ಲಸಿಕೆಗೆ ಸಂಬಂಧಿಸಿ ಏನೇ ಸಮಸ್ಯೆ ಇದ್ದರೂ ಆಯಾಯ ರಾಜ್ಯಗಳೇ ಹೊಣೆ: ಹರ್ಷವರ್ಧನ್

ನವದೆಹಲಿ: ಕೊರೋನಾ ಲಸಿಕೆ ಪೂರೈಕೆಗೆ ಸಂಬಂಧಿಸಿದಂತೆ ಕೆಲವು ರಾಜ್ಯಗಳ ನಾಯಕರು ಬೇಕಾಬಿಟ್ಟಿ ಹೇಳಿಕೆ ನೀಡುತ್ತಿದ್ದು, ಇದಕ್ಕೆ ಕೇಂದ್ರ ಸಚಿವ ಡಾ ಹರ್ಷವರ್ಧನ್ ಅವರು ಖಾರವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ.

ಆಯಾಯ ರಾಜ್ಯಗಳಲ್ಲಿ ಕೊರೋನಾ ಲಸಿಕೆಗೆ ಸಂಬಂಧಿಸಿದಂತೆ ಏನೇ ಸಮಸ್ಯೆ‌ಗಳಿದ್ದರೂ ಅದನ್ನು ಅವರವರೇ ಪರಿಹರಿಸಿಕೊಳ್ಳಬೇಕು. ಅವೆಲ್ಲಕ್ಕೂ ಆಯಾ ರಾಜ್ಯಗಳೇ ಹೊಣೆಯಾಗಿರುತ್ತವೆ. ಲಸಿಕೆ ವಿತರಣೆಯನ್ನು ಸಹ ಸರಿಯಾಗಿ ಯೋಜಿಸುವಂತೆ ಅವರು ತಿಳಿಸಿದ್ದಾರೆ.

ಈ ಸಂಬಂಧ ಟ್ವೀಟ್ ಮಾಡಿರುವ ಅವರು, ಯಾವುದೇ ರಾಜ್ಯದಲ್ಲಿ ಲಸಿಕೆ ಪೂರೈಕೆ ಸಮಸ್ಯೆ ಇದ್ದರೆ, ಅದು ಆ ರಾಜ್ಯಗಳದ್ದೇ ಲೋಪವಾಗಿದೆ. ರಾಜ್ಯಗಳು ಲಸಿಕಾ ಕಾರ್ಯವನ್ನು ಉತ್ತಮವಾಗಿ ಯೋಜಿಸುವ ಅಗತ್ಯ ಇದೆ. ರಾಜ್ಯದಲ್ಲಿ ಲಸಿಕಾ ಯೋಜನೆ ಮತ್ತು ವಿತರಣೆಯ ಸಂಪೂರ್ಣ ಜವಾಬ್ದಾರಿ ಆಯಾಯ ರಾಜ್ಯಗಳದ್ದೇ ಎಂದು ತಿಳಿಸಿದ್ದಾರೆ. ಕೊರೋನಾ ಸಾಂಕ್ರಾಮಿಕದ ನಡುವೆ ಇಂತಹ ರಾಜಕೀಯ ಪ್ರವೃತ್ತಿ‌ಯಿಂದ ಹೊರಬರುವಂತೆ ನಾಯಕರಲ್ಲಿ ಕೋರುತ್ತೇನೆ ಎಂದು ಅವರು ತಿಳಿಸಿದ್ದಾರೆ.

ಈ ವಿಚಾರಗಳ ಬಗ್ಗೆ ತಿಳಿದಿದ್ದರೃ ನಾಯಕರು ಈ ರೀತಿಯ ಹೇಳಿಕೆಗಳನ್ನು ನೀಡುತ್ತಿರುವುದು ದುರಾದೃಷ್ಟ. ಅವರಿಗೆ ಅದರ ಬಗ್ಗೆ ಅರಿವಿಲ್ಲದಲ್ಲಿ, ಆಡಳಿತದತ್ತ ಗಮನ ನೀಡಬೇಕು. ಭಯಭೀತಿ ಸೃಷ್ಟಿಸುವ ಬದಲು ಯೋಜನೆಯಲ್ಲಿ ಹೆಚ್ಚು ಶ್ರಮ ವಹಿಸುವಂತೆ ನಾಯಕರಲ್ಲಿ ವಿನಂತಿಸುವುದಾಗಿ ಹೇಳಿದ್ದಾರೆ.

👉If there are issues in states, it shows that they need to better plan their #vaccination drives. Intra-state planning & logistics are the responsibility of the states

👉I request these leaders to desist from their shameless urge to play politics even in the midst of a pandemic

— Dr Harsh Vardhan (@drharshvardhan) July 1, 2021