ನವದೆಹಲಿ: 2022 ರ ಕ್ಯಾಲೆಂಡರ್ ವರ್ಷದಲ್ಲಿ ಹೆದ್ದಾರಿಗಳ ಟೋಲ್ ಪ್ಲಾಜಾಗಳಲ್ಲಿನ FASTagಗಳ ಮೂಲಕ  50,855 ಕೋಟಿ ರೂಪಾಯಿಗಳನ್ನು ಸಂಗ್ರಹಿಸಲಾಗಿದೆ, 2021 ರಲ್ಲಿ 34,778 ಕೋಟಿ ರೂಪಾಯಿಗಳಿಗೆ ಹೋಲಿಸಿದರೆ ಇದು ಸುಮಾರು 46 ಶೇಕಡಾ ಹೆಚ್ಚು.

ಈ ಬೆಳವಣಿಗೆ ಮುಂದುವರಿದರೆ ಕೇವಲ ಫಾಸ್ಟ್ಯಾಗ್‌ಗಳ ಮೂಲಕ ಭಾರತದ ಹೆದ್ದಾರಿ ಟೋಲ್ ಸಂಗ್ರಹವು 2024 ರ ಅಂತ್ಯದ ವೇಳೆಗೆ ಒಂದು ಲಕ್ಷ ಕೋಟಿಯ ಗಡಿ ದಾಟುತ್ತದೆ ಎಂದು ವರದಿಗಳು ತಿಳಿಸಿವೆ.

ಡಿಸೆಂಬರ್ 2022 ರಲ್ಲಿ ರಾಷ್ಟ್ರೀಯ ಹೆದ್ದಾರಿ ಟೋಲ್ ಪ್ಲಾಜಾಗಳಲ್ಲಿ ಫಾಸ್ಟ್ಯಾಗ್ ಮೂಲಕ ದೈನಂದಿನ ಸರಾಸರಿ ಟೋಲ್ ಸಂಗ್ರಹವು 134.44 ಕೋಟಿ ರೂಪಾಯಿಗಳಾಗಿದ್ದು, 24 ಡಿಸೆಂಬರ್ 2022 ರಂದು ಒಂದೇ ದಿನದ ಗರಿಷ್ಠ ಸಂಗ್ರಹವು 144.19 ಕೋಟಿ ರೂಪಾಯಿಗಳನ್ನು ಮುಟ್ಟಿದೆ.

ಅದೇ ರೀತಿ, ಫಾಸ್ಟ್‌ಟ್ಯಾಗ್ ವಹಿವಾಟುಗಳ ಸಂಖ್ಯೆಯು 2021 ರಲ್ಲಿ ಹೋಲಿಸಿದರೆ 2022 ರಲ್ಲಿ ಶೇಕಡಾ 48 ರಷ್ಟು ಬೆಳವಣಿಗೆಯನ್ನು ಕಂಡಿದೆ. 2021 ಮತ್ತು 2022 ರಲ್ಲಿ ಫಾಸ್ಟ್‌ಟ್ಯಾಗ್ ವಹಿವಾಟುಗಳ ಸಂಖ್ಯೆ ಕ್ರಮವಾಗಿ 219 ಕೋಟಿ ಮತ್ತು 324 ಕೋಟಿ ಎಂದು ವರದಿಗಳು ತಿಳಿಸಿವೆ.

ಇದುವರೆಗೆ ನೀಡಲಾದ 6.4 ಕೋಟಿ ಫಾಸ್ಟ್‌ಟ್ಯಾಗ್‌ಗಳೊಂದಿಗೆ, ದೇಶಾದ್ಯಂತ ಒಟ್ಟು ಫಾಸ್ಟ್‌ಟ್ಯಾಗ್ ಸಕ್ರಿಯಗೊಳಿಸಿದ ಶುಲ್ಕ ಪ್ಲಾಜಾಗಳ ಸಂಖ್ಯೆಯು ಹಿಂದಿನ ವರ್ಷ 2021 ರಲ್ಲಿನ 922 ರಿಂದ 2022 ರಲ್ಲಿ 1,181 (323 ರಾಜ್ಯ ಹೆದ್ದಾರಿ ಶುಲ್ಕ ಪ್ಲಾಜಾಗಳು ಸೇರಿದಂತೆ) ಕ್ಕೆ ಏರಿದೆ.

ಅಲ್ಲದೆ, ಉತ್ತರ ಪ್ರದೇಶ, ಮಹಾರಾಷ್ಟ್ರ, ಗುಜರಾತ್, ಮಧ್ಯಪ್ರದೇಶ, ತೆಲಂಗಾಣ ಮತ್ತು ಕರ್ನಾಟಕ ಮುಂತಾದ ರಾಜ್ಯಗಳನ್ನು ಒಳಗೊಂಡಿರುವ ಫಾಸ್ಟ್ಯಾಗ್ ಕಾರ್ಯಕ್ರಮದ ಅಡಿಯಲ್ಲಿ ಆನ್-ಬೋರ್ಡಿಂಗ್ ಸ್ಟೇಟ್ ಫೀ ಪ್ಲಾಜಾಗಳಿಗಾಗಿ 29 ವಿವಿಧ ರಾಜ್ಯ ಘಟಕಗಳು/ಅಧಿಕಾರಿಗಳೊಂದಿಗೆ ಒಪ್ಪಂದಗಳಿಗೆ ಸಹಿ ಮಾಡಲಾಗಿದೆ.