ಮುಂಬಯಿ: ರತನ್ ಟಾಟಾ ಕೇವಲ ಉದ್ಯಮಿಯಲ್ಲ ಅವರೊಬ್ಬ ಪರೋಪಕಾರಿ ಮತ್ತು ಸಮಾಜದ ಬಗ್ಗೆ ಅಪಾರ ಕಾಳಜಿ ಹೊಂದಿರುವ ವ್ಯಕ್ತಿಯೂ ಹೌದು. “ಗುಡ್ಫೆಲೋಸ್” ಎಂಬ ಸ್ಟಾರ್ಟ್-ಅಪ್ನಲ್ಲಿ ಹೂಡಿಕೆಯನ್ನು ಮಾಡುವ ಮೂಲಕ ಅವರು ಹಿರಿಯರು ಮತ್ತು ಕಿರಿಯರ ನಡುವೆ ಬೆಸುಗೆ ಹಾಕಲು ಮುಂದಾಗಿದ್ದಾರೆ.
ʼಗುಡ್ ಫೆಲೋಸ್ʼ ವಯಸ್ಸಾದವರಿಗೆ ಯುವ ಮತ್ತು ವಿದ್ಯಾವಂತ ಪದವೀಧರರ ನಡುವೆ ಬಂಧ ಬೆಸೆದು ಅವರ ಅರ್ಥಪೂರ್ಣ ಒಡನಾಟಕ್ಕಾಗಿ ಸಹಾಯ ಮಾಡುವ ಗುರಿಯನ್ನು ಹೊಂದಿದೆ .
ಕಳೆದ ಆರು ತಿಂಗಳಲ್ಲಿ, “ಗುಡ್ಫೆಲೋಸ್” ಯಶಸ್ವಿ ಬೀಟಾವನ್ನು ಪೂರ್ಣಗೊಳಿಸಿದೆ ಮತ್ತು ಇದೀಗ ಮುಂಬೈನಲ್ಲಿ ಮತ್ತು ಶೀಘ್ರದಲ್ಲೇ ಪುಣೆ, ಚೆನ್ನೈ ಮತ್ತು ಬೆಂಗಳೂರಿನಲ್ಲಿ ಲಭ್ಯವಾಗುತ್ತಿದೆ.
“ಗುಡ್ಫೆಲೋಸ್ ರಚಿಸಿದ ಎರಡು ತಲೆಮಾರುಗಳ ನಡುವಿನ ಬಂಧಗಳು ಬಹಳ ಅರ್ಥಪೂರ್ಣವಾಗಿವೆ ಮತ್ತು ಭಾರತದಲ್ಲಿ ಪ್ರಮುಖ ಸಾಮಾಜಿಕ ಸಮಸ್ಯೆಯನ್ನು ಪರಿಹರಿಸಲು ಸಹಾಯ ಮಾಡುತ್ತಿವೆ. ಹೂಡಿಕೆಯು ಗುಡ್ಫೆಲೋಸ್ನಲ್ಲಿರುವ ಯುವ ತಂಡವು ಬೆಳೆಯಲು ಸಹಾಯ ಮಾಡುತ್ತದೆ ಎಂದು ನಾನು ಭಾವಿಸುತ್ತೇನೆ”ಎಂದು ಟಾಟಾ ಹೇಳಿದ್ದಾರೆ.
ಬೀಟಾ ಪರೀಕ್ಷೆಯ ಸಮಯದಲ್ಲಿ, ಗುಡ್ಫೆಲೋಸ್ನಲ್ಲಿ ಉದ್ಯೋಗ ಪಡೆಯಲು ಬಯಸುವ ಯುವ ಪದವೀಧರರಿಂದ 800 ಕ್ಕೂ ಹೆಚ್ಚು ಅರ್ಜಿಗಳನ್ನು ಪಡೆದು ಅದರಲ್ಲಿ 20 ಮಂದಿಯನ್ನು ಶಾರ್ಟ್ಲಿಸ್ಟ್ ಮಾಡಿ ಮುಂಬೈನಲ್ಲಿನ ವೃದ್ಧರಿಗೆ ಒಡನಾಟವನ್ನು ಒದಗಿಸಿದೆ.
Admin
ಸಮಾಜದ ಉತ್ತಮ ಸುದ್ದಿಗಳನ್ನು ನಾವು ನಿಮ್ಮ ಮುಂದಿಡುವ ಪ್ರಯತ್ನವನ್ನು ಮಾಡುತ್ತಿದ್ದೇವೆ. ಪ್ರೋತ್ಸಾಹಿಸಿ, ಸ್ವೀಕರಿಸಿ. ನೀವು ಸ್ವೀಕರಿಸಿದಾಗ ನಾವು ಬೆಳೆಯಬಹುದು. ಒಳ್ಳೆಯ ಸುದ್ದಿಗಳಿಗೆ ಸಮಾಜ ತೆರೆದುಕೊಂಡಿದೆ ತಲುಪಿಸುವವರು ನಾವಾಗಬಾರದೇಕೆ?
ನ್ಯೂಸ್ 13 ಸಮಾಜದ ಧನಾತ್ಮಕ ಸುದ್ದಿಗಳನ್ನು ಹಾಗೂ ರಾಷ್ಟ್ರೀಯ ವಿಚಾರಗಳನ್ನು ನಿಮಗೆ ತಲುಪಿಸುವ ಪ್ರಯತ್ನ ಮಾಡುತ್ತದೆ. ಈ ರೀತಿ ಇನ್ನಷ್ಟು ಉತ್ತಮ ಸುದ್ದಿಗಳನ್ನು ತಲುಪಿಸಲು ನಿಮ್ಮ ಸಹಕಾರವನ್ನು ಅಪೇಕ್ಷಿಸುತ್ತಿದ್ದೇವೆ. ಈ ಕಾರ್ಯದಲ್ಲಿ ನೀವೂ ನಮ್ಮೊಂದಿಗೆ ಜೊತೆಯಾಗಿ.
News13 strives to publish and promote positive news/happenings and nationalistic thoughts. Join hands with us in this constructive cause. We hope and expect your co-operation in this objective of broadcasting news that shall keep up with quality journalism.
