ʼಯಾರು ಅಲ್ಪಸಂಖ್ಯಾತರು?ʼ- ಇದು ಪರಾಮರ್ಶಿಸಬೇಕಾದ ಸಮಯ

ಪ್ರಧಾನಮಂತ್ರಿ ನರೇಂದ್ರ ಮೋದಿ ಅವರು ಕಳೆದ ತಿಂಗಳು ಯುನೈಟೆಡ್ ಸ್ಟೇಟ್ಸ್ ಆಫ್ ಅಮೇರಿಕಾಕ್ಕೆ ತಮ್ಮ ಮೂರು ದಿನಗಳ ಐತಿಹಾಸಿಕ ಭೇಟಿ ನೀಡಿ ಭಾರತಕ್ಕೆ ಸಾಕಷ್ಟು ಪ್ರಯೋಜನಗಳು ಹರಿದು ಬರುವಂತೆ ಮಾಡಿದ್ದಾರೆ. ಅಲ್ಲದೇ ವಿಶ್ವ ವೇದಿಕೆಯಲ್ಲಿ ಭಾರತದ ಘನತೆ ಹೆಚ್ಚಾಗುವಂತೆ ಮಾಡಿದ್ದಾರೆ.

ಆದರೆ ಈ ಸಂದರ್ಭದಲ್ಲಿ ಅಮೆರಿಕಾದ ಮಾಜಿ ಅಧ್ಯಕ್ಷ ಬರಾಕ್‌ ಒಬಾಮ ಅವರು ಇಸ್ಲಾಮೋಫೋಬಿಯಾದ ತಮ್ಮ ಅಜೆಂಡಾವನ್ನು ಮುಂದಿಡುವ ಪ್ರಯತ್ನ ಮಾಡಿದ್ದಾರೆ. “ಅಧ್ಯಕ್ಷ ಜೋ ಬಿಡೆನ್‌ ಅವರು ಪ್ರಧಾನಿ ಮೋದಿಯವರನ್ನು ಭೇಟಿಯಾದರೆ, ಬಹುಸಂಖ್ಯಾತ-ಹಿಂದೂ ಭಾರತದಲ್ಲಿ ಮುಸ್ಲಿಂ ಅಲ್ಪಸಂಖ್ಯಾತರ ರಕ್ಷಣೆಯ ಬಗ್ಗೆ ಉಲ್ಲೇಖಿಸಬೇಕು” ಎಂದಿದ್ದಾರೆ.

“ನನಗೆ ಚೆನ್ನಾಗಿ ತಿಳಿದಿರುವ ಪ್ರಧಾನಿ ಮೋದಿಯವರೊಂದಿಗೆ ನಾನು ಹೇಳುವುದೇನೆಂದರೆ ಭಾರತದಲ್ಲಿ ಜನಾಂಗೀಯ ಅಲ್ಪಸಂಖ್ಯಾತರ ಹಕ್ಕುಗಳನ್ನು ರಕ್ಷಿಸದಿದ್ದರೆ, ಒಂದು ಹಂತದಲ್ಲಿ ಭಾರತವು ವಿಭಜನೆಯಾಗಲು ಪ್ರಾರಂಭಿಸುವ ಬಲವಾದ ಸಾಧ್ಯತೆಯಿದೆ” ಎಂದು ಒಬಾಮ ಹೇಳಿದ್ದಾರೆ.

ಒಬಾಮಾ ಅವರಹೇಳಿಕೆಯನ್ನು ಬಹುಮಟ್ಟಿಗೆ ನಿರ್ಲಕ್ಷಿಸಲಾಗಿದ್ದರೂ, ನಿರೀಕ್ಷಿಸಿದಂತೆ  ಕೆಲವು ಮಾಧ್ಯಮಗಳಿಗೆ ಇದು ನಕಾರಾತ್ಮಕ ಚಿತ್ರಣವನ್ನು ಬಿಂಬಿಸಲು ಇಂಬು ನೀಡಿತು. ಆದರೆ ಕೆಲವು ಪೋರ್ಟಲ್‌ಗಳು ಒಬಾಮಾ ಅವರ ಡಬಲ್ ಸ್ಟ್ಯಾಂಡರ್ಡ್ ಮತ್ತು ಬೂಟಾಟಿಕೆ ಮತ್ತು ವಿಶ್ವದಾದ್ಯಂತ  ನೋವಿಗೆ ಕಾರಣವಾದ ಅವರ ನಿರ್ಧಾರಗಳ ದಾಖಲೆಯನ್ನು ಬಹಿರಂಗಪಡಿಸಿವೆ.

ಆದರೆ, ಇಂತಹ ಸಂದರ್ಭದಲ್ಲಿ ಐತಿಹಾಸಿಕ ಸನ್ನಿವೇಶದಂತಹ ವಿಶಾಲವಾದ ಭಾರತ ದೇಶದಲ್ಲಿ ಯಾರು ಅಲ್ಪಸಂಖ್ಯಾತರು ಎಂಬುದರ ಕುರಿತು ನಿರೂಪಣೆಯನ್ನು ಸರಿಯಾಗಿ ಹೊಂದಿಸುವ ಸಮಯ ಬಂದಿದೆ.

ಸಂವಿಧಾನ ಸಭೆಯ ಚರ್ಚೆಯ ಸಂದರ್ಭದಲ್ಲಿ ಸರ್ದಾರ್ ಪಟೇಲ್ ಅವರು ಅಲ್ಪಸಂಖ್ಯಾತರ ವಿಷಯದ ಬಗ್ಗೆ ಮುಸ್ಲಿಮರ ಬಗ್ಗೆ ಹೀಗೆ ಹೇಳಿದ್ದರು.

“ದೇಶದ ವಿಭಜನೆಯನ್ನು ಒತ್ತಾಯಿಸಬಲ್ಲ ಅಲ್ಪಸಂಖ್ಯಾತರು ಅಲ್ಪಸಂಖ್ಯಾತರೇ ಅಲ್ಲ. ನೀವು ಅಲ್ಪಸಂಖ್ಯಾತರು ಎಂದು ಏಕೆ ಭಾವಿಸುತ್ತೀರಿ. ನೀವು ಪ್ರಬಲ,  ಸುಸಂಘಟಿತ ಅಲ್ಪಸಂಖ್ಯಾತರಾಗಿದ್ದರೆ, ನೀವು ರಕ್ಷಣೆಗಳನ್ನು ಏಕೆ ಪಡೆಯಲು ಬಯಸುತ್ತೀರಿ, ನೀವು ಸವಲತ್ತುಗಳನ್ನು ಏಕೆ ಪಡೆಯಲು ಬಯಸುತ್ತೀರಿ. ಮೂರನೇ ವ್ಯಕ್ತಿ ಇದ್ದಾಗ ಅದು ಸೂಕ್ತವಾಗಿತ್ತ ಆದರೆ ಅದು ಮುಗಿದಿದೆ. ಆ ಕನಸು ಹುಚ್ಚು ಕನಸು ಮತ್ತು ಅದನ್ನು ಸಂಪೂರ್ಣವಾಗಿ ಮರೆತುಬಿಡಬೇಕು” ಎಂದಿದ್ದರು.

ಅವರ ಅಭಿಪ್ರಾಯಗಳನ್ನು ನಂತರದ ನಾಯಕರು ನಿರ್ಲಕ್ಷಿಸಿದರು ಎಂಬುದು ಬೇರೆ ವಿಷಯ. ಒಂಬತ್ತು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶದ ಲಡಾಖ್, ಮಿಜೋರಾಂ, ಲಕ್ಷದ್ವೀಪ, ಕಾಶ್ಮೀರ, ನಾಗಾಲ್ಯಾಂಡ್, ಮೇಘಾಲಯ, ಅರುಣಾಚಲ ಪ್ರದೇಶ, ಪಂಜಾಬ್ ಮತ್ತು ಮಣಿಪುರಗಳಲ್ಲಿ ಹಿಂದೂಗಳು ಅಲ್ಪಸಂಖ್ಯಾತರಾಗಿದ್ದು, ಹಿಂದೂಗಳು ತಮ್ಮ ಆಯ್ಕೆಯ ಶಿಕ್ಷಣ ಸಂಸ್ಥೆಗಳನ್ನು ಸ್ಥಾಪಿಸಲು ಮತ್ತು ಆಡಳಿತ ನಡೆಸಲು ಸಾಧ್ಯವಾಗದ ಪರಿಸ್ಥಿತಿಯನ್ನು ನಾವು ಈಗ ಹೊಂದಿದ್ದೇವೆ. ಈ ರಾಜ್ಯಗಳಲ್ಲಿ ಹಿಂದೂಗಳು 10% ಕ್ಕಿಂತ ಕಡಿಮೆ ಇರುವ ಸಂದರ್ಭಗಳಲ್ಲೂ ಅವರನ್ನು ಇನ್ನೂ ಅಧಿಕೃತವಾಗಿ ಬಹುಸಂಖ್ಯಾತರು ಎಂದು ಪರಿಗಣಿಸಲಾಗುತ್ತದೆ!

ದೈನಿಕ್ ಭಾಸ್ಕರ್ ಅವರ ವರದಿಯ ಪ್ರಕಾರ, ದೇಶದ 775 ಜಿಲ್ಲೆಗಳ 102 ಜಿಲ್ಲೆಗಳಲ್ಲಿ ಹಿಂದೂಗಳು ಅಲ್ಪಸಂಖ್ಯಾತರಾಗಿದ್ದಾರೆ. ಇತರ ಕೆಲವು ಸಂಸ್ಥೆಗಳು ಈ ಅಂಕಿಅಂಶವನ್ನು 200 ಜಿಲ್ಲೆಗಳು ಎಂದು ಸೂಚಿಸಿವೆ. ಪರಿಸ್ಥಿತಿ ಆತಂಕಕಾರಿಯಾಗಿದೆ. ಅಬ್ರಹಾಮಿಕ್ ನಂಬಿಕೆಗಳ ಅನುಯಾಯಿಗಳಿಗಿಂತ ಭಿನ್ನವಾಗಿ, ಹಿಂದೂ ಧರ್ಮದ ಅಡಿಯಲ್ಲಿ ಬರುವ ಹೆಚ್ಚಿನ ನಂಬಿಕೆಗಳು ಅಸಂಘಟಿತವಾಗಿವೆ. ಹಿಂದೂಗಳು ಅಲ್ಪಸಂಖ್ಯಾತರಾಗಿರುವಲ್ಲಿ, ದಂಗೆ-ದೊಂಬಿಗಳ ಸಂದರ್ಭಗಳು ಉಂಟಾದಾಗ ಸವಾಲುಗಳು ಉಲ್ಬಣಿಸುತ್ತವೆ ಮತ್ತು ಆಗಲೂ ಸಹ ಹಿಂದೂಗಳನ್ನು ಬಹುಸಂಖ್ಯಾತರು ಎಂದು ಪರಿಗಣಿಸಲಾಗುತ್ತದೆ ಮತ್ತು ಬಹುಸಂಖ್ಯಾತರು ಎಂಬ ನೆಲೆಯಲ್ಲಿಯೇ ಕ್ರಮಕೈಗೊಳ್ಳಲಾಗುತ್ತದೆ.

ಅಲ್ಪಸಂಖ್ಯಾತರ ಬಗ್ಗೆ ಸುಪ್ರೀಂಕೋರ್ಟ್:

ಜುಲೈ 18, 2022 ರಂದು ಸುಪ್ರೀಂಕೋರ್ಟ್ “ಧಾರ್ಮಿಕ ಮತ್ತು ಭಾಷಿಕ ಸಮುದಾಯಗಳ ಅಲ್ಪಸಂಖ್ಯಾತ ಸ್ಥಿತಿಯು “ರಾಜ್ಯ-ಅವಲಂಬಿತವಾಗಿದೆ” ಎಂದು ಹೇಳಿದೆ. ನಿರ್ದಿಷ್ಟ ರಾಜ್ಯದಲ್ಲಿ ಅಲ್ಪಸಂಖ್ಯಾತರಾಗಿರುವ ಧಾರ್ಮಿಕ ಅಥವಾ ಭಾಷಿಕ ಸಮುದಾಯವು ಸಂವಿಧಾನದ 29 ಮತ್ತು 30 ನೇ ವಿಧಿಯ ಅಡಿಯಲ್ಲಿ ತನ್ನದೇ ಆದ ಶಿಕ್ಷಣ ಸಂಸ್ಥೆಗಳನ್ನು ನಿರ್ವಹಿಸುವ ಮತ್ತು ನಡೆಸುವ ಹಕ್ಕನ್ನು ಅಂತರ್ಗತವಾಗಿ ಪಡೆಯಬಹುದು ಎಂದು ನ್ಯಾಯಾಲಯ ಸೂಚಿಸಿದೆ.

ಈ ಪ್ರಕರಣದಲ್ಲಿ ಶ್ರೀ ದೇವಕಿನಂದನ್ ಠಾಕೂರ್ ಪರ ಹಿರಿಯ ವಕೀಲ ಅರವಿಂದ್ ದಾತಾರ್ ಅವರು ಹೇಳಿಕೆ ನೀಡಿದ್ದು, ನಿರ್ದಿಷ್ಟ ರಾಜ್ಯಗಳಲ್ಲಿ ವಾಸಿಸುವ ಹಿಂದೂಗಳು ಅಲ್ಪಸಂಖ್ಯಾತರೆಂದು ಘೋಷಿಸುವ ನಿರ್ದಿಷ್ಟ ಅಧಿಸೂಚನೆಯ ಅನುಪಸ್ಥಿತಿಯಲ್ಲಿ ಆರ್ಟಿಕಲ್ 29 ಮತ್ತು 30 ರ ಅಡಿಯಲ್ಲಿ ತಮ್ಮ ಹಕ್ಕುಗಳನ್ನು ಚಲಾಯಿಸಲು ಸಾಧ್ಯವಾಗುವುದಿಲ್ಲ ಎಂದು ಹೇಳಿದರು. ಅಂದಿನಿಂದ  ಈ ವಿಷಯದ ಬಗ್ಗೆ ಸಾಮಾಜಿಕ ಮತ್ತು ರಾಜಕೀಯ ಜಾಗೃತಿ ಸೇರಿದಂತೆ ಸೂಕ್ತ ಕ್ರಮಗಳನ್ನು ತೆಗೆದುಕೊಳ್ಳಲು ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಲ್ಲಿ ಚರ್ಚೆ ಆರಂಭವಾಗಿದೆ.

ಮೊದಲಾಗಿ ಗಲಭ, ಅಸಹಿಷ್ಣುತೆ ಮತ್ತು ಗೂಂಡಾಗಿರಿ ಮುಂತಾದವುಗಳ ಡೇಟಾವನ್ನು ಜಿಲ್ಲೆ, ತಾಲೂಕು / ಮಂಡಲ ಮಟ್ಟದವರೆಗಿನ ಜನಸಂಖ್ಯಾಶಾಸ್ತ್ರಕ್ಕೆ ಹೊಂದಿಕೆ ಮಾಡಬೇಕಾಗುತ್ತದೆ. ಹಿಂದೂಗಳನ್ನು ಬಹುಸಂಖ್ಯಾತ ಎಂದು ಟ್ಯಾಗ್‌ ಮಾಡಿ ತಪ್ಪಿತಸ್ಥರನ್ನಾಗಿ ಮಾಡುವ ನಿರೂಪಣೆಯನ್ನು ಕಿತ್ತು ಹಾಕಬೇಕಾಗುತ್ತದೆ.

Source : arisebharat.com