ʼಟಿಬಿ ಮುಕ್ತ ಭಾರತʼ ಅಭಿಯಾನಕ್ಕೆ ರಾಷ್ಟ್ರಪತಿ ಚಾಲನೆ

ನವದೆಹಲಿ:  ದೇಶದಿಂದ ಕ್ಷಯರೋಗವನ್ನು ತೊಡೆದುಹಾಕಲು ಜನ್ ಭಾಗಿದರಿ ಕೀಲಿಯಾಗಿದೆ ಎಂದು ರಾಷ್ಟ್ರಪತಿ ದ್ರೌಪದಿ ಮುರ್ಮು ಅವರು ಹೇಳಿದ್ದಾರೆ.

2025 ರ ವೇಳೆಗೆ ದೇಶದಿಂದ ಟಿಬಿ ನಿರ್ಮೂಲನೆಯ ಧ್ಯೇಯವನ್ನು ಪುನಶ್ಚೇತನಗೊಳಿಸಲು ಪ್ರಧಾನ ಮಂತ್ರಿ ಟಿಬಿ ಮುಕ್ತ ಭಾರತ ಅಭಿಯಾನವನ್ನು ವರ್ಚುವಲ್‌ ಆಗಿ ಪ್ರಾರಂಭಿಸಿದ ನಂತರ ರಾಷ್ಟ್ರಪತಿಗಳು ಈ ಹೇಳಿಕೆ ನೀಡಿದ್ದಾರೆ.

ಕಾರ್ಯಕ್ರಮದ ಸಮಯದಲ್ಲಿ ಮುರ್ಮು ಅವರು ನಿ-ಕ್ಷಯ್ 2.0 ಉಪಕ್ರಮವನ್ನು ಪ್ರಾರಂಭಿಸಿದರು, ಇದು ಟಿಬಿ ಚಿಕಿತ್ಸೆಗೆ ಒಳಗಾಗುವವರಿಗೆ ವಿವಿಧ ರೀತಿಯ ಬೆಂಬಲವನ್ನು ಒದಗಿಸಲು ದಾನಿಗಳಿಗೆ ವೇದಿಕೆಯನ್ನು ಒದಗಿಸುವ ಪೋರ್ಟಲ್ ಆಗಿದೆ.

ವಿಶ್ವದ ಅತಿದೊಡ್ಡ ಆಯುಷ್ಮಾನ್ ಯೋಜನೆಯಡಿಯಲ್ಲಿ, ಕ್ಷಯರೋಗವನ್ನು ನಿರ್ಮೂಲನೆ ಮಾಡುವ ನಿಟ್ಟಿನಲ್ಲಿ ಸ್ವಾಸ್ಥ್ಯ ಕೇಂದ್ರಗಳು ವಿಶೇಷವಾಗಿ ಸಜ್ಜಾಗಿವೆ ಎಂದು ಅವರು ಹೇಳಿದರು.

ಟಿಬಿ ವಿರುದ್ಧ ಹೋರಾಡಲು ನವ ಭಾರತದ ಬದ್ಧತೆಗೆ ಒತ್ತು ನೀಡಿದ ರಾಷ್ಟ್ರಪತಿ ಮುರ್ಮು, ಕೋವಿಡ್-19 ಗೆ ಭಾರತದ ಪ್ರತಿಕ್ರಿಯೆಯು ಈ ವಿಷಯದಲ್ಲಿ ಭಾರತದ ಗಂಭೀರತೆಗೆ ಸಾಕ್ಷಿಯಾಗಿದೆ ಎಂದು ಹೇಳಿದರು. ಕಾರ್ಯದ ಯಶಸ್ಸಿನಲ್ಲಿ ಸಾರ್ವಜನಿಕ ಪ್ರತಿನಿಧಿಗಳ ಪಾತ್ರದ ಮಹತ್ವವನ್ನು ಅವರು ಒತ್ತಿ ಹೇಳಿದರು.

ಜನರಿಗೆ ಮಾಹಿತಿ ಸುಲಭವಾಗಿ ಲಭ್ಯವಾಗುವಂತೆ ಹೊಸ ಪೋರ್ಟಲ್ ನಿಕ್ಷಯ್ 2.0 ಅನ್ನು ನವೀಕರಿಸಲಾಗಿದೆ ಎಂದು ಮುರ್ಮು ಹೇಳಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಆರೋಗ್ಯ ಸಚಿವ ಡಾ.ಮನ್ಸುಖ್ ಮಾಂಡವಿಯಾ, 2030 ರ ಸುಸ್ಥಿರ ಅಭಿವೃದ್ಧಿ ಗುರಿಗಳಿಗೆ ಐದು ವರ್ಷಗಳ ಮೊದಲು ದೇಶದಲ್ಲಿ ಕ್ಷಯರೋಗವನ್ನು ತೊಡೆದುಹಾಕಲು ಪ್ರಧಾನಿ ನರೇಂದ್ರ ಮೋದಿ ಅವರು ನೀಡಿದ ಸ್ಪಷ್ಟವಾದ ಕರೆಯನ್ನು ಸ್ಮರಿಸಿದರು. ಜನರ ಸಹಭಾಗಿತ್ವದ ಮೂಲಕ ಭಾರತವು ಕ್ಷಯರೋಗವನ್ನು ಸೋಲಿಸುತ್ತದೆ ಎಂದು ಅವರು ಹೇಳಿದರು.

ʼನಿಕ್ಷಯ್ ಮಿತ್ರʼ ಉಪಕ್ರಮವು ಟಿಬಿ ನಿರ್ಮೂಲನೆಗೆ ಸಮುದಾಯದ ಬೆಂಬಲದ ಪರಿಕಲ್ಪನೆಯನ್ನು ಆಧರಿಸಿದೆ. ನಿಕ್ಷಯ್ ಮಿತ್ರರಾಗಲು www.nikshay.in ಅಥವಾ www.tbcindia.gov.in ಅಲ್ಲಿ ನೋಂದಾಯಿಸಿಕೊಳ್ಳಬೇಕು.