೆಯೊಂದು ಹೇಳಿದೆ.

ಏಪ್ರಿಲ್ 19 ರಂದು ಭಾರತವು ಏಳು ಹಂತದ ಸಾರ್ವತ್ರಿಕ ಚುನಾವಣೆಗೆ ಮತದಾನವನ್ನು ಪ್ರಾರಂಭಿಸುತ್ತದೆ, ಪ್ರಧಾನಿ ಮೋದಿ ಸುಲಭವಾಗಿ ಗೆಲ್ಲುತ್ತಾರೆ ಎಂದು ನಿರೀಕ್ಷಿಸಲಾಗಿದೆ. ಜೂನ್ 4 ರಂದು ಮತ ಎಣಿಕೆ ನಡೆಯಲಿದೆ.

ಈ ನಡುವೆ ಭಾರತದ 28 ರಾಜ್ಯಗಳ ಪೈಕಿ 19 ರಲ್ಲಿ ಲೋಕನೀತಿ-ಸಿಎಸ್‌ಡಿಎಸ್ ಸಮೀಕ್ಷೆ ನಡೆಸಿದ್ದು, 10,000 ಮತದಾರರಲ್ಲಿ 27% ರಷ್ಟು ಮಂದಿಗೆ ನಿರುದ್ಯೋಗವು ಪ್ರಾಥಮಿಕ ಕಾಳಜಿಯಾಗಿದೆ, ಬೆಲೆ ಏರಿಕೆಯು 23% ರಷ್ಟು ಮಂದಿಗೆ ಕಾಳಜಿಯ ವಿಷಯವಾಗಿದೆ.

22%  ಮಂದಿ ಅಯೋಧ್ಯೆಯಲ್ಲಿ ರಾಮ ಮಂದಿರ ನಿರ್ಮಾಣದ ಬಗ್ಗೆ ಸಂತೋಷ ವ್ಯಕ್ತಪಡಿಸಿದ್ದಾರೆ. 8%  ಮಂದಿ ರಾಮ ಮಂದಿರ ನಿರ್ಮಾಣ ಪ್ರಮುಖ ಆದ್ಯತೆಯ ವಿಷಯ ಎಂದಿದ್ದಾರೆ. ಕನಿಷ್ಠ 48% ಪ್ರತಿಕ್ರಿಯಿಸಿದವರು ದೇವಾಲಯವು ಹಿಂದೂ ಗುರುತನ್ನು ಕ್ರೋಢೀಕರಿಸುತ್ತದೆ ಎಂದು ಹೇಳಿದ್ದಾರೆ.

ಸಮೀಕ್ಷೆಯಲ್ಲಿ ಭಾಗವಹಿಸಿದವರಲ್ಲಿ ಸುಮಾರು ಮೂರನೇ ಎರಡರಷ್ಟು ಅಥವಾ 62% ರಷ್ಟು ಜನರು, ಕಳೆದ ಐದು ವರ್ಷಗಳಲ್ಲಿ  ಉದ್ಯೋಗಗಳನ್ನು ಹುಡುಕುವುದು ಹೆಚ್ಚು ಕಷ್ಟಕರವಾಗಿದೆ ಎಂದು ಹೇಳಿದ್ದಾರೆ.

ಕಳೆದ ವರ್ಷ G20ಯ ಭಾರತದ ಅಧ್ಯಕ್ಷತೆ ಮತ್ತು ಸೆಪ್ಟೆಂಬರ್‌ನಲ್ಲಿ ಹೊಸ ದೆಹಲಿ G20 ನಾಯಕರಿಗೆ ಆತಿಥ್ಯ ನೀಡುವಂತಹ ಹೆಚ್ಚು ಪ್ರಚಾರಗೊಂಡ ಘಟನೆಗಳ ಮೂಲಕ ಭಾರತದ ಬೆಳೆಯುತ್ತಿರುವ ಅಂತರರಾಷ್ಟ್ರೀಯ ಸ್ಥಾನವನ್ನು ಮತದಾರರನ್ನು ಸೆಳೆದಿದೆ.

ಸಮೀಕ್ಷೆಯಲ್ಲಿ ಪ್ರತಿಕ್ರಿಯಿಸಿದವರಲ್ಲಿ ಸುಮಾರು 8% ರಷ್ಟು ಜನರು ಭಾರತದ ಬಗ್ಗೆ ಉತ್ತಮ ಅಂತರಾಷ್ಟ್ರೀಯ ಚಿತ್ರಣ ಸೃಷ್ಟಿಸುವಲ್ಲಿ ಸರ್ಕಾರದ ಪ್ರಯತ್ನವನ್ನು ಇಷ್ಟಪಟ್ಟಿದ್ದಾರೆ.